" မဖဲဝါ အကြောင်း နှင့် တခြား သရဲသစေ အကြောင်းများ "

 

သဘာဝလွန် ဖြစ်ရပ်ဆန်းများ - မဖဲဝါ ✅ မဖဲဝါအကြောင်း အထုပ္ပတ္တိ အပြည့်အစုံကတော့ နန္ဓာဒေ၀ီဆိုတဲ့ နာမည်နဲ့ ပါ။ လူ့ဘ၀က သူ့မူလနာမည်ဟာ နန္ဒာဒေ၀ီဖြစ်ပါတယ်။ နောက်ပိုင်း သူ့ရန်သူတွေက လိုက်လို့ ပြေးရစဉ်မှာ ဖလာဝဟဆိုတဲ့ ပါဠိ အနက်ကို စွဲလို့ မဖဲဝါလို့ အသံဖလှယ်ပြီး နာမည် ယူခဲ့တာ ဖြစ်ပါတယ်။ ဖလာဝဟဆိုတာ ပါဠိစကားပါ။ မြန်မာလို အကျိုးကိုဆောင်သည်လို့ အဓိပ္ပါယ်ရပါတယ်။ ဖလာဝဟ ကနေ ဖဲဝါ ဖြစ်လာတာပေါ့။
✅ သူ့အစ်ကိုကတော့ ဖိုးစံမှဲ့ဆိုတာ သိကြပါလိမ့်မယ်။ သူ့အစ်ကိုရဲ့ လူ့ဘ၀က မူလနာမည်ဟာ မင်းရဲကျော်ခေါင်ပါ။ နောက်ပိုင်းမှ စမ္မဆိုတဲ့ ပါဠိ အဓိပ္ပါယ်နဲ့ သူ့ကိုယ်သူ စံမှဲ့လို့ ပြောင်းလိုက်တာ ဖြစ်ပါတယ်။ စမ္မဆိုတာ မြန်မာလို စစ်တိုက်ရာမှာ သုံးသောည လွှား၊ ကာ စသဖြင့် အဓိပ္ပါယ်ရပါတယ်။ သူ့တစ်ဦးတည်းသော ညီမလေး (နန္ဒာဒေ၀ီတစ်ဖြစ်လဲ မဖဲဝါ) ကို ကာကွယ်စောင့်ရှောက်မယ်ဆိုတဲ့သဘောပေါ့။
✅ နောက်ပိုင်းသူ ဆုံးသွားတော့ အုပ်ဂူမှာ ခင်ဖဲဝါအဖြစ် ကမ္ပည်းထိုးခြင်း ခံလိုက်ရရှာတယ်။ ဒီတော့ တစ်ချို့က မေးကြတယ်။ " ခင်စက်မေဆိုတာ မဖဲဝါလား၊ ဒါဆို နန္ဒာဒေ၀ီကရော ... မဖဲဝါနဲ့ ခင်စက်မေ ဘယ်လို ပတ်သက်လဲ " ဆိုတဲ့အကြောင်းတွေပါ။ နောက်ထပ်မေးခွန်းတစ်ခုလည်း ရှိပါသေးတယ်။`မဖဲဝါဆိုတာ ဘယ်ခေတ်က စပေါ်တာလဲ´ တဲ့။ကျနော့်အဖြေကို မပေးသေးပဲ မေးခွန်း၂ခုကို တစ်ဆက်တည်း ဖော်ပြရတာက အကြောင်းရှိပါတယ်။ အဲဒီ ၂ခုဟာ ဆက်စပ်နေလို့မို့ပါ။ နောက်က မေးခွန်းကို အရင်ဖြေပါ့မယ်။
✅ မဖဲဝါပေါ်ပေါက်ခဲ့တဲ့ ခေတ်ကာလနဲ့ ပတ်သက်လို့ ၀ိဝါဒကွဲစရာ အမျိုးမျိုးရှိနေပါတယ်။ ပါးစပ်ရာဇ၀င်အဆိုအရ ပုဂံအပျက် - ပင်းယခေတ် လောက်ကလို့ ဆိုကြတယ်။ ဒါပေမဲ့ ကျနော် မဖဲဝါစာအုပ်ရေးဖြစ်ခဲ့စေအောင် အဓိက အချက်အလက် စုဆောင်းပေးသူဖြစ်တဲ့ မိတ်ဆွေ သုဘရာဇာကြီးဆီမှာ ရှိတဲ့ ပုရပိုဒ်ဟောင်းကလေးမှာတော့ အင်းဝခေတ်နောက်ပိုင်းကျမှ သုသာန်စောင့်ဆိုတဲ့ နေရာမှာမဖဲဝါနာမည် ဖော်ပြထားတာ တွေ့ရပါတယ်။(အဲဒီ ပုရပိုဒ်အကြောင်းနဲ့ မိတ်ဆွေသုဘရာဇာကြီးအကြောင်း မဖဲဝါစာအုပ်ကျနော်ရေးဖြစ်စေခဲ့တဲ့ အကြောင်းတွေကို နောက်ပိုင်းမှာ သပ်သပ်ဆက်ပြောပါ့မယ်။ တရှည်တလျားပြောရမှာမို့ပါ)
✅ ပြောရရင်တော့ ဒီလို နတ်စိမ်းတွေရဲ့ အကြောင်းဟာ အထောက်အထား အပြည့်အစုံရှာဖို့ အတော်ခက်ပါတယ်။ ဒါက လူတွေရဲ့ ပါးစပ်ရာဇ၀င်မှာသာ တစ်ဆင့်စကားတစ်ဆင့်နားနဲ ပြန့်ပွားတတ်တာကိုး။ ဘာပဲဖြစ်ဖြစ် မဖဲဝါပေါ်ပေါက်လာခြင်းဟာ အနည်းဆုံး နှစ် ၃၀၀ ကျော်ဝန်းကျင် ရှိပြီလို့ ခန့်မှန်းရပါတယ်။ ရှေ့ပိုင်းမှာ ရေးထားခဲ့တဲ့ မေးခွန်းကို ဆက်ဖြေပါ့မယ်။
`ခင်စက်မေဟာ မဖဲဝါနဲ့ ဘယ်လို ပတ်သက်သလဲ´ ဆိုတဲ့ မေးခွန်းပါ။ လက်ရှိ မဖဲဝါဟာ ခင်စက်မေဖြစ်ပါတယ်။ ခင်ဖဲဝါပေါ့လေ။
ဘာကြောင့်ဆိုတာ ရှင်းပြပါ့မယ်။
✅ ဒီလောက်နှစ်တွေကြာမှတော့လဲ မူလမဖဲဝါ (နန္ဒာဒေ၀ီ) ဟာ လွတ်ကျွတ်ပြီပေါ့။ အင်မတန်အစွမ်းထက်တဲ့ နတ်ဝင်သည်တစ်ယောက်ကို ကျနော်ဆုံခဲ့ဖူးပါတယ်။ မဖဲဝါနဲ့ ဆက်သွယ်နိုင်သူလို့ ဆိုကြပါတယ်။ (တကယ်တော့
