" အီတလီနိုင်ငံရောက် မင်းသမီး ရတနာ နတ်မယ် (လင်းပင်မင်းသားကြီး၏ မြေးမတော်)"

 ရတနာ နတ်မယ် ဆိုတဲ့ အမျိုးသမီးအကြောင်းကို ငယ်ငယ် က ကြားဖူးတုန်း ကတော့ အရမ်းချော အရမ်းလှတဲ့ အမျိုးသမီးတစ်ယောက်၊ ဦးနေ၀င်း ရဲ့ ဇနီး ပြီးတော့ သူလျှို လိုလို ဘာ လိုလို ဇာတ်လမ်းတစ်ခုပေါ့။ အခု ကြီးလာတော့ ရတနာ နတ်မယ် အကြောင်းကို အခုလို သိခဲ့ရပါတယ်။

ရတနာ နတ်မယ် ဟာ ကနောင် မင်းသား ရဲ့ မြစ်တော်ဖြစ်ပါတယ်။ ကနောင် ရဲ့ သားတော် လင်းပင် မင်းသားနဲ့ မြောက်သား ရေနံသာ ခင်ခင်ကြီး တို့ရဲ့ သမီးလတ်ဖြစ်သူ
ထိပ်တင် မလတ် ဟာ သြစတြေးလျနိုင်ငံသား ဘယ်လာမီ ဆိုသူ နဲ့ လက်ထပ်ခဲ့ပြီး ရတနာ နတ်မယ် ကို ၁၉၃၂ ခုနှစ်၊ ဇွန် (၁)ရက်နေ့မှာ မွေးဖွားခဲ့ပါတယ်။
 

ရတနာနတ်မယ် ရဲ့ အင်္ဂလိပ်နာမည် ကတော့ June Rose ဖြစ်ပါတယ်။ June လ မှာမွေးတဲ့ အတွက် ဖခင်ကြီးက ဇွန်နှင်းဆီ လို့ ပေးခဲ့တာပါ။

လင်းပင် မင်းသားကြီး ဟာ ထိပ်တင် မလတ် ကို လူမျိုးကွဲ၊ ဘာသာ ကွဲနဲ့ သဘော မတူခဲ့ ပါဘူး။ ဒါပေမယ့် ထိပ်တင် မလတ် ဟာ မွေးတဲ့ ကလေးတွေကို ဗုဒ္ဓဘာသာဖြစ်စေရပါမယ် ဆိုတဲ့ ကတိပေးခဲ့ပြီး ဘယ်လာမီ ကိုယ်တိုင် ကလည်း ဘာသာရေး ကို သိပ် စိတ်မ၀င်စား ဘဲ ထိပ်တင် မလတ် ကို လက်ထပ်ချင်စိတ် တစ်ခုသာ ရှိခဲ့တာကြောင့် လင်းပင် မင်းသားကြီးက သဘောမတူချင် ဘဲ တူခဲ့ရတာဖြစ်ပါတယ်။ 

 

 ဘယ်လာမီ က သမီးဖြစ်သူ ကို June Rose လို့ နာမည်ပေးခဲ့ပေမယ့် ထိပ်တင် မလတ် ကတော့ ထုံးတမ်းစဉ်လာ အတိုင်း ထီးဟန် နန်းဟန် နာမည်ပေးဖို့ စဉ်းစားခဲ့ ပါတယ်။ အဲဒီမှာ သူ့ခေါင်း ထဲကို ရောက်လာတဲ့ နာမည် ကတော့ အဘိုးဖြစ်သူ ကနောင် မင်းသားရဲ့ မိဖုရား လှိုင်ထိပ်ခေါင်တင်ရေးတဲ့ ၀ိဇယကာရီ နန်းတွင်း ၀တ္ထုထဲ က ရတနာနတ်မယ် မင်းသမီးလေး ဆိုတဲ့ နာမည်ပဲဖြစ်တယ်။

ဒါနဲ့ သမီးတော်လေး ကို ရတနာ နတ်မယ် လို့မှည့်ခေါ် ခဲ့ပြီး လင်းပင် မင်းသားကြီး ကလည်း သဘောကျ နှစ်ခြိုက်ခဲ့တယ်လို့ သိရပါတယ်။

ရတနာနတ်မယ် ကလေး ဘ၀မှာ လင်းပင် ထိပ်တင် မလတ် တို့ဟာ အိန္ဒိယ ကို စစ်ပြေးကြ ရပါတယ်။ ကျောင်းနေတဲ့ အခါ နိုင်ငံခြားသွေးနှောသူ မို့ အနှိမ် ခံရပါတယ်။ သူ့ကို အရှက်ခွဲ တာကို မဟုတ် မခံ တုံ့ပြန် ခဲ့တဲ့အတွက် ကျောင်းထွက်ရတဲ့ အထိ ဖြစ်ခဲ့ပါတယ်။ 

