" အချစ်ဆိုတာ တကယ်ရှိတဲ့ ခံစားမှုလား "

သင်ကလူတစ်ယောက်ကို ချစ်တဲ့စိတ် ပြင်းပြင်းပြပြ ခံစားနေရပြီး သူ့ကိုရာနှုန်းပြည့် တစ်သက်တာလုံး ချစ်သွားမယ်ဆိုတာ သေချာချင်ရင် ဒီစာလေးကို အချိန်ပေးပြီးဖတ်လိုက်ပါ။ ထာဝရအချစ်ဆိုတာ အချစ်ဝတ္ထုတွေ၊ ရုပ်ရှင်တွေထဲမှာတင် မဟုတ်ဘဲ အမှန်တကယ်ကို လက်တွေ့ကမ္ဘာမှာ ရှိပါတယ်။ စိတ်ကူးယဉ်သက်သက်ရေးထားတာ မဟုတ်ဘဲ ထာဝရအချစ်စစ်ဆိုတာ ရှိလို့သာကျော်ကြားတဲ့ အချစ်ဝတ္ထုတွေ ရုပ်ရှင်တွေအဖြစ် အသက်သွင်းပြီးအောင်မြင်ခဲ့တာဆိုရင် ပိုမှန်ပါလိမ့်မယ်။

ထာဝရအချစ်ဆိုတာဘယ်တော့မှ အဆုံးမရှိတဲ့ အချစ်ပါ။ အချစ်ဆိုတဲ့ ခံစားချက်ကအရမ်းကိုနူးညံ့ပေမဲ့ အံ့အားသင့်လောက်အောင် အားကောင်းတဲ့ ခံစားမှုလည်းဖြစ်ပါတယ်။မမြင်နိုင်ပေမဲ့ ခိုင်မာလွန်းတဲ့အတွက်ထာဝရအချစ်နဲ့ချစ်နေတဲ့ လူနှစ်ယောက်ကို ဘယ်လိုအရာကမှ မခွဲခြားနိုင်ပါဘူး။ သေဆုံးသွားပြီးနောက်မှာတောင် အချစ်စစ်ကထာဝရတည်တံ့နိုင်ပါတယ်လို့ ဆိုပါတယ်။

သိပ္ပံပညာရှင်တွေက အချစ်ဆိုတဲ့ ခံစားချက်တကယ်ရှိမရှိကို လက်တွေ့သုတေသန ပြုပြီးနောက်မှာ အချစ်ဆိုတာ အမှန်တကယ်ရှိနေတဲ့ အရာတစ်ခုလို့ လက်ခံသွားကြပြီဖြစ်ပါတယ်။ အရင်က အချစ်ဆိုတာ မျိုးဆက်ပြန့်ပွားဖို့ ရည်ရွယ်ချက် သက်သက်အတွက် လူနှစ်ယောက်အကြာကြီး အတူနေနိုင်အောင် စိတ်ကိုလှည့်စားထားတဲ့ ခံစားမှုတစ်ခုလို့ ထင်မြင်ခဲ့ကြပါတယ်။ဒါပေမဲ့ အနှစ်နှစ်ဆယ်ကျော် အတူတကွပေါင်းသင်းလာတဲ့ အရမ်းကိုချစ်ကြပါတယ်ဆိုတဲ့
စုံတွဲပေါင်းများစွာနဲ့ စမ်းသပ်ကြည့်တဲ့အခါ အချစ်ဆိုတဲ့အရာကဦးနှောက်ရဲ့ လုပ်ငန်းစဉ်တွေနဲ့ အစိတ်အပိုင်းတွေကိုတောင် ပြောင်းလဲပစ်နိုင်တဲ့အထိလက်တွေ့မှာတကယ်ရှိနေတဲ့ အရာဖြစ်တာကိုသက်သေထူနိုင်ခဲ့ကြပါတယ်။