နတ်ဝင်သည်ဆိုတာ Medium ပါပဲ။ သူ့အစွမ်းထက်မှုအလိုက် မြင်အပ် မမြင်အပ်တဲ့ လောကအလုံးကို ဆက်သွယ်လို့ ရတယ်လို့ သိရပါတယ်) သူ့ပြောပြချက်အရတော့ မူလ မဖဲဝါဖြစ်တဲ့ နန္ဒာဒေ၀ီဟာ အာကာသစိုး ဆိုလား ဖြစ်သွားပြီဆိုပါတယ်။ ပရလောကမှာလဲ အဆင့်တက်သွားတာမျိုး ရှိသတဲ့။ သူ့ကို ရည်စူးပြီး အလှူဒါနပြုကြတာမျိုး၊ အမျှဝေတာမျိုးဆို သူတို့လည်း Promotion တက်သွားနိုင်တယ်နဲ့ တူပါရဲ့။
✅ ဒါပေမဲ့ မဖဲဝါဆိုတဲ့ နာမည်ခံယူထားသူကတော့ ရှိနေမြဲ ဖြစ်ကြောင်းသိရပါတယ်။ ဒါဟာ ဘွဲ့တစ်ခုလိုဖြစ်နေတယ်။ဒီအတွက် ဥပမာပြစရာလည်း ရှိပါတယ်။ ပုဏ္ဏကတိုက်တယ်တို့ အာဠာဝကစီးတယ်တို့ ခုထက်ထိ ကြားဖူးကြဦးမှာပါ။ ဒါပေမဲ့ မူလ ပုဏ္ဏကတို့ အာဠာဝကတို့တွေကတော့ ဘုရားရှင်တော်လက်ထက်မှာထဲက သံသရာက လွတ်မြောက်ရာလမ်းကို ရှေးရှုကုန်ကြပါပြီ။ အခုဆက်ရှိနေတာတွေက မူလ ဘွဲ့နာမကို ခံယူထားသူတွေသာ ဖြစ်ပါလိမ့်မယ်။မဖဲဝါလည်း ဒီလိုပဲဖြစ်လိမ့်မယ်လို့ ခန့်မှန်းရပါတယ်။
✅ မဖဲဝါရဲ့ အလုပ်က သုသာန်တွေကို စောင့်ကြပ်တာပါ။ သုသာန်တွေမှာပဲ သူနေတယ်လို့ သိရပါတယ်။ အင်မတန်ဆိုးရွားတဲ့ အခြေအနေမျိုးမှာမှ ရပ်ထဲရွာထဲ သူဝင်သတဲ့။ အဲဒီလို ရွာထဲ ၀င်တဲ့အခါ ညဘက်တွေမှာ သူဝင်လေ့ရှိတယ်လို့ ဆိုပါတယ်။ အဲဒီအခါ ခွေးတွေ အရမ်းဟောင်တယ်။ သံရှည်ကြီးတွေဆွဲပြီး အသည်းယားလောက်အောင် အူကြတယ်လို့ ပြောကြတယ်။
✅ ညဘက် မဖဲဝါ၀င်လို့မို့ ခွေးတွေအူတဲ့အခါ အဲဒီခွေးကို မအော်ရဘူး၊ မငေါက်ရဘူးလို့ အဆိုရှိပါတယ်။ ဒါကလည်း တောတွေဘာတွေ ၀င်ရင် နာမည် မခေါ်ရဘူးဆိုတဲ့ အယူမျိုးနဲ့ ဆင်နေတာ တွေ့ရပါတယ်။ တောဝင်တဲ့အခါ အချင်းချင်းနာမည်ခေါ်လို့ ကိုယ့်နာမည် သိသွားရင် နာနာဘ၀တွေက လိုက်ခေါ်တတ်သတဲ့။ အဲဒီအခါ ကိုယ်က ထူးမိရင် ကိုယ်နဲ့သူ နေရာလဲခံရတယ်လို့ ဆိုပါတယ်။ ဒါကြောင့် တောထဲမှာဆို နာမည်ခေါ်ရင် အေးတို့ ဟုတ်ကဲ့တို့ မထူးပဲ `၀ူး´ လို့ ထူးကြတယ်လို့လဲ ကြားဖူးပါတယ်။ အခု မဖဲဝါနဲ့ပတ်သက်ရင်လဲ ညဘက်အိမ်ရှေ့ ခွေးတွေ ဟောင်တဲ့အခါ ငေါက်မိရင် သူ့စက်ကွင်းအောက်ရောက်သွားတယ် ထင်ပါရဲ့။ နံနက်ပိုင်းမှာ အခေါင်းကြီးတစ်လုံး အိမ်ရှေ့လာချထားတာ တွေ့ရတယ်လို့ အဆိုရှိပါတယ်။
>>>>>>>>>>>>>>>>>>>>>>>>>>>>>>
" Paranormal Events Series-နာနာဘာဝ "
=================================
သဘာဝလွန် ဖြစ်ရပ်ဆန်းများ - နာနာဘာဝ
✅ မကျွတ်မလွတ်ကြဘဲ တစ္ဆေသရဲ နာနာဘာဝ အဖြစ်ဖြင့် သုသာန်တိုင်းမှာ ပုံသဏ္ဍာန် အမျိုးမျိုးဖြစ်နေကြတာကို အင်တာနက် မြောက်ဦးဆရာတော့် ဝက်ဆိုက်တွင် သံဝေဂယူကြဖို့ ဖေါ်ပြပေးထားသည်ကို ဤသို့ ဖတ်ရ၏။
✅ သုသာန်ဓုတင်ဆောက်တည်ရာတွင် သုသာန်တိုင်း၌ ထိတ်စရာ၊ လန့်စရာ အာရုံတွေ အသံဗလံတွေ မမြင်ရ၊ မကြားရပါစေနဲ့ဟု အဓိဋ္ဌာန်ထားသော်လည်း မြင်ရသည့် အာရုံတွေကလည်း များလှသည်။ ညည်းညူနေသံ၊ ညည်းတွား အော်ဟစ် သံတွေကလည်း အော်ဂလီဆန်ချင်စရာ ကောင်းသည်။ မြင်ရသည့် အာရုံတွေကလည်း ထိတ်လန့်ချောက်ချားစရာ ဖြစ်သည်။
