"ခြေ ခြောက်ချောင်း ( ပုရစ်) မွေးမြူရေး နဲ့ ထိုင်းနိုင်ငံ"

                                      
၁။ မွေးမြူတဲ့ပုရစ်အမျိုးအစား

 ထိုင်းတို့ စစချင်း မွေးမြူခဲ့ကြတာ  ဒေသခံ ပုရစ် ၃ မျိုးပါ။ (Gryllus bimaculatus DeGeer/ Teleogryllus testaceus Walker and T.occipitalis (servile) ) ဆိုတဲ့မျိုးစိတ်တွေပါပဲ ။ နောက်မကြာခင် အမေရိကန် နိုင်ငံက အိမ်ပုရစ်မျိုးတမျိုးဖြစ်တဲ့ ( sading (Acheta domesticus L.) တမျိုးကို  ထိုင်းနိုင်ငံမှာ အစားထိုး မွေးခဲ့ကြည့်ရာမှာ အဲဒီပုရစ်မျိုးတွေက အရသာလည်းရှိတာ အကောင်ပိုထွား  ဥချများသလို ဥပေါက်နှုံးလည်း ကောင်းတာမို့  တွင်ကျယ်ခဲ့ပြီး အခုဆိုရင် အဲဒီမျိုးတွေချည်း မွေးမြူကုန်ကြပါပြီ။

၂။ ဘယ်လိုမွေးကြမလဲ။

က။ ပုရစ်လှောင်ကန်များ

ပုရစ်မွေးတဲ့သူတွေက သူတို့လုပ်ငန်းအကြီး အလတ် အငယ်တို့အလိုက်  ပုရစ်ခြံ (သို့) လှောင်ကန် (၃)မျိုး ကို သုံးပြီး မွေးကြပါတယ်။ 

ပထမတမျိုးက ရေဓါတ်ခမ်းခြောက်မှုကို ထိန်းပေးနိုင်တဲ့ ကွန်ကရစ်လှောင် ကန်အမျိုးစားတွေ ပါ။အ၀ိုင်းသဏ္ဍန် ကွန်ကရစ် တဖက်ပွင့်ရေပိုက်ကြီးတွေပါ။ ယေဘူယျ အချင်းဝက် ၈၀ စင်တီမီတာ အမြင့် ၅၀ စင်တီရှိပါတယ်။ အဲဒီထဲကနေမှာ ပုရစ်အကောင် ၂ -၄ ကီလို မွေးမြူထုတ် လုပ်ရောင်းချနိုင်ပါတယ်။ အသေးစား မွေးမြူရေးသမားလေး တယေက်အတွက်တော့  အဲဒီလိုလှောင် ကန်မျိုး အခု(၂၀)ကနေပြီး (၃၀)ထိ မွေးမြူလုပ်ကိုင်နိုင်ကြပါတယ်။

ဒီလို လှောင်ကန်မျိုး အခု(၂၀)မှ (၁၅၀)ထိ မွေးတဲ့သူတွေကိုတော့ ပုရစ်မွေးမြူရေးခြံများ အဆင့် သတ်မှတ် ပါတယ်။ဒီလိုလှောင်ကန် အ၀ိုင်းတွေဟာ အလွယ်တကူလည်း နေရာရွှေ့ပြောင်းမွေးလို့ ရနိုင်တဲ့ အမျိုးအ စား တွေပါပဲ။

 

ဒုတိယအမျိုးစားကတော့ ပုရစ်ခြံ အတော်များများ မှာတွေ့နိုင်တဲ့  သေတ္တာပုံး သဏ္ဍန် လှောင် အိမ်မျိုး တွေပါ။ တခုနဲ့တခု ချိတ်ဆက်လို့လည်းရသလို နေရာအခြေအနေအရ အရွယ်အစားကို ကြိုက်သလို ဖန်တီးယူနိုင် ပါတယ်။ သေတ္တာ တခု (၁.၂  x ၂.၄ x ၀.၆) မီတာမျှ အတိုင်းအတာတွေ ရှိပါတယ်။ခြံတခု ပုရစ်မွေးသေတ္တာ အလုံး ၅ လုံးကနေပြီး သေတ္တာ ၁၀၀ ထိရှိကြပြီး  လှောင်ကန်သေတ္တာ တလုံးကနေပြီး  ပုရစ် ၂၅ ကီလိုမှ ၃၀ ကီလို ထုတ်လုပ်နိုင်ပါတယ်။

