" ပန်းချီဆရာ သရော်ချက်ကြောင့် လမ်းပေါ်ကချိုင့်ခွက် မိကျောင်းကန်ဖြစ်"

လမ်းပေါ်က ဧရာမချိုင့်ခွက်ကြီးတစ်ခုကြောင့် ဒေါသထွက်နေတဲ့ အိန္ဒိယပန်းချီဆရာတစ်ယောက်ဟာ ဆန်းပြားတဲ့ စိတ်ကူးသစ်တစ်ခုနဲ့ ယင်းပြသနာကို လူသိများအောင် လုပ်ပြလိုက်ပါတယ်။ အဲဒါကတော ဘင်ဂလောမြို့က ၁၂ ပေခန့်ကျယ်ဝန်းတဲ့ ဧရာမချိုင့်ခွက်ကြီးတစ်ခု ကို မိကျောင်းကန်တစ်ခုအဖြစ် ပုံဖော်ဖန်တီးကာ တကယ့်မိကျောင်းအရွယ်အစားရှိတဲ့ မိကျောင်းအရုပ်တစ်ရုပ်ကို ထားရှိလိုက်တာဖြစ်ပါ တယ်။

အဆိုပါလမ်းချိုင့်ခွက်ကြီးဟာ မြို့သူမြို့သားတွေကို စိတ်အနှောက်အယှက်ပေးနေတာ တစ်လကျော်ခန့် ရှိနေပေမယ့် ပြုပြင်ဖာထေးခြင်း မရှိတာကြောင့် တာဝန်ရှိသူတွေကို သတိပေးဖို့ ပန်းချီဆရာ ဘာဒါနန်ဂျွန်ဒက်စ်ဝါမီ က ကြိုးစားခဲ့တာဖြစ်ပါတယ်။ ပန်းချီဆရာအနေနဲ့ အဆိုပါ မိကျောင်းပုံတူရုပ်ဖန်တီးဖို့ ရူပီး ၆၀၀၀ ခန့် ( ၉၄ ဒေါ်လာ) သုံးခဲ့ရတယ်လို့ သိရပါတယ်။
ပန်းချီဆရာ လှောင်ပြောင်သရော် အပြီး နောက်တစ်ရက်အကြာမှာတော့ လမ်းပြုပြင်ရေးဆိုင်ရာတာဝန်ရှိသူတွေက ယင်းချိုင့်ခွက်ကို ပြုပြင်သွားခဲ့ပါတယ်။

 

 

 

 

 

 

 

Ref: BBC

 

Credit : Kumudra