✅ မည်းမည်းအကောင်ကြီးတွေ သုသာန်တိုင်းလိုလိုမှာ တွေ့ရသည်။ လူလိုလိုအကောင်တွေ၊အချို့က ခေါင်းမပါ၊အချို့က ခေါင်းသာမြင်ရသည်၊ ကိုယ်မတွေ့ရ။ အရုပ်ဆိုးအကျည်းတန် သတ္တဝါတွေလည်း မျိုးစုံသည်။ အဝတ်မပါ ဗလာ လူယောကျာ်း၊ လူမိန်းမတွေ စုံသည်။မိန်းမတွေက ဆံပင်ဖားလျား ချလို့၊ ဤအရှင်၏ရှေ့မှ ဖြတ်သွားဖြတ်လာ လုပ်ကြသည်။အချို့က တိုတို၊အချို့က ရှည်မျောမျော၊ အပေါ်ပိုင်း ခန္ဓာရှည်ပြီး အောက်ပိုင်းခြေထောက်တွေ တိုတိုပုံမျိုး ပါသလို၊အပေါ်ပိုင်း ခန္ဓာက ပုတိုတို၊အောက်ပိုင်းခြေတံ ရှည်လျားလျားတွေလည်းပါသည်။
✅ ခန္ဓာကိုယ်က အချွန်အတက်တွေ ထွက်နေသော သတ္တဝါတွေလည်း တွေ့ရသည်။ တွေ့ရသမျှ သတ္တဝါများသည် ဤ အရှင်အားကျောခိုင်း နေသည်သာများသည်။ နွားတွေလို ချိုနှစ်ချောင်းနှင့် သတ္တဝါတွေလည်းပါသည်။ အချို့အကောင်များ၏ မျက်လုံးတွေက စကောလောက်ကြီးသည်။အချို့အကောင်တွေ၏ပါးစပ်က တအားကျယ်သလောက် အသံကြတော့ သေး သေးလေး ဖြစ်၏။
✅ တချို့အကောင်တွေ၏ ပါးစပ်ကြပြန်တော့ သံမှိုပွင့်လောက်ပဲ ရှိသည်။တစ်ခါတစ်ရံ ဤအရှင်၏အနားမှ မြေကြီးထဲက ထိုးထွက်လာသ လိုမျိုး တွေ့ရ သည်။သစ်ပင် ပင်စည်ကြီးထဲ ခေါင်းတွေပြူထွက်လာပြီး ဤအရှင်အား မျက်လုံး ပြူးကြည့်နေ သည်ကိုလည်း မြင်ရသည်။
✅ သုသာန်တစ်ခုမှာတော့ သင်္ချိုင်းဂူကြီးတစ်လုံးက လှုပ်လာပြီ မည်းမည်းအကောင်ကြီးတစ်ကောင် ထွက်လာသည်။ ဤအရှင်အား လာကြည့်ပြီး သူ့ဂူထဲပြန်ဝင်သွားသည်။ ဂူထဲမှ ထွက်လာတော့လည်း အပေါက်ဟူ၍ မရှိ၊ပြန်ဝင်သွားတော့ လည်း အပေါက်မတွေ့ရ။ သင်းပိုင်အစုတ်နှင့် ဘုန်းကြီးလိုလို ပြိတ္တာကြီးကိုလည်း မြင်တွေ့ရဖူးသည်။ ထိုဘုန်းကြီး၏ပါးစပ်မှာ လောက်တွေက အပြည့်၊ နှာခေါင်း အရင်း ကနေ မေးလောက် အထိ လောက်တွေက တဖွားဖွား ကိုက်စားနေသည်။
✅ ဤမကောင်းအနိဋ္ဌာရုံတွေ မြင်တိုင်း မြင်တိုင်း ဤအရှင်သည် ဘဝသံသရာ အဆက်ဆက်က ဆွေမျိုးတော်စပ် ခဲ့ဖူးသူများ ဖြစ်လေမလားဟု ဆင်ခြင်မိမိ၏။ ဤအရှင်နားလည်မိသည်မှာ ပြုမိမှားခဲ့သော အကုသိုလ်ကံတွေက ခေါင်းအမျိုး စုံအောင် ပြောင်းလဲပေးနေခြင်း ဖြစ်သည်။
✅ မြတ်စွာဘုရား ဟောကြားခဲ့သော ပေတဝတ္ထုတိုတွေထဲမှာလည်း ပါသည်။ နေ့စံ ညခံ၊နေ့ဘက်မှာ သုခစံနေသူတွေ ဒုနဲ့ဒေးဖြစ်သည်။ ဤအရှင်ကို ပြသော အာရုံတွေကိုကြည့် အမျိုမျိုးအဖုံဖုံ ဆင်းရဲဒုက္ခတွေက ကြီးလွန်းလှသည်။
✅ ဤအရှင်သည် ပေါ်လာသမျှသော အနိဋ္ဌာရုံများကို ပေးတိုင်းပေါ်တိုင်း ဖျောက်ပစ်ပါ၏။ အချို့သောအရုံများက ဤအရှင်မေတ္တာပို့ အမျှဝေလိုက်သည့်အခါ ချက်ခြင်း ပျောက်သွားသည်။ အချို့က မပျောက်၊အတော်ကြီးကြာကြာ အမျှဝေ တော့မှ အာရုံများက ပျောက်သွားကြသည်။ အသစ်အသစ် အာရုံတွေလည်း တိုး၍တိုး၍ ပေါ်လာသည်။တရားအမှတ်ပျက် လောက်အောင် ဖြစ်သည်။မေတ္တာပို့ အမျှဝေလိုက် ပျောက် သွားလိုက်၊အမျှပေးလိုက်၊မေတ္တာပို့လိုက် လုပ်နေရသည်။
