(ကွန်ရက်ပြည့်စုံမှုရှိစေရန် လုပ်ဆောင်နေခြင်းကြောင့် နောက်ကျခြင်းဖြစ်)
မန္တလေး၊ နေပြည်တော်မြို့များ၌ စတင် ဖြန့်ဖြူးပေးခဲ့သည့် တယ်လီနော ဆင်းမ်ကတ်များအား ရန်ကုန်၌ ရောင်းချရန် ၂ ပတ်ခန့် ကြာမြင့်ဦးမည် ဖြစ်ကြောင်း၊ ကွန်ရက်ပြည့်စုံရန် လုပ်ဆောင်နေခြင်းကြောင့် နောက်ကျရခြင်းဖြစ်ပြီး မန္တလေး၊ နေပြည်တော်မြို့များ၌ စတင်ဖြန့်ဖြူးခဲ့စဉ်က သင်ခန်းစာများ ရရှိခဲ့သည့် အတွက် ရန်ကုန်၌ လည်း ကွန်ရက်ကျပ်တည်းမှု၊ အဆင်မပြေမှုများ ဖြစ်မည်ကို စိုးရိမ်သည့်အတွက် ဂရုတစိုက်ထားလုပ်ဆောင်နေခြင်း ဖြစ်ကြောင်း တယ်လီနောမြန်မာ၏ အမှုဆောင်အရာရှိချုပ်ဖြစ်သူ Mr.Petter Furberg မှပြောသည်။
‘မန္တလေးမှာ စဖြန့်တော့ မျှော်မှန်းထားတာထက် အောင်မြင်မှုရပါတယ်။ သင်ခန်းစာ ၂ ခုတော့ ရလိုက်တယ်။ ကွန်ရက် နဲ့ ဆင်းမ်ကတ်ရောင်းချမှုမှာပေါ့။ စရောင်းတဲ့နေ့မှာ ဆိုင်ပေါင်း ၁၅၀၀ လောက်ရောင်းချပေးမယ်ဆိုပေမယ့်လည်း ၉၀၀လောက်မှာပဲ ရောင်းချပေးခဲ့နိုင်တယ်။ ကွန်ရက်ဖြန့်ကျက်မှုအတွက်လည်း တာဝါတိုင် ၇၀ ကနေ အခုထိ ၈၄ ခုလောက်ဆောက်ပြီးသွားပါပြီ။ မန္တလေးမှာ 2G သုံးတဲ့သူတွေများတယ်။3Gကလည်းသုံးစွဲသူတွေများတဲ့အတွက်အရည်အသွေးကျနိုင်ပါတယ်။အင်တာနက်နှေးနိုင်ပါတယ်။အဲဒါတွေမဖြစ်ရအောင်တာဝါတိုင်တွေကိုဆက်လက်တိုးချဲ့တည်ဆောက်သွားမှာပါ။နေပြည်တော်မှာဆိုလည်းတာဝါတိုင်ပေါင်း၉၀နဲ့စခဲ့တယ်ဆိုပေမယ့်တစ်ချို့နေရာတွေမှာလိုင်းကျပ်တည်းမှုရှိနိုင်ပါတယ်။ဆင်းမ်ကတ်ရောင်းချမှုမှာလည်းမန္တလေးဈေးကွက်ရဲ့အတွေ့အကြုံကိုယူပြီးတော့မှောင်ခိုဈေးကွက်မဖြစ်ပေါ်ဖို့အတွက်တိကျအောင်လုပ်ဆောင်ပေးခဲ့ပါတယ်။အခုရန်ကုန်မှာလည်း အဲဒီ့ အတွေ့အကြုံကို ယူပြီးတော့ ကောင်းမွန်တဲ့ ကွန်ရက်ရရှိအောင်လုပ်ဆောင်ပြီးမှ စတင်ဖြန့်ဖြူးသွားမှာဖြစ်ပါတယ်။တာဝါတိုင်ကတော့ ရန်ကုန်မှာ ၃၀၅ တိုင်ရှိပါတယ်။2G ကတော့ ကောင်းမယ်။3G ကတော့ တစ်ချို့နေရာတွေမှာ ပြတ်တောက်မှုရှိနိုင်မှာပါ။လာမယ့် ၂ ပတ်အတွင်းမှာ စတင်ရောင်းချပေးသွားမှာပါ ’’ဟုပြောသည်။
အဆိုပါတယ်လီနောဆင်းမ်ကတ်များအားစောင့်မျှော်နေကြသည့်လက်လီအရောင်းဆိုင်များ၊လက်ကားဖြန့်ဖြူးရောင်းချမည့်ဆိုင်ကြီးများအနေဖြင့်လည်းသုံးစွဲလိုသူများ၏လာရောက်မေးမြန်းမှုများရှိနေပြီးသတ်မှတ်ရက်ကိုမူတိကျစွာမသိရှိသေးကြောင်း အဆိုပါ ကိုယ်စားလှယ်များ၊ဆိုင်များထံမှသိရသည်။တယ်လီနောအနေဖြင့် အဆိုပါ ဆင်းမ်ကတ်များအား ရန်ကုန်တိုင်းဒေသကြီးအတွင်း မြို့နယ်ပေါင်း ၄၄ မြို့နယ်ရှိ ဆိုင်ငယ်ပေါင်း ၆၀၀၀,ဆိုင်ကြီးပေါင်း ၂၂ ဆိုင်မှ တစ်ပြိုင်နက်ရောင်းချသွားမည်ဖြစ်ကြောင်းသိရသည်။
TechSpace Journal
https://www.facebook.com/techspaceJournal
No comments:
Post a Comment