ပုရစ်ခြံ အလယ်လတ် စားတွေမှာ ဒီလိုသေတ္တာတွေကို များသောအားဖြင့် အသုံးပြုကြ ပါတယ်။ သေတ္တာသဏ္ဍန် မွေးမြူရေး လှောင်ကန်တွေရဲ့ အားသာချက် နေရာအနေအထား ကိုလိုက်ပြီး စီမံနိုင်တာ ဖြစ်ပေမယ့် အထဲမှာ ပုရစ်ကောင် ရေ ထူထပ်ပြီး ရောဂါဘယတွေ ကျရောက်စေ တတ်တာပါ။အထူးသဖြင့် တခါတရံ ပုရွက်ဆိတ်တွေဝင်ပြီး ခြံတခုလုံး ရှင်းလင်းရေး လုပ်ရတဲ့အခါမျိုးမှာ အခက်အခဲရှိတတ်ပါတယ်။

နောက်တမျိုးက အထပ်သား ဒါမှမဟုတ် ကျောက်ပါတ်တီးမှုံ့ တို့နဲ့ပြုလုပ်ထား တဲ့ သေတ္တာတွေဖြစ်ပါတယ်။ အတိုင်းအတာက(၁.၂ x ၂.၄ x ၀.၅) မီတာ ဖြစ်ပြီး ပုရစ် ကီလို ၂၀ မှာ ၃၀ ကီလို ထိ မွေးမြူ ထုတ်လုပ် နိုင်ပါတယ်။အထူးသဖြင့် အောက်ခြေမှ ၁၅-၂၀ စင်တီထိ မြေပြင်နဲ့လွတ်အောင်လုပ် ထားတာမို့ သန့်ရှင်းရေး လုပ်ရတာလည်းလွယ် ပုရွက်တက်မှာလည်းမပူရတော့ပါဘူး။ဒါပေမယ့် အထပ်သားဟာ ကွန်ကရစ် ထက်စာရင် ခိုင်ခံ့မှု အား နည်းတာ ပူတာ မိုးရေထိမခံတဲ့အားနည်းချက်တော့ရှိပါတယ်။

ကျန်တဲ့တမျိုးကတော့ ပလပ်စတစ် ပြားတွေနဲ့ လုပ်ထားတဲ့လှောင်အိမ်ပါ။ အံဆွဲငယ်လေးတွေဟာ အတိုင်းအတာ အားဖြင့်(၀.၈x၁.၈x၀.၃) မီတာဖြစ်ပြီး အကန့်တခုမှာ အံဆွဲသေတ္တာငယ် ၃ခု မှ ၄ ခု ပါ ပါတယ်။ပုရစ် ၆-၈ ကီလိုအထိ မွေး နိုင်ပါတယ်။နေရာ ကျဉ်းကျဉ်းပဲ လိုတာမို့ အငယ်နဲ့ အလတ်စား ပုရစ်ခြံ   တွေမှာ သုံးကြပါတယ်။ အပေါ်ဆုံး ထပ်တွေက ပူတတ်တာမို့ မကြာခဏ နေရာ လဲပေး ဖို့တော့လိုပါတယ်

 