အသက် ၁၄ နှစ် မှာတော့ ပြင်ဦးလွင် မြို့ကို ပြန်လည်ပြောင်းရွှေ့ ခဲ့ပြီး စိန့်မိုက်ကယ်ကျောင်းမှာ ပညာဆက်လက် သင်ကြားခဲ့ပါတယ်။ ရတနာနတ်မယ် ဟာ သိချင်စိတ်၊ စူးစမ်းချင်စိတ် ရှိပါ တယ်။ 

အပြင်ပန်း မှာ အေးတိအေးစက်၊ ဘာသိ ဘာသာနေ လို့ မာနကြီးတယ် အထင်ခံ ရပေ မယ့် တကယ်တမ်း က သူဟာ ဇွဲကြီးတယ်၊ သူ့ထက်တော်ရင် ဆရာတင် ဖို့ ၀န်မလေးဘူး၊ ဘယ် သူ့အပေါ်မှာ မှ ကြောလိုစိတ် ၊အမြတ် ထုတ်လိုစိတ် မရှိတဲ့သူပါ။

 

ရတနာနတ်မယ် အသက် ၂၂ နှစ် အရွယ် မှာ ကမ္ဘာ့ ကျန်းမာရေး အဖွဲ့(WHO) မှာတာဝန် ထမ်းဆောင်နေ တဲ့ ဆရာဝန် ဒေါက်တာမာရီယိ နဲ့ လက်ထပ်ခဲ့ ပါတယ်။

သားနှစ်ယောက် ထွန်းကား ခဲ့ပြီး မိုက်ကယ် နဲ့ မောရစ် လို့ ခေါ်ပါတယ်။ သားကြီး မိုက်ကယ် ဟာ ၁၉၉၇ ခုနှစ် က ဗုဒ္ဓဂါယာ ကို ဘုရားဖူး ထွက်ရင်း ကားတိုက်ပြီး ဆုံးပါးခဲ့ ပါတယ်။
 
ထိပ်တင် မလတ် ရဲ့ မွေးလာ တဲ့ ကလေးတွေ ကို ဗုဒ္ဓဘာသာဖြစ်စေရပါမယ် လို့ ခမည်းတော် လင်းပင် မင်းသားကြီးကို ထားတဲ့ ကတိဟာ မြေးတော်တွေ အထိ ဆက်လက် တည်မြဲနေ တယ် လို့ ပြောရမှာပါပဲ။ 

ရတနာနတ်မယ် ဟာ ခင်ပွန်းသည် မာရီယို နဲ့ သဘောထားချင်း မတိုက်ဆိုင် လို့ ပြတ်စဲခဲ့ပြီး အီတလီနိုင်ငံမှာ ပဲနေထိုင်ခဲ့ပါတယ်။

ရတနာနတ်မယ် ဟာ ဖခင် ဘယ်လာမီ ဆုံးစဉ် ကရော၊ မိခင် ထိပ်တင် မလတ် ဆုံးပါးစဉ် ကရော သံရုံး ကို အကူအညီတောင်းခဲ့ရ တာတွေ ရှိခဲ့ပါတယ်။ သူ အကူ အညီတောင်း ရတာ ကတော့ ဦးနေ၀င်း ရဲ့ ဇနီး ဒေါ်ခင်မေသန်း ဆီကို ဖြစ်ပါတယ်။ 

အမှန်က ရတနာနတ်မယ် ဟာ အသက် ၁၈ နှစ် အရွယ် ကတည်းက ဦးနေ၀င်း နဲ့ ချစ်ကြိုက် ဖူးပါတယ်။ ဒါပေမယ့် ဖခင်ကြီး ဘယ်လာမီ ဟာ ဦးနေ၀င်း ရဲ့ အကျင့်စရိုက် ကို ဘယ်လိုမှ သဘောမကျတာ မို့ လမ်းခွဲခိုင်းခဲ့ တာဖြစ်ပါတယ်။ 

မိခင် ဖခင် ဆုံးပါးပြီးနောက်ပိုင်း ၊ သြစတြေးလျနိုင်ငံ ကို ဦးနေ၀င်း ဆေးလာကုတဲ့ အချိန် ပြန် လည် ဆက်သွယ်မိခဲ့ တာဖြစ်ပါတယ်။ အဲဒီ အချိန် မှာ ဦးနေ၀င်း ရဲ့ ဇနီးက ကွယ်လွန်သွား ခဲ့ပြီဖြစ်ပါတယ်။