✅ တစ်ခါတစ်ရံတော့လည်း ဤအရှင်သည် ပေါ်လာသမျှသော အရုံများကို သံသရာဆွေမျိုးတွေ ဖြစ်မည်၊ အမျှဝေ တာကို သာဓုခေါ်ချင်လို့ လာကြတာဖြစ်မည်ဟူသောအတွေးနှင့်“ တရားဟောပေးမည်၊ တရားနာ လာကြကုန်လော့” ဟု ဖိတ်ကြားကာ ပရိတ်ကြီး(၁၁)သုတ်၊ ဓမ္မစကြာသုတ်၊ အနတ္တလက္ခဏာသုတ်၊ ပဋ္ဌာန်းပစ္စယုဒ္ဒေသတို့ကို ရွတ်၊ သရဂုံပေးပြီး ပြု ခဲ့သမျှသော ကုသိုလ်တို့ကို အမျှပေးဝေခဲ့ သည်။သံသရာဆွေမျိုးတွေကို ကျေးဇူးဆပ်ခွင့် ရနေသည့်အတွက် ဤအရှင်မှာကျေနပ်နေသည်။
✅ အချို့သုသာန်တွေက အတော်ကြမ်းသည်။အနံ့အသက်တွေက မကောင်း၊အသက်ရှုရခက်လောက်အောင် ဖြစ်သည်။
✅ မြင်ရသည့်အာရုံတွေက ဆိုးမှဆိုး၊ စစ်တွေသုသာန်မှာ ကြုံရသည်က တစ်မျိုး ဖြစ်သည်။ လူလေးယောက် လူသေခေါင်းကြီး တစ်ခုကို ရှေးနှစ်ယောက်၊ နောက်နှစ်ယောက် ထမ်းလာကြသည်။ ဤအရှင်အနား ရောက်သည့်အခါ အခေါင်းကြီး ကိုချပြီး“ ကောက်ထည့် ကွာ၊ ကောက်ထည့်” ဟု တစ်ယောက်ကအမိန့်ပေးသည်။ ဤအရှင်ကို အခေါင်းထဲ ကောက်ထည့်ခိုင်းခြင်း ဖြစ် သည်။ အမိန့်သာပေးသည် တစ်ယောက်မှ ကောက်မထည့်၊ နောက်တော့ မထည့်လျှင်လည်း နေကွာ” ဆိုပြီး ထိုအခေါင်း ကြီးကို ပြန်ထမ်းသွားကြသည်။
✅ တစ်ရက်မှာလည်း ဤအရှင် တရားမှတ်နေတုန်း လက်မောင်းတစ်ဖက်ကို အေးစက်စက်အရာကြီးနှင့် အကပ်ခံ လိုက်ရသလို ဖြစ်သည်။ ရှည်လျားသောလျှာကြီးနှင့် အလျက်ခံလိုက်ရသလို ခံစားလိုက်ရခြင်း ဖြစ်သည်။ဤအရှင်တရား ပျက်လောက်အောင် ဖြစ်ရသည်။
✅ ဤအရှင်အား ကျောက်တုန်းကြီးနှင့် ဖိသတ်ရန် လာသောပြိတ္တာကြီးတစ်ကောင်းကိုလည်း တွေ့ဖူးသည်။ ကျောက် တုန်းကြီးတစ်တုံးကို လှိမ့်ကာလှိမ့်ကာနှင့် လာနေခြင်း ဖြစ်သည်။ဤအရှင်နား ရောက်လာသည်။အမျှဝေတော့မှ ပျောက်သွားသည်။ တွေ့ရသမျှ မြင်ရသမျှသော အာရုံများကို ရေးလျှင် များစွာရှိသေးသည်။အကုသိုလ်၏အကျိုးပေးကို သံဝေဂယူနိုင်ကြ စေရန် ရည်ရွယ်ပြီး အနည်းငယ် ဖော် ထုတ်ရေး သားလိုက်ခြင်း ဖြစ်ပေသည်-ဟု ရေးသားထားပါသည်။
✅ အိန္ဒိယနိုင်ငံ၊ ဥရုဝေလတောရှိ ဘုရားရှင် ဒုက္ကရစရိယာ(၆)နှစ်ကြာ ကျင့်ရာလှိုင်ဂူတွင် တရားထုတ်စဉ်ကလည်း အလားတူ ပြိတ္တာ(နာနာဘာဝ) ကြီးတစ်ဦး ကျောက်တောင်အတွင်းမှ ထွက်လာပြီး နှောက်ယှက်ကြောင်း ရေးထားသေး၏။
>>>>>>>>>>>>>>>>>>>>>>>>>>>>>>
" Paranormal Events Series - ငါ့အရိုးပြန်ပေး "
====================================
သဘာဝလွန် ဖြစ်ရပ်ဆန်းများ - ငါ့အရိုးပြန်ပေး
တစ်ခါတုန်းက ကျုံပျော်ဘက်က ရွာတစ်ရွာမှာ အမျိုးသမီးကြီးတစ်ဦး သွေးကင်ဆာရောဂါဖြစ်သတဲ့။ သူ့မှာ ဦးကောသလ္လလို့ခေါ်တဲ့ သားဦးဇင်းတစ်ပါးရှိတယ်။ မန္တလေးမြို့၊ ဘုရားကြီးတိုက်ထဲမှာ စာပေပရိယတ္တိကို သင်ကြားနေတဲ့ စာသင်သားရဟန်းတစ်ပါးပေါ့။ အမေသွေးကင်ဆာဖြစ်တယ်ဆိုတာကြားတော့ ဆေးရုံတက်ဖို့ကလည်း ပိုက်ဆံကမရှိ။ ပြီးတော့ ဒီရောဂါကလည်း ဖြစ်လာရင်တိမ်းပါးသွားကြတာကများတော့ အခြားလွယ်လွယ်နဲ့ ကုလို့ရတဲ့ ဗိန္ဓောဆေးနည်းကို သူလိုက်ရှာတယ်။ ကံကောင်းချင်တော့ ဦးဇင်းတစ်ပါးဆီက သွေးကင်ဆာပျောက်တဲ့ဆေးနည်းကို ရခဲ့တယ်။ အဲဒီဆေးနည်းကတော့ လူရိုးနဲ့သံပုရာသီးသွေးပြီး သောက်လိုက်ရင် သွေးကင်ဆာပျောက်တယ်ဆိုတဲ့နည်းပါ။
