ရာသီမကုန်မီ မန်ယူနည်းပြ ပြောင်းလဲလိမ့်မည်ဟု ဂယ်ရီနဗီးလ် ပြော

 အခုနှစ်ရာသီမကုန်ခင်မှာ မန်ယူအသင်းက နည်းပြအပြောင်းအလဲ လုပ်လိမ့်မယ်လို့ အင်္ဂလန်နောက်ခံလူဟောင်း ဂယ်ရီနဗီးလ်က သုံးသပ်ပြောသွားပါတယ်။

ဒီဇင်ဘာ ၃၀ ရက် ညက နော်တင်ဟမ်ဖောရက်စ်အသင်းနဲ့ ပွဲစဉ်မှာ မန်ယူအသင်းက ၂ ဂိုး ၁ ဂိုးနဲ့ ရှုံးနိမ့်ခဲ့ပြီးနောက် အသင်းရဲ့စွမ်းဆောင်ရည်ဟာ ပရီးမီးယားလိဂ်မှာ အညံ့ဖျင်းဆုံး အသင်းဖြစ်ကြောင်း နဗီးလ်က စကိုင်းစပေါ့ကနေ ဝေဖန်ပါတယ်။

နည်းပြတန်ဟတ်ဂ်ဟာ ဖိအားတွေအောက်ကို ရောက်ရှိနေပြီး စွမ်းဆောင်ရည်အရလည်း အလွန်အားနည်းခဲ့ကြောင်း၊ မန်ယူအသင်း စီမံခန့်ခွဲမှုအဖွဲ့သစ်အနေနဲ့ ရာသီမကုန်ခင်မှာ နည်းပြအပြောင်းအလဲ လုပ်မယ်ဆိုတာ သံသယဖြစ်စရာမရှိကြောင်း နဗီးလ်က ပြောပါတယ်။

စီမံခန့်ခွဲမှုအသစ်အဖွဲ့ လက်ထက်မှာ လက်ရှိအချိန်အထိ အားကစားဒါရိုက်တာ၊ စီအီးအိုနဲ့ ကစားသမား အပြောင်းအရွှေ့ အကြီးအကဲ ရာထူးတွ မရှိသေးတာကိုလည်း နဗီးလ်က ဝေဖန်သွားပါတယ်။

Photo-Reuters

မန်ယူကွင်းလယ်လူ ဗန်ဒီဘိခ် ဖရန့်ဖတ်သို့ အငှားစာချုပ်ဖြင့် ပြောင်းရွှေ့

မန်ချက်စတာယူနိုက်တက် ကွင်းလယ်ကစားသမား ဗန်ဒီဘိခ်ဟာ ဂျာမန်ကလပ် ဖရန့်ဖတ်ကို အငှားစာချုပ်နဲ့ ပြောင်းရွှေ့သွားပါတယ်။

အသက် ၂၆ နှစ်အရွယ် ကွင်းလယ်ကစားသမားဟာ ဒီရာသီအကုန်အထိ ဂျာမန်ကလပ်မှာ ရှိနေမှာဖြစ်ပြီး စာချုပ်ထဲမှာ အမြဲတမ်းပြောင်းရွှေ့ခွင့်ပါ ထည့်သွင်းထားပါတယ်။

ဗန်ဒီဘိခ်ဟာ ၂၀၂၀ မှာ နယ်သာလန်ကလပ် အာရတ်အသင်းကနေ ပေါင် ၃၅ သန်းနဲ့ ပြောင်းလာပြီးကတည်းက မန်ယူအသင်းအတွက် ပရီးမီးယားလိဂ် ၆ ပွဲပဲ ကစားခွင့် ရထားပါတယ်။

နယ်သာလန်ကွင်းလယ်လူဟာ ၂၀၂၂ ခုနှစ်တုန်းကလည်း အဲဗာတန်ကို တရာသီ အငှားချထားခဲ့ပေမဲ့ ဒူးဒဏ်ရာကြောင့် ရာသီဝက်လောက် အနားယူခဲ့ရပါတယ်။

Crd.....