၁၉၇၆ ဒီဇင်ဘာလ ၂၄ ရက်နေ့ မှာ ဦးနေ၀င်း နဲ့ ရတနာနတ်မယ် တို့ဟာ သမ္မတ အိမ်တော် မှာ လက်ထပ် ထိမ်းမြားခဲ့ကြ ပါတယ်။ အဲဒီ အချိန် မှာ ဦးနေ၀င်း ဟာ ၆၇ ၊ ရတနာနတ်မယ် က ၄၅ နှစ် ရှိပါပြီ။ 

ရတနာနတ်မယ် ဟာ ဦးနေ၀င်း ရဲ့ ၅ ယောက်မြောက် ဇနီးလည်း ဖြစ်ပါတယ်။  သတင်းကြား ရ သလို သူဟာ နိုင်ငံခြား က လွှတ်လိုက် တဲ့ သူလျှိုတော့ မဟုတ်ခဲ့ပါဘူး။ ဦးနေ၀င်း နဲ့ ပေါင်း သင်းချိန်ဟာ ရက်ပေါင်း ၁၅၀ ပဲ ရှိခဲ့ ပါသတဲ့။

ပွေပွေရှုပ်ရှုပ် အတ္တသမား ဦးနေ၀င်း ကို နှစ်နှစ် ကာကာ ချစ်ခဲ့တဲ့ ရတနာနတ်မယ် ဟာလည်း ကံဆိုးတာ လို့ပဲပြောရမှာပါပဲ။ သူများတွေ က ဦးနေ၀င်း ကို ချစ်တယ် ဆိုတဲ့အချစ် ဟာ သူက ဦးနေ၀င်း ကို မုန်းသလောက်ပဲ ရှိပါတယ်တဲ့။

တစ်ရက်တော့ ဦးနေ၀င်း ဂေါက်ကစား လို့ ရှုံးပြီး ရှုံးမဲမဲ ကာ ရတနာနတ်မယ် နဲ့ စကား များ ကြပါတယ်။ အဲဒီမှာ ရတနာနတ်မယ် ကို ဆေးလိပ်ခွက် နဲ့ ပေါက် တာ နှဖူးကွဲ ခဲ့တယ် ပြော ပါတယ်။ 

ရတနာနတ်မယ် ကလည်း ဒေါက်ဖိနပ် စီးထားတဲ့ ခြေထောက် နဲ့ ဦးနေ၀င်း ကို ကန်ပစ် ခဲ့တာ ချက်ကောင်း ထိပြီး အသံတောင် မထွက်နိုင်ဘဲ ပုံလျက် လဲပြီး ကျန်ခဲ့ ပါတယ်။
 
အိမ်ပေါ်က ဆင်းလာတဲ့ ရတနာနတ်မယ် ဟာ ဦးနေ၀င်း ပြန်လာခေါ်နိုးနဲ့ ၂၂ ရက်တောင် စောင့် ခဲ့ ပါတယ်တဲ့။ ဒါပေမယ့် ဦးနေ၀င်း ဟာ ရတနာနတ်မယ် ကို ရှိတယ် လို့ကို မမှတ် ဘဲ အနေအစား မပျက် သွားလာ လှုပ်ရှားနေတဲ့ အခါ စိတ်နာပြီး အီတလီနိုင်ငံ ကို ပြန်လာခဲ့ပါတယ်။

 

လွန်ခဲ့တဲ့ ၂၆ နှစ် က မြန်မာနိုင်ငံ ကို ပြန်လာခဲ့ပြီး ငါးထပ်ကြီး ဘုရားစောင်း အနီးရှိ အဘိုးဖြစ် သူ လင်းပင် မင်းသားကြီး အုတ်ဂူ ကို လာရောက် ကန်တော့ကာ သံဃာတော် အပါး ၁၂၀ ကို ဆွမ်းကပ်လှူခဲ့ပါတယ်။ 

နာဂစ်ပြီးကာစ အချိန် ကလည်း ပြန်လာ ခဲ့သေးပြီး ကယ်ဆယ်ရေး လုပ်ငန်း များမှာ တတ်နိုင် သမျှ ပါခဲ့သေးတယ်လို့ သိရပါတယ်။

အခု အခါမှာတော့ ရတနာနတ်မယ်ဟာ အသက် ၈၃ နှစ်ရှိပြီဖြစ်ပြီး အီတလီနိုင်ငံ Tascancy ပြည်နယ်၊ ဖလောရင့်မြို့တွင် နေထိုင်ပြီး သူ့အိမ်မှာပဲ အချက် အပြုတ် သင်တန်းကျောင်းလေး ဖွင့်ထားကြောင်း သိရပါတယ်။




ကို စိန် သန်း
From...  SearchMyanmar


Credit : http://layietcho.blogspot.co.uk/2015/05/blog-post_33.html