အဲဒီနည်းလည်းရရော ရွာပြန်လာခဲ့တယ်။ သူ့ပထွေးကိုလည်း အမေ့ရောဂါအတွက် လူရိုးနဲ့သံပုရာသီးရရင် အဆင်ပြေနိုင်ကြောင်း ပြောပြတယ်။ ပထွေးကလည်း အဲဒါဆိုရပါတယ်ဦးဇင်း ရွာ့အနောက်ဘက်က သင်္ချိုင်းကုန်းမှာရနိုင်တာပဲ။ ဒီနေ့တော့ ဦးဇင်းအေးအေးဆေးဆေးနေလိုက်ဦးလေ။ မနက်ဖြန်ကျရင် တပည့်တော်တို့ သွားကြတာပေါ့လို့ လျှောက်တယ်။
နောက်တစ်နေ့ နေ့ခင်း ၁၂-နာရီလောက်မှာ ပထွေးနဲ့အတူ သင်္ချိုင်းကုန်းကို ထွက်လာခဲ့ကြတယ်။ ပထမတော့ လူရိုးကို သင်္ချိုင်းကုန်းမှာ တူးစရာမလိုဘဲနဲ့ အပေါ်ယံရှိနေတဲ့အရိုးတွေကို လိုက်ကောက်ကြတယ်။ ဖြစ်ချင်တော့ သူတို့လိုက်ကောက်တဲ့ အဲဒီအရိုးတွေဟာ လက်ထဲရောက်လာရင် အသီးခြောက်တွေဖြစ်ဖြစ်သွားတယ်။ ဥပမာ သျှားစောင်းသီးတို့ဘာတို့ညာတို့ပေါ့။ အဲဒီသင်္ချိုင်းကုန်းမှာ ပေါက်ရောက်နေတဲ့အပင်တွေရဲ့အသီးတွေပေါ့။
ဦးဇင်းက ဒီအတိုင်းဆိုရင် အဆင်မပြေဘူး။ တစ်နေရာရာကို စတူးလိုက်မယ်လုပ်တော့ ဦးဇင်းနဲ့အတူပါလာတဲ့ သူ့ပထွေးက အဲဒီမှာ မတူးနဲ့ဦးဇင်း၊ ဒီအလောင်းကို မြုပ်ထားတာမကြာသေးဘူးဆိုတော့ အရိုးကျမှာ မဟုတ်သေးဘူး။ ဟိုဘက်နေရာက အလောင်းက မြုပ်ထားတာကြာပြီ။ ဆယ်လလောက်တော့ရှိပြီဆိုတော့ အရိုးကျနေလောက်ပြီ။
အဲဒီနောက် သူ့ပထွေးပြောတဲ့နေရာကို တူးလိုက်ကြတယ်။ တူးလိုက်ကြပြီးတော့ အခေါင်းကြီးပေါ်လာတယ်။ အခေါင်းကြီးက အကောင်းချည်းပဲရှိသေးတယ်။ အခေါင်းကို ဆွဲဖွင့်လိုက်တယ်။ မျက်တွင်းဟောက်ပတ်ကို အုပ်နေတဲ့ဆံပင်တွေ အထွေးလိုက်ကြီးကို စတွေ့တယ်။ ကြည့်ရတာ လူငယ်အလောင်းနဲ့တူပါရဲ့။ နောက် အခေါင်းပုံးတစ်ခုလုံးလှပ်ပြီး အရိုးတွေကို ဆွဲထုတ်၊ မြေကြီးနဲ့ရိုက်ခါလိုက်တယ်။ အဲဒီဦးဇင်းကလည်း အမေ့ရောဂါပျောက်လိုဇောနဲ့ လက်ဖျံရိုးနှစ်ချောင်း၊ ခြေသလုံးရိုးနှစ်ချောင်းက အရိုးတွေကို ထင်းခွေသလိုမျိုးထမ်းပြီး ရွာဘက်ကိုပြန်လာခဲ့ကြတယ်။
လမ်းပေါ်မှာတော့ ဘာမှမဖြစ်သေးဘူး။ ရွာထဲမ၀င်ခင် ခြံစည်းရိုးနားမှာ အရိုးကိုမီးမြိုက်လိုက်သေးတယ်။ အညစ်အကြေးတွေ ကင်းသွားအောင်လို့ပေါ့။ သူ့ညီက “ဦးဇင်းအရိုးတွေက မွှေးလှချည်လား၊ ကြက်ရိုးတွေလားမသိဘူး၊ စားတောင်စားချင်လာပြီ”လို့ လှမ်းနောက်လိုက်သေးတယ်။ အဲဒီနောက် ရွာထဲကို ၀င်လာခဲ့ကြတယ်။ အိမ်ပေါ်တက်မယ်လည်းလုပ်ရော သူ့ပထွေးက မျက်နှာရုပ်ဆိုးဆိုးကြီးနဲ့ဖြစ်လာပြီး “ငါ့အရိုးပြန်ပေး၊ ငါ့အရိုးပြန်ပေး”လို့ အော်တောင်းနေတော့တယ်။
အမှန်ကတော့ သူရဲကြီးက ပထွေးကို ၀င်ပူးပြီး ပြောလိုက်တာဖြစ်တယ်။ အဲဒါနဲ့ အဲဒီဦးဇင်းက ခပ်လန့်လန့်နဲ့ သမ္ဗုဒ္ဓေဂါထာကို ရွတ်ဖတ်လိုက်သော်လည်း ငါ့အရိုးပြန်ပေးချည်းဟုသာ တစာစာအော်နေတော့တယ်။ နောက်တော့ ဦးဇင်းကလည်း စိတ်ကိုနိုင်အောင်ထိန်းပြီး လက်တစ်ဖက်က ပထွေးရဲ့ ပခုံးကို ကိုင်လိုက်ပြီး ပါးစပ်ကလည်း “သမ္ဗုဒ္ဓေ အဋ္ဌ၀ီသဉ္စ…စသည်ကို ရွတ်လိုက်တဲ့အခါမှာ အော်သံပျောက်သွားတယ်။ ငါ့အရိုးပြန်ပေးလို့ ထပ်မတောင်းတော့ဘူး။ ဦးဇင်းရဲ့လက်က ပထွေးရဲ့ပခုံးကို လွှတ်လိုက်တဲ့ ခဏလေးမှာပဲ “ငါ့အရိုးပြန်ပေး…၊ ငါ့အရိုးပြန်ပေး…”ဆိုပြီး အသံနက်ကြီးနဲ့ အော်ပြီးတောင်းပြန်တယ်။ ဦးဇင်းကလည်း တစ်ခါထပ်ပြီးတော့ ပခုံးကိုင်ပြီး တစ်ခါရွတ်ပြန်တယ်။