ငွေရတုတစ်ခုနီးပါးဖြတ်သန်းခဲ့ကြတဲ့ စုံတွဲတွေကိုချစ်သူရဲ့ ပုံကိုပြပြီးဦးနှောက်ရဲ့ အလုပ်လုပ်ပုံကို စကင်ဖတ်ကြည့်တဲ့အခါမှာ စုံတွဲတစ်တွဲစီတိုင်းရဲ့ ဦးနှောက်အလုပ်လုပ်ပုံတွေကထူးထူးခြားခြားထပ်တူဖြစ်နေတာကိုတွေ့ရပါတယ်။ဒါကိုသိပ္ပံနည်းကျ စဉ်းစားကြည့်မယ်ဆိုရင် တခြားအချက်တွေကြောင့်မဟုတ်ဘဲအချစ်ဆိုတဲ့ ခံစားမှုကြောင့်ဖြစ်တယ်ဆိုတာသက်သေပြလိုက်တာပါ။ နောက်ထပ်လေ့လာမှုတစ်ခုအရချစ်တဲ့သူရဲ့ ဓာတ်ပုံကို ပြလိုက်တဲ့အခါမှာ ကြောင်းကျိုးဆင်ခြင်ပြီး ဆုံးဖြတ်ချက်ချတာတွေကို လုပ်ဆောင်ရတဲ့ ဦးနှောက်ရဲ့ အရှေ့ခြမ်းကပိတ်သွားပါတယ်။ ဒါကလည်းအချစ်ဆိုတဲ့ ခံစားမှုကို ကြုံလိုက်တဲ့ တခဏမှာ အကြောင်းပြချက်တွေ၊ ယုတ္တိယုတ္တာတွေကိုခဏစွန့်လွှတ်လိုက်တယ်ဆိုတဲ့ သဘောပဲ ဖြစ်ပါတယ်။

ဒါပေမဲ့ အချစ်ဆိုတာ တကယ်မရှိပါဘူး။ လူတစ်ယောက်ကို တစ်ဘဝလုံးချစ်သွားဖို့ဆိုတာမဖြစ်နိုင်ပါဘူးလို့ ပြောတဲ့သူတွေ အများကြီးရှိသလိုအချစ်ကို အယုံအကြည်မရှိတဲ့သူတွေလည်းအများကြီးပါပဲ။ ဒီလိုပြောရတဲ့ အကြောင်းရင်းကတစ်ခုပဲရှိပါတယ် ။အဲ့ဒါကတော့ သူတို့ဒီလိုပြောကြတာက သူတို့ဟာအချစ်စစ်နဲ့ မတွေ့ဘူးလို့ပဲ ဖြစ်ပါတယ်။ ထာဝရအချစ်ဆိုတာဘာလဲ။ ဘယ်လိုအချစ်မျိုးကိုထာဝရချစ်နိုင်မယ့် အချစ်မျိုးလို့ သတ်မှတ်ရမှာလဲလို့ သိချင်သူတွေအတွက် အချစ်ဆိုတာ ရှာစရာမလိုပါဘူး။ သူ့အလိုအလျောက်ရင်ထဲက ဖြစ်တည်လာသလို ထာဝရချစ်နိုင်မယ့်သူတစ်ယောက်ကို တွေ့ပြီဆိုရင်လည်း ဘယ်လိုမှ မမှားယွင်းနိုင်ဘဲအလိုလိုကိုသိလာပါလိမ့်မယ်။ဘယ်သူ့ကိုမှ မေးနေစရာမလိုဘဲ ကိုယ့်စိတ်က အဖြေပေးပါလိမ့်မယ်။

အချစ်ဆိုတာ အမှန်တကယ်ရှိတဲ့ အရာတစ်ခုပါ။ ထာဝရတည်တံ့နေနိုင်တဲ့ ခံစားမှုတစ်ခုလည်း ဖြစ်ပါတယ်။ ဘဝမှာ လေးလေးနက်နက် ချစ်ရမယ့်သူတစ်ယောက်ရှိရင် မျှော်လင့်ချက်တွေရှိမယ်။ မျှော်လင့်ချက်တွေကနေ ရည်မှန်းချက်တွေဖြစ်ပြီး အကောင်အထည်ဖော်ဖို့ ကြိုးစားချင်လာမယ်။ဒါဆိုဘဝကအပေါင်းလက္ခဏာဆောင်ပြီးပျော်ရွှင်နိုင်မှာပဲ ဖြစ်ပါတယ်။ဒါကြောင့် အချစ်စစ်မရှိနိုင်ပါဘူးလို့ ပေါ့တန်တန်မတွေးဘဲအချစ်စစ်ကိုရှာဖွေတွေ့ပြီးပျော်ရွှင်ချမ်းမြေ့တဲ့ဘဝတွေကိုပိုင်ဆိုင်နိုင်ပါစေ။

Ref:lovepanky
ခင်သူဇာ - Trend Myanmar
Credit : http://www.lwinpyin.com/2016/07/blog-post_13.html