(ခ) အစာကျွေးနည်း

အဓိကအားဖြင့် ပရိုတင်း ဓါတ် ၁၄% မှ ၂၁ %ပါဝင်သော ကြက်စာတွေကို ပုရစ်ခြံအများစုမှာ ပုရစ် စာအဖြစ် သုံးကြပါတယ်။ ပရိုတင်း ၂၁% ပါဝင်တဲ့ ကြက်စာကို ဥမှပေါက်ပြီးနောက် သက်တမ်းရက် ၂၀ ရှိ ပုရစ်များအတွက်ကျွေးပါတယ်။ နောက်ပိုင်းမှာတော့ ၁၄% နဲ့ ၂၁ % အစာ၂ မျိုးကိုရောစပ်ကာ ၄၅ ရက် 

  ပြည့်ပြီး ပုရစ်တွေကို ထုတ်မရောင်းခင် အချိန်လေးထိ ကျွေးတတ်ကြပါတယ်။ ထုတ်မရောင်းခင် ရက်ပိုင်းလေးမှာ ဒီအစာတွေအစား ဟင်းရွက်(ဖရုံ၊ပလောပီနံ၊ဖရဲရွက်) ကိုလည်း လဲ လှယ်  ဖြည့် စွက် ကျွေးမွေးရပါတယ်။ ပုရစ်တွေအရသာ ပိုရှိအောင်နဲ့ ထုတ်မရောင်းမီ အချိန်လေး အတွင်းမှာ ကုန်ကျမယ့် ပုရစ်အစာဘိုး သက်သာစေဖို့ပါပဲ။

(ဂ) မွေးမြူတဲ့စနစ်

ဟို ပုရစ်တွေစတင်မွေးမြူတုံးကထဲကနေ အခုအချိန်ထိ နည်းစနစ်ပိုင်း ဆိုင်ရာ အပြောင်းအလဲ သိပ် မရှိသေးပါ။ အထက်မှာဖေါ်ပြထားတဲ့  သေတ္တာအမျိုးမျိုး နဲ့ လုပ်ငန်းအကြီး အသေး အ လိုက် ရွှေးချယ်ပြီး ပုရစ်တွေကို လှောင်ပြီး  ထည့်မွေးကြတာပါပဲ။တခါတရံ တခြား ပုရစ်စား အကောင်  တွေရဲ့ အန္တရယ်တွေကနေ ကာကွယ် ဖို့   လိုအပ်ရင် လှောင်ကန်တွေကို  ခြင်ထောင်ကြီး ထဲ့တာ ဒါမှ မဟုတ် ခြံတခုလုံးကို ခြင်ဇကာ အလုံပိတ်လိုက် တာမျိုး နဲ့ မွေးကြရတာ မျိုးလည်းရှိ တတ်ပါတယ်။

လှောင်အိမ် (သို့) ပုရစ်လှောင်အိမ်တွေရဲ့ အောက်ခံကိုတော့ ကောက်ရိုးတွေပဲ ခင်းပေးထားလေ့ ရှိပြီး တခြား ပစ္စည်းမသုံးကြပါဘူး။ပုရစ်တွေ ပုံးခိုနေဖို့ စက္ကူကပ်ထူ (သို့) ကြက်ဥထည့် စက္ကူဖါချပ်တွေကို လည်းသုံးနိုင်ပါတယ်။မွေးထားတဲ့ ပုရစ်ထီးလေးတွေ မိတ်စလိုက်ပြီ ဆိုတာနဲ့ ပုရစ်မတွေ ဥချဖို့ ပလစ်စတစ် ခွက်တခုအတွင်း သစ်သီးခွံနဲ့ သဲအနည်းငယ်ကို ဖြည့်ပြီးထား ထားပေးဖို့လိုပါတယ်။

ဒါမှ ပုရစ်မတွေ ဒီခွက်ထဲမှာ ဥ ဥချရမှာပါ။ပုရစ်တွေရဲ့ ဥချတဲ့ကာလသက်တမ်းက တပါတ်မှ နှစ်ပတ်ကြာတတ်ပြီး ဥချပြီး ခွက်တွေကို နေ့စဉ် လဲလှယ်ပေးဖို့နဲ့ ဥဖေါက် မယ့် မွေးမယ့် လှောင်အိမ်တွေထဲ ပြောင်းထားလိုက်ဖို့ပါပဲ။ဒါမှမဟုတ် အခြားပုရစ်မွေးသူတွေ ကို ပြန်လည် ရောင်းပေးနိုင်ပါတယ်။ပုရစ်တွေ ဥချနေတဲ့အချိန်မှာ လှောင်အိမ်တွင်း  အပူချိ်န် တသမတ်ထဲရှိဖို့ အရေးကြီးပါတယ်။