ဒီလိုနဲ့ သူရဲကြီးက ၀င်လာလိုက်၊ ဦးဇင်းကရွတ်လိုက်၊ သူရဲကြီးက ထွက်သွားလိုက်၊ ဦးဇင်းကလက်လွှတ်လိုက်နဲ့ ချာလပတ်လည်နေတော့တယ်။ အဲဒါနဲ့ဦးဇင်းက အကြံပေါက်ပြီး သူ့ညီကို ဘုရားစင်က ကျောက်ပုတီးကြီးကို ယူခိုင်းလိုက်တယ်။ သူ့လက်ထဲပုတီးလည်းရောက်ရော သူ့ပထွေးရဲ့လည်ပင်းမှာ ဆွဲပေးလိုက်တယ်။
ဒါပေမယ့် အဲဒီသူရဲကြီးက သူ့ပါးစပ်ကြီးနဲ့ အဲဒီကျောက်ပုတီးကြီးကို တဂွမ်းဂွမ်းမြည်အောင် ကိုက်ခွဲပစ်လိုက်တယ်။ ဦးဇင်းက အခြေနေမဟန်တာနဲ့ လက်နဲ့ပခုံးကို ကိုင်ပြီး သမ္ဗုဒ္ဓေဂါထာထပ်ရွတ်ပြန်တယ်။ ဒီလိုနဲ့ သူရဲကြီးက ထွက်သွားပြန်တယ်။ ပထွေးလုပ်သူက ဦးဇင်းတပည့်တော်သွားတွေနာလိုက်တာ၊ ဘာဖြစ်တာလဲလို့ မေးတယ်။ ဦးဇင်းက ဘာမှမဖြစ်ပါဘူး။ ခုန ခင်ဗျားက ပုတီးကိုကိုက်ခွဲလိုက်လို့ဖြစ်တာပါလို့ ပြောလိုက်တယ်။
ဒါနဲ့ အရိုးတွေယူပြီး အိမ်ပေါ်တက်လိုက်ကြတယ်။ အိမ်ပေါ်လည်းရောက်ရော ပထွေးက လေးဘက်ကြီးထောက်ပြီး “ငါ့အရိုးပြန်ပေး…”ဆိုပြီး ဦးဇင်းရဲ့မျက်နှာရှေ့တည့်တည့်မှာ အသံပြဲကြီးနဲ့ ထအော်လိုက်တယ်။ အိမ်ပေါ်မှာ လေးဘက်ထောက်ကြီးနဲ့ လျှောက်သွားပြီး “ငါ့အရိုးပြန်ပေး…၊ ငါ့အရိုးပြန်ပေး…”ဆိုပြီး မရပ်မနားအော်နေတော့တယ်။ အမေလုပ်သူက ကြောက်လန့်လာပြီး အဲဒီအရိုးကို သွားပစ်လိုက်ပါတော့၊ တပည့်တော်ရောဂါမပျောက်ချင်လည်း နေပါစေတော့ဦးဇင်းရယ်လို့လှမ်းပြောလိုက်တယ်။ အဲဒါနဲ့ ဦးဇင်းက အရိုးတွေကို သင်္ချိုင်းကုန်းထိ ပြန်ပို့မနေတော့ဘဲ ရွာခြံစည်းရိုးအပြင်ဘက်ကို ပစ်ထုတ်လိုက်တယ်။ အဲဒီအခါကျမှပဲ သူရဲကြီးဝင်ပူးတာ ပျောက်သွားတော့တယ်။
သူ့ပထွေးလည်း မောပန်းပြီး အိပ်ပျော်သွားတယ်။ ဦးဇင်းကတော့ တစ်ညလုံးအိပ်မပျော်ဘဲ အိမ်ခေါင်းရင်းက အကောင်မဲမဲကြီး လမ်းလျှောက်နေတာကို နားထောင်ပြီး အိပ်ယာထဲမှာ မှိန်းနေလိုက်တယ်။ မနက်လေးနာရီထိုးလောက်ကြတော့ ကျုံပျော်ပြန်ဖို့ သူ့ညီကို သင်္ဘောဆိပ်ကို လိုက်ပို့ခိုင်းတယ်။ ဦးဇင်းစိတ်ထဲမှာတော့ အကောင်းမဲမဲကြီးက မလှမ်းမကမ်းက လိုက်လာသလိုမျိုးကြီး ခံစားနေရတယ်။ မနက်မိုးလင်းငါးနာရီလောက်မှာ သင်္ဘောဆိပ်ကနေ ကျုံပျော်ကို ပြန်လာခဲ့လိုက်တယ်။
(အော်…ငါတို့လည်း တစ်နေ့နေ့တစ်ချိန်ချိန်မှာ ငါတို့၏အရိုးတွေဟာ မီးမြိုက်ခံရမလား၊ မြေမြုပ်လိုက်ကြမလား ကြိုမသိနိုင်ပါလား…ဆိုပြီး သရဲအကြောင်းကို ဖတ်ရင်း မရဏာနုဿတိပွားနိုင်ကြပါစေ…)
>>>>>>>>>>>>>>>>>>>>>>>>>>>>>>
" Paranormal Events Series "
=======================
သဘာဝလွန် ဖြစ်ရပ်ဆန်းများ
Paranormal Events Series မစတင်မှီ ရဟန်းသံဃာ မရှိသော အရပ်ဝယ်၌ တစ္ဆေ သရဲ ဖုတ် ပြိတ္တာ မှင်စာ စတဲ့ မကောင်းဆိုးဝါးတွေက ၀င်ပူး နှောက်ယှက်ပြီး၊ ခြောက်လှန့်တာ ခံနေရပြီ ဆိုရင် ဘာလုပ်ရမယ် ဆိုတာလေးကို စတင် မိတ်ဆက်လိုက်ပါတယ် ...
