" ထိုင်းနိုင်ငံ ပတ္တရားမှာ မိန်းမလျာတွေသောင်းကျန်းနေ၊ တိုးရစ်များ လုယက်ခံနေရ "

ထိုင်းနိုင်ငံတွင် မလုံ့တလုံအမျိုးသမီးများ ကျက်စားနေကြသည့် အပန်းဖြေစခန်းများ၌ တိုးရစ်များကို လုယက် ရိုက်နှက်နေကြသော တနေ့တခြားတိုးပွားလာသည့် မိန်းမလျာအုပ်စုများကို ထိုင်းရဲတပ်ဖွဲ့က ကြိုးစားနှိမ်နင်း နေကြရသည်။ နောက်ဆုံးပေါ်ဖြစ်ရပ်တခုတွင် လုဇ်မိုလားဆိုသော ဂျာမန်ကမ္ဘာလှည့်ခရီးသွားတဦးကို မိန်းမလျာနှစ်ဦးက ချဉ်းကပ်ပြီးနောက် ကျောက်ခဲဖြင့် မျက်နှာကိုထုကာ လုယက်မှုတရပ် ပတ္တရားဒေသတွင် ဖြစ်ပွားခဲ့သည်။

ယင်းကဲ့သို့ ရိုက်နှက်ခံရမှုကြောင့် ဂျာမန်တိုးရစ်သည် သတိမေ့မြောသွားပြီး ပါသမျှငွေများ လုယက်ခံခဲ့ရသည်။ လုဇ်မိုလားသည် နှာခေါင်းရိုးကျိုးကာ မျက်နှာတွင် ဒဏ်ရာများရရှိသွားသည်။ လုယက်သူများကို ဖမ်းဆီးရမိခဲ့သည်။
ယင်းဖြစ်ရပ်မဖြစ်ပွားမီက မိန်းမလျာဂိုဏ်းအုပ်စုတစုသည် ပတ္တရားရှိလမ်းများပေါ်တွင် လှည့်လည်လျှောက် သွား၍ တိုးရစ်များကို ချောင်းမြောင်းလိုက်လံရှာဖွေကာ နာရီများ၊ လက်စွပ်များနှင့် ငွေကြေးများကို လုယက်ခဲ့ ကြသည်ဟုဆိုသည်။

ထိုင်းနိုင်ငံတွင် လိင်ကိစ္စပျော်ပါးရန် အကောင်းဆုံးနေရာဖြစ်နေသည့် ပတ္တရားနှင့်ဖူးခက်တို့၌ယခုကဲ့သို့မိန်းမလျာများလုယက်သောင်းကျန်းနေမှုသည် တနေ့တခြား တိုးပွားလာနေကြောင်း ထိုင်း
ရဲတပ်ဖွဲ့က ပြောသည်။

ပြီးခဲ့သော ဒီဇင်ဘာလက ပတ္တရားမြို့ရှိ ညကလပ်စ် စတုတ္ထအလွှာမှာ အသက်(၂၈)နှစ်အရွယ်နားမီကီးဂိုဘာဒီဆိုသောဗြိတိသျှတိုးရစ်တဦးပြုတ်ကျသေဆုံးမှုနှင့်ပတ်သက်၍ ရဲက မိန်းမလျာလေးယောက်ကို ခေါ်ယူစစ်ဆေး ခဲ့ရာ ငွေကြေးအခပေးသည့်ကိစ္စနှင့်ပတ်သက်၍ သူတို့ထဲမှတယောက်နှင့် စကားများပြီး တိုက်ပွဲမှ ပြုတ်ကျသေ ဆုံးခဲ့ခြင်းဖြစ်ကြောင်း မိန်းမလျာများက ပြောခဲ့သည်။

မိန်းမလျာများပါဝင်ပတ်သက်နေသည့် ပြဿနာများ နေ့စဉ်ဖြစ်ပွားလျက်ရှိကြောင်း၊ ထိုင်းရဲများအတွက် ပြဿနာကြီးတခုဖြစ်နေကြောင်း ပတ္တရားရဲဌာနချုပ်မှ ရဲမှူးကြီးဆွက်တပ်ဟွမ်းပန်မောင်က ပြောကြားခဲ့သည်။ မိန်းမလျာတွေဟာ တိုးရစ်တွေကို လုယက်ဖို့ အတင့်ရဲစွာနဲ့ တိုက်ခိုက်လာကြရုံမကဘူး လိင်ကိစ္စအတွက်လည်း တိုးရစ်တွေကို အနှောင့်အယှက်ပေးပြီး မြှူဆွယ်နေကြတယ်''ဟု ၎င်းက ပြောကြားခဲ့သည်။

''ကျွန်တော်က အမျိုးသမီးလို့ထင်တဲ့ သူတို့နှစ်ယောက်က ချဉ်းကပ်လာပြီး လိင်ကိစ္စပျော်ပါးဖို့ ခေါ်ကြတယ်။ ကျွန်တော်က ငြင်းတော့ သူတို့နှစ်ဦးက ကျောက်ခဲနဲ့ထုပြီး မော်တော်ဆိုင်ကယ်နဲ့ ထွက်ပြေးသွားကြတယ်''ဟုဗြိတိန်တိုးရစ်မစ္စတာမိုလာကသတင်းထောက်ကို ပြောပြခဲ့သည်။

ထွဋ်ဝင်းထွဋ်
Daily Mail
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal/

Credit : http://themeltingpot4u.blogspot.co.uk/2016/04/blog-post_3.html