" ခြေထောက်တွေကို ကြပ်ထုပ်စည်းကာ သေးငယ်အောင်ပြုလုပ်ခဲ့ကြသော ခြေသေး တရုတ်အမျိုးသမီးကြီးများ ဆိုသည်မှာ"

 

အသည်းခိုက်ခဲ့ကြရတဲ့ ကြာပန်းခြေထောက်ကလေးများ
ခရစ်သက္ကရာဇ် ၁၀ရာစုလောက်ကနေ ၂၀ရာစုလောက်အထိ တရုတ်ပြည် အနှံ့အပျားမှာရေ

ပန်းစားခဲ့တာကတော့ ခြေချောင်းလေးတွေကိုချိုးပြီးခြေဖဝါးတွင်ကပ်ကာ ခြေထောက်ဖွံ့ဖြိုးမှုမရှိအောင် တင်းနေအောင် ကြပ်စည်းတဲ့ ဓလေ့ထုံးတမ်းအစဉ်အလာတစ်ခုဖြစ်ပါတယ်။ သမီးမိန်းကလေး ၂ နှစ်အရွယ်ကနေ ၅နှစ်အရွယ်အတွင်းမှာ ဒီရိုးရာကို စတင်စီမံတာမို့လို့ ခြေသေးမိန်းကလေးရဲ့ ခြေဖဝါး အရှည်ဟာ အရွယ်ရောက်ချိန်မှာ သုံးလက်မဝန်းကျင်လောက်သာရှိတယ်လို့ဆိုပါတယ်။
ရှေးတရုတ်ပြည်ရဲ့ လူကုံတန် အထက်တန်းလွှာ အသိုင်းအဝိုင်း၊ အနုပညာရှင်များနဲ့ အလယ်အလတ်တန်းစားမိသားစုများမှာတော့ ထုံးစံအရ အနည်းလေးတော့ သမီးဦးများကို ဒီရိုးရာအစီအမံအတိုင်းမဖြစ်မနေလုပ်ပေး

ကြလေ့ရှိပါတယ်။ ရှေးတရုတ်လူမျိုးများဟာ ခြေချောင်းရိုးလေးတွေချိုးပြီး ကြပ်စည်းခံထားရတဲ့ မိန်းကလေးတွေရဲ့ ခြေထောက်သေးသေးလေးတွေကို အလှတရားတစ်ခု၊ ဂုဏ်ဒြပ်တစ်ခုအနေနဲ့ တန်ဖိုးထားလွန်းလို့ ကြာပန်းခြေထောက်ရယ်လို့ တင်းစာပြီးတော့တောင် ခေါ်ခဲ့ကြပါတယ်တဲ့။ ကြာပန်းခြေထောက်ပိုင်ရှင်အမျိုးသမီးများဟာ ဒုက္ခိတ တစ်ပိုင်းဖြစ်နေတာကြောင့် အင်တိုက်အားတိုက်လုပ်ရမယ့် ပင်ပန်းတဲ့အလုပ်မျိုးတွေ လုပ်ဖို့မတတ်နိုင်ပါဘူး။ ဒါကိုကပဲ ပဒေသရာဇ်ခောတ် လူကုံတန်
အသိုင်းအဝိုင်းမှာ “အလုပ်လုပ်ဖို့မလိုအောင် ပြည့်စုံတယ်” ဆိုတဲ့ သဘောပေါ်လွင်တဲ့ ပကာသန ဂုဏ်ဒြပ်တစ်မျိုးဖြစ်ခဲ့ရပါတယ်။
 