========================
တစ္ဆေ သရဲ ဖုတ် ပြိတ္တာ မှင်စာ စတဲ့ မကောင်းဆိုးဝါးတွေက ၀င်ပူး နှောက်ယှက်ပြီး၊ ခြောက်လှန့်တာ ခံနေရပြီ ဆိုရင် မိန်းကလေးတွေနဲ့ ကလေးတွေကိုသာ ၀င်ပူးကြပါတယ်၊ တကယ်လို့များ အဲလို အန္တရာယ် ကြုံခဲ့ရလို့ ရဟန်းသံဃာ မရှိတဲ့ အရပ်မှာ ဆို ဘယ်လို ဖြေရှင်းရမလဲ တဲ့။
တကယ် သိသင့်တဲ့ မေးခွန်း၊ လိုအပ်နေတဲ့ မေးခွန်းလေးမို့ စာရေးသူက ချက်ချင်းပဲ အဖြေပေးခဲ့ပါတယ်။ အမှန်က အများစု မိန်းကလေးတွေ ကလေးတွေ ရဲ့ ဟဒယ၀တ္ထုရုပ် ဆိုတဲ့ နှလုံးသားက နုနယ်တဲ့ အတွက် ပရလောက က ၀ိဥာဏ်တွေက ၀င်ပူးရတာ လွယ်ကူတဲ့ အကြောင်းကို စာရေးသူရဲ့ မဝေပြောပြသော ဥစ္စာစောင့် ကမ္ဘာ ပိုစ့်မှာ ကျယ်ကျယ်ပြန့်ပြန့် ရေးထားတာရှိပါတယ်။ အထူးသဖြင့် ၀မ်းနည်းနေချိန်၊ စိတ်အားငယ်နေချိန်များမှာ ၀င်ပူးရတာ လွယ်ကူပါသတဲ့။
တစ်ဆက်ထည်း ဗုဒ္ဓဘာသာမှ မဟုတ်ပဲ ဘာသာတရား အားလုံးမှာ အခုလို ၀င်ရောက်ပူးတာ နှောက်ယှက်တာတွေ ရှိနေကြပါတယ်၊ ဒါပေမယ့် တခြားဘာသာတွေမှာတော့ နည်းလမ်းကို မသိကြပဲ အဆင်ပြေသလို သူတို့ စိတ်ကူးဥာဏ်တွေနဲ့ သာ ဖြေရှင်းနေကြရပါတယ်။
နည်းလမ်း အနေနဲ အနုနည်း အကြမ်းနည်း ဆိုပြီး ၂ မျိုးသုံးနိုင် ပါတယ်၊ ယခု သာသနာမှာ ရဟန်းသံဃာများ သုံးနေကြတာ ၂ မျိုးလုံး သင့်လျော်သလို သုံးနေကြဆဲပါ။ ပထမ နည်းအနေနဲ့ မေတ္တာပို့ပြီး ကုသိုလ်အဖို့ အမျှပေးဝေ ရပါမယ်၊ သင့်တော်၇ာ ဘုံဋ္ဌာန ကို လွတ်လွတ်ကျွတ်ကျွတ် သွားကြပါ ဆိုပြီး မေတ္တာရပ်ခံ ရပါမည်။
ကြမ်းဖက်လို့ မရပါဘူး၊
သိထားရမှာက သူတို့ ၀င်ပူးတာ က ပျော်ချင်လို့ ကျီစယ်တဲ့ အနေနဲ့ ၀င်ပူးတာ ရှိသလို အစာငတ်ပြီး စားချင်လွန်းလို့ ၀င်ပူးတာလဲ ရှိပါတယ်။ ကျီစယ်တာမျိုးက တကြိမ် နှစ်ကြိမ် လောက်သာ ဖြစ်လေ့ရှိပြီး အစာ တောင်းတာ ဆိုရင်တော့ ခဏတိုင်း ၀င်ပူးလေ့ရှိ်ပါတယ်။ ဒါကြောင့် အစာတောင်းတာမျိုး မကြာခဏ ကြုံနေရပြီ ဆိုရင်တော့ အကြမ်းနည်းကိုပဲ သုံးပါ။
ဒီလို မေတ္တာပို့ပြီး အနုနည်းနဲ့ မရရင်တော့ အကြမ်းနည်း သုံးနိုင်ပါတယ်။
နည်းလမ်းအနေနဲ့ ရတနသုတ်၊ အာဋာနာဋိယသုတ်၊ မဟာသမယသုတ် နဲ့ ပဋ္ဌာန်းပစ္စယနိဒ္ဒေသ တွေကို နေ့တိုင်း အချိန်မှန် ရွတ်ဖတ်ပေးနေရင် တန်ခိုးကြီးတဲ့ နတ် ဗြဟ္မာတွေက လာရောက် နာယူကြတာမို့ ဘုန်းကံမရှိတဲ့ အောက်တန်းစားနတ်တွေ ပရလောကက မကောင်းဆိုးဝါးတွေ အားလုံး မနေနိုင်ပဲ အဝေးကို ထွက်ပြေးကြရပါတယ်၊
သံဃာတော်တွေ ကတော့ ပရိတ်ရွတ် ပဗ္ဗာဇနိယ ကမ္မ၀ါစာ ဖတ်ပေးပြီး လက်ရှိအရပ်မှာ မနေနိုင်အောင် နှင်ထုတ်ကြရိုး ထုံးစံ ရှိပါတယ်။
ဗဟုဿုတ အတွက် သံဃာတော်တို့၏ အမိန့်တော် ပြန်တမ်း -
ဥပမာ - ဒီအိမ် ( ဒီအရပ် ) မှာ နေထိုင်ကြတဲ့ သူတွေဟာ ဘုရား တရား သံဃာ ရတနာသုံးပါးကို ကိုးကွယ် ဆည်းကပ်နေသူတွေ အမှန်စင်စစ် ဖြစ်ပါတယ်၊ ဒီ မှန်ကန်တဲ့ သစ္စာစကားကြောင့် လူကို မူးအောင် ဝေအောင် နှလုံးတုန်အောင် ပြုလုပ်နေသော တစ္ဆေ သရဲ သင်းကွဲပြိတ္တာ၊ မြေဘုတ်ဘီလူး၊ စုန်း ကဝေ မှင်စာ စသော ပရလောကမှ သတ္တ၀ါအပေါင်းတို့ သည် မိမိတို့နှင့် သင့်လျော်ရာ နေရာဋ္ဌာန သို့ သွားကြပါကုန်၊ ဤ အိမ်သူ အိမ်သားတို့အား မနှောက်ယှက်ကြပါကုန်လင့်၊ ဘုရား တရား သံဃာ ရတနာသုံးပါး၏ အမိန့်တော် -