ဒီလို မျိုးပေါက်ဖွား တာ  မျိုးဆက်တဆက်မှာ တစ်ကြိမ်မှ သုံးကြိမ်ထိ ပေါက်ဖွားတတ်ပါတယ်။ ဒီလို ဥချ ပြီးတာနဲ့ ဒီပုရစ်တွေကို ကောက်ယူရောင်းချလို့ရပါပြီ။ရတဲ့မျိုးခွက်တွေကို အခြားမွေးမယ့် သူတွေဆီ တခွက် ၅၀ ဘတ် ကျပ်ငွေနဲ့ဆိုရင် ၁၆၀၀ ကျပ် နှုံးလောက်နဲ့  ပြန်လည်ရောင်း ချနိုင် ပါသေးတယ်။ဒီမျိုးခွက်လေးတခုကနေ ပုရစ် (၃)ကီလိုလောက်ကို ထပ်မံမွေးမြူနိုင်ပါတယ်။

ဃ ။ ပုရစ်မွေးတဲ့သူတွေ

အသေးစားနဲ့ အလလတ်စား မွေးမြူရေး သမားတယောက် အတွက် အနည်းဆုံး ကွန်ကရစ် ပုရစ်လှောင်ကန် ၁၅၀ လောက် ရှိမယ်ဆိုရင်တော့ သူဟာ (၄၅) ရက်အတွင်း ပုရစ် ကီလို ၄၅၀ မှ ၇၀၀ အထိ ထုတ်ရောင်းချ နိုင်ပါတယ်။တကီလို ကို ဖေါက်သည်ဈေး နဲ့ ဘတ်ငွေ ၁၁၀-၁၅၀ ဘတ်နှုံး  မြန်မာငွေနဲ့ဆို  ၃၄၀၀ မှ ၄၆၀၀ ကျပ်လောက်ရမှာမို့ အနည်းဆုံး သူဟာ  ၁၅ သိန်းမှ ၂၃  သိန်း (သို့)  သိန်း ၂၀ မှ ၃၂ သိန်း လောက်ပြန်ရပါလိမ့်မယ်။

တဖက်တလမ်း ၀င်ငွေရ လုပ်ငန်းဖြစ်ပေမယ့် ဒီပုရစ် မွေးလုပ်ငန်း ၆၀ %လောက်ကို ဒေသခံ အမျိုး သမီး တွေကပဲ လုပ်ကြပါတယ်။ပုရစ်ခြံတခုကို အမျိုးသမီး ၂ ယောက်လောက်နဲ့ပဲ အသားလေး ထိန်းသိမ်း လုပ်ကိုင်နိုင်လို့ပါ။

အကြီးစား ပုရစ်မွေးသူ တွေကတော့ ၂.၅/၈/၀.၅ မီတာ ရှိတဲ့လှောင်ကန်တွေကိုသုံးပါတယ်။ အနည်း ဆုံးလှောင်ကန်  ၆၀ မှ ၈၀ ထိရှိပြီး အစာကျွေးဖို့ တနေ့လုပ်အား ၂ နာရီသာလိုပါတယ်။

င။ ထုတ်လုပ်မှုစရိပ်နဲ့ အကျိုးအမြတ်

အထူးသဖြင့် အရွယ်ရောက် ပုရစ်တွေကို ၀ယ်လက်ဒိုင်တွေဆီမှာရောင်းချတာပါ။ ပြီးတော့ ပုရစ်ခြံ ကနေ ဘေးထွက်ပစ္စည်းများဖြစ်တဲ့  အရွယ်ရောက်ပုရစ်တွေ သားဖေါက်လိုသူတွေထံပြန်ရောင်းတာ၊ မျိုးပုရစ်ဥ ခွက် တွေပြန်ရောင်းတာ ပုရစ်ခြံအမှိုက် အညစ်ကြေးတွေ ကို မြေသြဇာ အဖြစ်ပြန်ရောင်း တာမျိုး တွေကနေ ၀င်ငွေ ပြန်ရစေပါတယ်။