ဒီရိုးရာ စတင်ဖြစ်ပေါ်လာပုံ ယုံတမ်းစကားအဆိုတစ်ခုက ဘာပြောသလဲဆိုတော့ ရှန်းဂ် မင်းဆက် ဘုရင်တစ်ပါးရဲ့ လွန်စွာမှမြတ်နိုးရသော မိဖုရားငယ်တစ်ပါးဟာမွေးကတည်းက ခြေထောက်ကြီးထွားမှုမရှိတဲ့ မွေးရာပါ ဒုက္ခိတ တစ်ယောက်ပါတဲ့။ ဒီမိဖုရားငယ်ဟာ သူ့ရဲ့ သူများနဲ့မတူတဲ့ ဒုက္ခိတခြေထောက်တွေ အတွက်သိမ်ငယ် မနေရအောင် တစ်တိုင်းတစ်ပြည်လုံးမှာရှိတဲ့ မိန်းကလေးတွေကို သူ့လိုခြေထောက်မျိုးရှိအောင်ကြပ်စည်းကာမှပဲ မိန်းကလေးတစ်ယောက်ရဲ့ ပြီးပြည့်စုံသော စံပြအလှဖြစ်တယ်ဆိုတဲ့ အမြင်ဖြစ်အောင် ပြည်သူကို ဦးဏှောက်ဆေးဖို့ ဘုရင်ကိုတိုက်တွန်းခဲ့ရာက စခဲ့တယ်လို့ အဆိုရှိခဲ့ပါတယ်။ ဒီအတိုင်းသာ တကယ်မှန်တယ်ဆိုရင်တော့ သူတည်းတစ်ယောက်ကောင်းမှုကြောင့် လို့ဆိုရမလိုပါပဲ။
ကြာပန်းခြေထောက်ဖြစ်ဖို့အတွက် သမီးငယ်လေးများဟာ ပြေးလွှားခုန်ပေါက်ကစားတတ်တဲ့ ကလေးအရွယ်ကနေ မီးကောင်ပေါက်အရွယ်ဖြစ်တဲ့အထိ နှစ်ပေါင်းများစွာ ကယိကထအလွန်များပြီး အင်မတန်ဂရုစိုက်ရတဲ့ အစီအမံနဲ့နေကြရရှာပါတယ်။ အရိုးအချိုးခံထားရတဲ့ဒါဏ်ရာခြေထောက်ကို တတ်နိုင်သူ လူချမ်းသာများကတော့ နေ့စဉ်ပုံမှန် ဆေးဖက်ဝင်သစ်ဥ သစ်ဖု တိရိစ္ဆာန်သွေး စတာတွေနဲ့မြင့်မြတ်တဲ့ရိုးရာခပ်ဆန်ဆန်ဆေးကြောသန့်စင်ပေးတယ်လို့ဆိုတယ်။ နေ့စဉ် အရိုးကျိုးဒါဏ်ရာကို ကလိနေသလိုလို အကြိမ်ကြိမ် အချိုးခံနေရသလိုလိုမြင်မိတာကြောင့် နာကျင်မှုဝေဒနာ အတိုင်းအတာဘယ်လောက်ရှိမယ်ဆိုတာကို ခန့်မှန်းကြည့်မိပါတယ်။ ခြေသည်းရှည်လာရင် ခြေချောင်းလေးတွေနဲ့ ကပ်လျက် အသားနုလိုဖြစ်နေတဲ့ ခြေဖဝါးကိုထိုးမိတဲ့အခါမှာ ပိုးဝင်ပြီး ဒါဏ်ရာကြီးတတ်တာကြောင့် ခြေသည်းခွံတော်ရုံနဲ့ပြန်မပေါက်ရလေအောင် ခွာပစ်ရတဲ့ သဘောမျိုးအထိ ခြေသည်းလှီးရတယ်လို့လည်းဆိုတယ်။ ခြေချောင်းလေးတွေတစ်ချောင်းနဲ့တစ်ချောင်းကပ်နေတဲ့ကြားတွေရယ်၊ ခြေဖဝါးနဲ့ ကျိုးနေတဲ့ခြေချောင်းလေးတွေပြားကပ်နေ ကြားနေရာတွေကို ပုံမှန်ဆေးကြောသုတ်သင်ခြင်းမရှိပါက အနံ့အသက်များ မခံမရပ်န်ုင်အောင် ဆိုးဝါးတတ်တယ်လို့လည်းသိရပါတယ်။ အလည်အလတ် လူတန်းစားများမှာတော့ ခြေထောက်ကို တစ်ပတ်မှာ နှစ်ကြိမ် သုံးကြိမ်လောက်သာ ဆေးကြောသုတ်သင်ခြင်းအမှုကို လုပ်နိုင်ကြတယ်လို့ဆိုတယ်။ ဆင်းရဲသား နင်းပြား လူတန်းစားခမြာမှာတော ခြေသေးဖို့အခွင့်အလမ်းမသာခဲ့ကြရှာလို့ သူတို့အရှင်သခင်မများရဲ့ကြာပန်းခြေထောက်တွေကို ကြည့်ပြီးအားကျ အိပ်မက်မက်ကြရရှာပါသတဲ့။
ခြေထောက်သေးလွန်းလို့ ခြေဖျားထောက်သွားသလို ဟန်ချက်ထိန်းပြီး လှုပ်လီလှုပ်လဲ့သွားနေရတဲ့ အရွယ်ရောက်ပြီးမိန်းကလေးတစ်ယောက်ရဲ့ အသွင်အပြင်ဟာ ရှေးတရုတ် ပုရိသတွေအတွက်တော့ အထူးရင်ခုန်စရာဖြစ်ရပါတယ်လို့လဲသိရတယ်။