လူသားတွေ အနေနဲ့ အမိန့်တော် ပြန်တမ်း ကို လုပ်လို့ ရနိုင်ပေမယ့် ဖြစ်နိုင်ရင် ရှောင်ကျဉ်တာက ကောင်းပါတယ်၊ တကယ်လို့ ကိုယ့်ကံကြမ္မာက နိမ့်ကျနေရင် အညိုးထားတဲ့ ပရလောကသားတွေက အသက်အန္တရာယ် ပေးတတ်ပါတယ်၊ ကိုယ်က ကံကောင်းနေပြန်ရင်လဲ ကိုယ့်နဲ့ စပ်ဆိုင်သူ ညီအကို မောင်နှမ မိဘ သွေးသားတော်စပ်သူ အားလုံးထဲက ကံနိမ့်သူ ကို ရန်ရှာတတ်ကြပါတယ်။ အနည်းဆုံးကိုယ့်ကို ကိုယ် စိတ် နှစ်ပါး ဆင်းရဲစေချင်နေကြပါတယ်။
ပရိတ်ရွတ်တာနဲ့ ပက်သက်ပြီး မြန်မာပြည်မှာ တုံးက ကျောင်းထိုင်ကာစ သူငယ်ချင်း ဘုန်းကြီးလေးတပါးရဲ့ အတွေ့အကြုံကို ပြောပြချင်ပါတယ်၊ ရွာတရွာမှာ ဦးဇင်းလေးတပါး ကျောင်းထိုင်တာက မကြာသေးဘူး၊ တနေ့တော့ ၇ နှစ်လောက် ကိုရင်ငယ်လေးတပါး ရူးသလိုလို နှမ်းသလိုလို ဖြစ်ပြီး အခြားကိုရင်တွေကို နည်းမျိုးစုံနဲ့ ဆဲဆို နေတာ ဘယ်လိုမှ ဖြောင်းဖြလို့ မရတဲ့ အခြေအနေပေါ့၊ ပါးစပ်ကလဲ သွားရည်တွေ ယိုစီးကျနေတယ်၊
နောက်ဆုံး ဘုန်းကြိးလေးကလဲ ကြံရာမရတဲ့ အဆုံး - -- ကဲ လာကြ စမ်း၊ ကျောင်းသား ကိုရင်တွေ အားလုံး၊ ဒီကိုရင်ငယ်ကို ၀ိုင်းရံပြီး ထိုင်နေကြ၊ ပြိးတာနဲ့ ပရိတ်ကြီး ၁၁ သုတ် အကုန်ရွတ်ကြကွာ၊
ဆိုပြီး ကိုယ်တိုင်လဲ ၀င်ထိုင် ရွတ်လိုက်တယ်၊
ဘာပြောကောင်းမလဲ - ဘုန်းကြီး ကျောင်းသားတွေ ကိုရင်တွေ ဆိုတာကလဲ ဘုရားရှိခိုးတိုင်း ရွတ်နေကြ ဆိုတော့ အားရပါးရ ရွတ်လိုက်ကြတာ အစ ပထမ မင်္ဂလသုတ်လောက် တော့ မသိသာသေးဘူး၊ ရတနသုတ်လဲ ရောက်ရော ၀င်ပူးခံနေရတဲ့ ကိုရင်ငယ်လေးက ရှူးရှဲ ရှုးရှဲ ဖြစ်နေပြီ၊ အခြေအနေက နည်းနည်း ထူးခြားလာတယ်ပြောရမယ်။ နေရ ထိုင်ရတာ ခက်ခဲနေပုံပါပဲ၊
အာဋာနာဋိယ သုတ်လဲ ရောက်ရော - - အသံကုန်အော်ဟစ်ပြီး -
မရွတ်ပါနဲ့တော့ - ထွက်သွားပါ့မယ်၊ နောက် မနှောက်ယှက်တော့ပါဘူး - တဲ့။
ဒါနဲ့ ကိုရင်တွေလဲ အလန့်တကြား ရပ်လိုက်တယ် - -
သူငယ်ချင်း ကျောင်းဘုန်းကြီးလေးက -
အေး မင်း ဘယ်သူလဲ အမှန်အတိုင်းပြောပါ - ဆိုတော့ တပည့်တော်က ဒီကျောင်းဝိုင်းထဲက မန်းကျည်းပင်မှာနေတဲ့ ရုက္ခစိုးပါ၊ တဲ့ ၊
ငါ့ကျောင်းမှာ နေပြီး ဘာကြောင့် ကိုရင်လေးကို လုပ်ရတာလဲ - -
သူက ဒီ မန်ကျည်းပင်ကို လေးခွ နဲ့ ပစ်လိုက်လို့ တပည့်တော် ကလေးတယောက် ၀မ်းဗိုက်ကို မှန်ပြီး ဒဏ်ရာ ရသွားပါတယ် တဲ့ ၊
လေးခွ ဆိုသည်မှာ ( အညာဒေသမှာတော့ ဘတ်ခွ လို့ ခေါ်ပါတယ်၊ စာဖတ်သူများ မြင်ဘူးကြမယ် ထင်တယ်၊ သစ်သားနဲ့ သားရေပင် ကို အသုံးပြုပြီး လောက်စာလုံး ထည့် ပစ်ရတာမျိုးပါ ၊ အခန့်မသင့်ရင် လူကို တောင် သေစေနိုင်ပါတယ် )
ဒါကြောင့် သူ့ကိုလဲ ကလဲ့စားချေပါရစေ ဆိုပြီး လျောက်ထားတယ်၊
အောင်မာ - အဲဒီ ကိုရင်လေးက ငါ့ တပည့် ဆိုတော့ ငါ့ရဲ့ သားသမီးပဲ၊ ဒါကြောင့် ငါက မပေးနိုင်ဘူး၊ ခွင့်လဲ မပြုနိုင်ဘူး၊ မင်းကိုသာ အခုလို နောင်မှာ လုပ်နေအုံးမယ် ဆိုရင် ငါ့ကျောင်းဝင်းထဲ မနေခိုင်းပဲ နှင်ထုတ်ရလိမ့်မယ်၊ ကြိုက်တဲ့ နေရာသာ သွားနေပေတော့ -
တင်ပါ့ နောင် မလုပ်တော့ပါဘူး ဘုရား၊ ရှောင်ကျဉ်ပါ့မယ် တဲ့။
ကဲ ဒါကတော့ ပရိတ်ရွတ်ဖတ်ခြင်း အကျိုးကျေးဇူးလေးပါ၊ ဒီလောက်ဆို ဘာလုပ်ရမယ် ဆိုတာ ပြည့်စုံလုံလောက်ပြီ ထင်ပါတယ်၊ ဒါကြောင့် ရဟန်းသံဃာ မရှိတဲ့ အရပ်မှာလည်း ကိုယ့်ဥာဏ်ကို လွှာပြီး အသုံးချတတ်ကြပါစေ - လို့ ဆုမွန်ကောင်းတောင်းရင်း နိဂုံးချုပ်လိုက်ပါတယ်။
‪#‎Dr‬ Aung from U Nay Pyauk

Credit : https://www.facebook.com/nay.pyauk.9/posts/1665625900351288