စရိပ်စက အနေနဲ့ ပုရစ်လှောင်ကန် အနဲ့အခြားပစ္စည်းဖိုးက လုပ်ငန်းကုန်ကျငွေ သုံးပုံ တပုံ လောက်ရှိပြီး ကျန်ကုန်ကျစရိပ် မှာ ပုရစ်အစာဖိုးက သုံးပုံ နှစ်ပုံ လောက်ရှိပါတယ်။ အရွယ်ရောက် ပုရစ်တွေကို ၀ယ်လက် ဒိုင်တွေဆီ သွင်းတဲ့အခါမှာတော့ မွေးတဲ့သူတွေ အဖို့ ခါက်ချိုးမြတ်ကြပါတယ်။အခြေအနေအရ အစာ ရွှေးချယ်ခြင်း ဖြည့်စွက်စာ ခုနှိမ်ကျွေးမွေးခြင်းတို့ဖြင့် ကုန်ကျစရိပ် တချိ့ကို လျှော့ချနိုင် သလို ရောင်းချကြတဲ့အခါ ဈေးကွက်ထဲ တိုက် ရိုက်ရောင်းချ ခြင်းဖြင့်လည်း အမြတ်ငွေ ပိုထွက်စေနိုင်ပါတယ်။

ပုရစ်မွေး လုပ်ငန်းကနေ ရတဲ့အကျိုးအမြတ်ဟာ မွေးမြူတဲ့ ခြံအနေအထားနဲ့ သက်ဆိုင်ပါတယ်။ အလယ် လတ်ခြံ တွေကနေပြီး  ၄၅ ရက်တာအတွင်း ပုရစ် ကီလို ၅၀၀ မှ ၇၅၀ ထိထုတ် လုပ်နိုင်ပါတယ်။ တသုတ်အတွက် ဘတ်ငွေ  30000 B မှ 70000 B ထိ ရပြီး တနှစ်ပါတ်လုံးအတွက် ထိုင်းဘတ်ငွေ    150000 B  မှ 350000B ဘတ် အထိရကြပါလိမ့်မယ်။  

 (လက်ရှိ ငွေလဲနှုံး ထိုင်းငွေ  တစ် ဘတ်  1 B = မြန်မာငွေ ၃၁ ကျပ်နှုံးနဲ့သာ တွက်ကြည့်ကြပါ။) တနှစ်ပါတ်လုံး ၀င်ငွေ ဟာ ၄၆သိန်းခွဲ မှ ၁၀၈ သိန်းခွဲအထိဖြစ်ပါလိမ့်မယ်)

တချို့ ပုရစ်မွေးခြံကြီး တွေကနေပြီး တနှစ်ကို ပုရစ် တန်ချိန် ၁.၅ မှ ၂ မက်ထရစ်တန်အထိ ထုတ်လုပ်နိုင်ကြ ပါတယ်။ဝယ်လက်ဒိုင်ကြီး တခုမှာဆိုရင်  နေ့စဉ် ပုရစ် (၂)တန်မှ (၃) တန်ထိ အနုတ်အသိမ်း ရှိနေပါတယ်။ မွေးတဲ့သူ  အများစုကတော့ ၀ယ်လက်ဒိုင်တွေ ဆီ ပုရစ်တွေကို တကီ လို ဘတ် ၈၀ မှ ၁၀၀ ဈေးသွင်းကြရ ပါ တယ်။ဒိုင်တွေက စုဆောင်းပြီး ရတဲ့ ပုရစ်တွေကို ဆေးကြော ရေနွေးနဲ့ပြုတ် အအေးခံ ကွန်တိန်နာတွေထဲ ထည့်ကာ တကယ့်ဈေးကွက်ထဲ အရောက်ပို့ကြ တဲ့အခါမှာတော့ အသင့် ထုပ်ပိုးပြီးပုရစ် တစ်ကီလို ၁၂၀ မှ ၁၅၀ နှုံး ပို့ကြပါတယ်။တခါ ဒီပုရစ်တွေကိုပဲ အရောင်းဈေးကွက်ထဲကနေ စားသုံးသူ (သို့) အရောင်းဈေးသည် ငယ်လေးတွေဆီကို  ပြန်ပြီး ရောင်းတဲ့ဈေးကတော့  ပုရစ် တကီလို ၂၅၀ မှ ၃၀၀ ဘတ်နှုံး ထိ မြင့်တက်လို့ သွားတော့တာပါပဲ။