 
မန်ချူးမင်းဆက်လက်ထက်မှာ ဒီရိုးရာဓလေ့ထုံးတမ်းကို တိုက်ဖျက်ဖို့ ကြိုးပမ်းခဲ့ပေမယ့်လည်း မအောင်မြင်ခဲ့ပါဘူး။ တရုတ်ပြည်တနံ တလျားမှာ ဟတ်ခါးလို့ခေါ်တဲ့ တရုတ်တိုင်းရင်းသားလူမျိုးတစ်မျိုးကလွဲရင် ကျန်တဲ့ တရုတ်ပြည်ကြီးတစ်ခုလုံးမှာ ဒီကြာပန်းခြေထောက်ထုံးတမ်းအစဉ်အလာကို လက်မခံ မကျင့်သုံးတဲ့အရပ်ဒေသရယ်လို့ သီးခြားဖော်ပြထားတာ မတွေ့ရပါဘူး။ ဟတ်ခါးဆိုတာ မြန်မာအခေါ် တရုတ် လက်တိုမျိုး ဆိုလိုတာဖြစ်ကောင်းဖြစ်လိမ့်မယ်ထင်ပါတယ်။
ဒေါက်တာဆွန်ယက်ဆင်တို့ ပဒေသရာဇ်စံနစ်ကို အပြုတ်တိုက်ပြီး သမ္မတနိုင်ငံတည်ထောင်တဲ့ အချိန်လောက်ကနေ ကြာပန်းခြေထောက်ရိုးရာတဖြေးဖြေးချင်း ပျောက်ကွယ်ပြီး ယနေ့ခောတ်အချိန်မှာတော့ လွန်စွာရှေးကျတဲ့ ဒေသအနည်းငယ်မှာ အသက် ၇၀ ကျော် ၈၀ အရွယ် ကြာပန်းခြေထောက်ပိုင်ရှင် အမျိုးသမီးကြီးများကိုကြိုကြား ကြိုကြားသာတွေ့နိုင်ပါတော့တယ်တဲ့။
လူတစ်ယောက်ကို မွေးခါစ အရွယ်ကစလို့ ဘယ်သူနဲ့မှမတွေ့စေပဲ ဘာဆိုဘာမှမရှိအောင် ပြောင်သလင်းခါနေတဲ့ အခန်းငယ်တစ်ခန်းထဲမှာ နှစ်ပေါင်းသုံးဆယ်လောက် အလုံပိတ်ပြီး အသက်ဆက်ရှင်စေမယ်ဆိုရင် ဒီလူဟာ အလှတရားဆိုတာကို ဘယ်လို နားလည်ပြီး ဘယ်လိုအဓိပ္ပါယ်ဖွင့်ဆိုမှာပါလိမ့်လို့ တွေးနေမိတော့တာပါပဲ။
ရဲထက်လှိုင်

 
(စာရေးသူ၏မှတ်ချက် – စာရေးသူသည် အထက်ပါစာစုကို ၂၀၁၄ ဖေဖော်ဝါရီလက ရေးသားခဲ့ခြင်းဖြစ်ပြီး မိမိ၏ ဖေ့စ်ဘွခ်ဝေါလ်ပေါ်သို့ တင်ခဲ့ပါသည်။ ထို့နောက် အခြားပေ့ခ်ျတခုမှ ဤစာစုနှင့် ‘၏၊ သည်’ မလွဲ တူသည့် ပို့စ်တခုကို အံ့အားသင့်စွာ တွေ့ခဲ့ရပါသည်။ ၎င်းပို့စ်တင်သည့် ရက်စွဲသည် မိမိ ပို့စ်ထက်ပင် လအနည်းငယ် အနောက်သို့ ပြန်ရွှေ့ထားသည်ကိုလည်း သတိပြုခဲ့မိသည်။ စာဖတ်သူများအနေနှင့် ဤစာစုကို တနေရာတွင် ဖတ်ရှုပြီးဖြစ်ပါက မူရင်းရေးသားသူမှာ မိမိသာဖြစ်ကြောင်း အသိပေးအပ်ပါသည်။)

 

.
 

Credit -       SearchMyanmar