ထိုင်းနိုင်ငံက ပုရစ်မွေးမြူရေး လုပ်ငန်းတွေကို ၂၀၀၄ ခုနှစ် အစိုးရဖွဲ့စည်းတဲ့ အသေးစား အလယ်စား လုပ်ငန်း များ မြှင့်တင်ရေး အဖွဲ့က အများကြီး ထောက်ကူပြုပေးခဲ့တာပါ။ ယခင် ၀န်ကြီးချုပ်ဟောင်း သက် ဆင်ရှင်နာဝါတ် အစိုးရရဲ့ ကျေးရွာတခု ထုတ်ကုန် တမျိုးပေါ်လစီ အောက်မှာ သက်ဆင်ရဲ့ ဇာတိဖြစ်တဲ့ ထိုင်းမြောက်ပိုင်းနဲ့အရှေ့မြောက်ဒေသတွေမှာ ပိုပြီး အောင်မြင်ဖြစ်ထွန်းခဲ့ပါတယ်။

ဒီနောက် ၂၀၁၀ ၂၀၁၁ ခုနှစ်တွေအတွင်းမှာ ထိုင်းနိုင်ငံ တနယ်လုံးပြန့်နှံ့သွားခဲ့ပါတော့တယ်။ ပုရစ်မွေး သူ ပေါင်း ၁၉၉၆၁ ဦး လှောင်ကန်ခြံ ပေါင်း ၂၁၇၅၂၉ ခြံ ဖြစ်ပြီး နှစ်စဉ် ပုရစ်ကီလို ၁၀၈၇၆၅၄၅ ကီလို ကို ထုတ်လုပ်ရောင်းချ ဖြန့်ဖြူးပေးနေတဲ့ လုပ်ငန်းကြီး တခုဖြစ်နေပါပြီ။နှစ်စဉ် ထိုင်း ဘတ်ငွေ ၁၀၈ သန်းကျော် ဖိုး ထုတ်လုပ်ရောင်းချ ဖြန့်ဖြူးနေကြပါတယ်။

စ။ ရောဂါဘယ ဖြစ်ပွားမှု

လောလောဆယ်မှာ ပုရစ်မွေးမြူရေး နဲ့ ပုရစ်ခြံတွေမှာ ရောဂါကျရောက်ခြင်း မရှိသလောက်ပါပဲ ။နောင် မှာ ပုရစ်မွေးတဲ့သူတွေ များလာခဲ့ရင် ပုရစ်ရောဂါတွေ ဖြစ်ပွားလာနိုင်ဖွယ်ရှိပါတယ် ။ပုရစ်အကောင်ရေ ထူထပ်မှု များလာတာနဲ့အမျှ ရောဂါဖြစ်နိုင်ချေလည်း ပိုများလာနိုင်ပါတယ်။ လက်ရ မွေးသူအများစုကလည်း သူတို့ရဲ့ အတွေ့အကြုံများပေါ် မူတည်ပြီး ပုရစ်တွေ ကို မွေးနေကြတာပါ။ သေချာတိကျတဲ့ မွေးမြူရေးစနစ်တခု ရယ်လို့လည်း မချမှတ်နိုင်သေး ပါဘူး။ဒါအပြင် ဒီကနေ့အထိ ပုရစ်မွေး လုပ်ငန်းကြီး တိုးတက်အောင်မြင် လို့သာရှိနေပေမယ့် အတိအ ကျ မှတ်ပုံတင်ထားခြင်း မရှိသေးလို့ ပုရစ်မွေးတာဟာ တရားမ ၀င် မွေးမြူရေးတခုဖြစ်နေဆဲပါ။

ဆ။ ပုရစ်မွေးမြူရေး ရဲ့ ရှေ့ခရီး

ပုရစ် မွေးမြူရေးလုပ်ငန်းထဲက ထုပ်လုပ်ကုန်ကျမှု စရိပ်ထက်ဝက်လောက်ဟာ  အစာဖိုးပဲဖြစ်ပါတယ်။ အခု ပုရစ်တွေအတွက် ကြက်စာတွေကို အဓိကထား ကျွေးရာကနေ နောင်မှာတော့ ပုရစ်စာ သီးသန့်ထုတ်ပြီး ထုတ်လုပ်စရိပ်တွေကို လျှော့ချနိုင်ဖို့ သုတေသနပြုနေဆဲဖြစ်ပါတယ်။

ဒီကနေ့ ပုရစ်မွေးလုပ်ငန်းကြီးမှာ ကြားပွဲစားနဲ့ အေးဂျင့်တွေကပဲ အုပ်စီးထားတာ ကို တွေ့ရ ပါတယ်။သူတို့ကပဲ မွေးတဲ့သူတွေဆီက ပုရစ် လတ်ဆတ် ကြီးထွားမှုကို လိုက်လို့ ဈေးနှုံးဖြတ်ပေး ပါတယ်။ပြီးတော့ ဒါတွေကို သန့်စင် ပြုတ်ပြီး အအေးခန်းတွေထဲတည့် ကာ တပြည်လုံးဖြန့်ချီ အကျိုးမြတ် ရယူနေကြပါတယ်။ ဒါကြောင့် ပုရစ်မွေးတဲ့ လယ်သမားတွေ ပိုအကျိုးရှိအောင် အချင်းချင်းစုစည်းပြီး ကိုယ် တိုင် အေးဂျင့်သဘောမျိုး ဆောင်ရွက်ကြဖို့ စတင်နေကြပါပြီ။

 ရည်ညွှန်းချက်--------- သဘာဝပါတ်ဝန်းကျင် ထိခိုက်မှုကြောင့် တဖြည်းဖြည်း အလုပ်အကိုင် ရှားပါး လာနေသည့် အင်းလေးကန် ဒေသတွင်း ပြည်သူတွေ အခွင့်အလမ်းများ ဖြစ်စေရန် ရည်ရွယ်ချက်ဖြင့်  ရေးသားပါသည်။ ပါတ်ဝန်းကျင် ထိခိုက်မှုလည်းမရှိ အချိန်ပိုင်းလေး အားစိုက်ပြီး မိသားစု အပိုဝင်ငွေတွေ ရသလို  အရပ်တပါးကို ထွက်လုပ်နေစရာလည်း မလိုအပ်တာမို့ အင်းလေးကန် အတွင်းရှိ လူသားအရင်းအမြစ် လျော့ပါးမှုကိုလည်း ထိန်းညှိပြီးသားဖြစ်စေလိုပါသည်။သဘာဝ နှင့် လူသား အရင်းမြစ်တွေ မပျောက်ကွယ်သွားသမျှ ကာလပါတ်လုံး အင်းလေးကန်ကြီး ထာဝရ တည်တံ့နိုင် ပါလ်ိမ့်မည်။

                                                       By  -------- W L 4  (youth for future Inlay )

 

Credit :http://youthforfutureinlay.blogspot.co.uk/2013/11/normal-0-false-false-false-en-us-x-none_10.html?m=0