" အပျိုကြီး "

 

အပျိုကြီးပဲလုပ်တော့မှာလား

ငါသိတယ်၊ နင်က အိမ်ထောင်ကျချင်တယ်၊ ဒါပေမဲ့ ၀န်မခံချင်သေးဘူးပေါ့။
ဒီလိုနဲ့ မွေးနေ့တစ်ခါရောက်လာပြန်ပြီ ဒါမှမဟုတ် နင့်မောင်လေးတစ်ယောက်က
အိမ်ထောင်ကျဖို့ အချိန်ရောက်လာပြန်ပြီပေါ့။ မောင်လေးနဲ့ လက်ထပ်ရမဲ့
မိန်းကလေးက မင်္ဂလာပွဲမှာ သတို့သမီးအရံလုပ်ပေးဖို့ နင့်ကိုမေးလာမယ်။
အဲဒီတော့မှ နင်သတိလည်လာပြီး “အမလေး…အသက် ၃၆ နှစ်ရှိနေပြီ၊ အခုထိ
ငါအိမ်ထောင်မကျသေးပါလား” ဆိုပြီး အလန့်တကြား ကိုယ့်ကိုယ်ကို မေးမိမယ်။
အဲဒီအခါ သတို့သမီးကိုလည်း နင်မုန်းလာမယ်၊ တဆက်တည်းမှာပဲ ငါဘာလို့
အိမ်ထောင်မကျသေးတာလဲဆိုတာ စဉ်းစားလာမယ် ဒါသေချာတယ်။ အရင်တုန်းကတော့
ယောက်ျားယူဖို့ လုံးဝဂရုမစိုက်ဘူး၊ အခုတော့ နင်ကောင်းကောင်း
စဉ်းစားလာပြီပေါ့။

ငါသိပါတယ် ဘာကြောင့်လဲဆိုတာ၊ ပြဿနာက ယောက်ျားလေးတွေမှာ မဟုတ်ဘူး၊ နင့်ဆီမှာ။

၁။ နင်ကဒေါသထွက်နေတယ်၊ ဒေါသထွက်နေမှန်း ကိုယ့်ကိုယ်ကို မသိဘူး။
နင့်ကိုနင် အလွန်စမတ်ဖြစ်တယ် ယောက်ျားတွေထက် တော်တယ်ထက်တယ်လို့ ထင်နေတာဟာ
နင့်ကို ဘောင်ခတ်လိုက်သလို ဖြစ်နေတယ်။ အမှန်တော့ ယောက်ျားအများစုဟာ
သူတို့အပေါ် သဘောကောင်းမဲ့ မိန်းမကိုပဲ လက်ထပ်ချင်ကြတယ်လေ။
မိန်းမတွေရဲ့ဒေါသမာနဟာ ယောက်ျားလေးတွေကို ကြောက်စေတယ်။ ဟုတ်ပါတယ်
ငါပြောနေတဲ့ပုံစံက မိန်းမတစ်ယောက် ယောက်ျားရဖို့အတွက်
ကိုယ့်အပေါ်ကြောက်စိတ်တွေ မရှိအောင် ကြိုးစားပြီးနေရမလို ဖြစ်နေတယ်။
တကယ်လည်း အဲဒီလိုကြိုးစားပြီး နေရတာဟာ အိမ်ရှင်မတစ်ယောက်ရဲ့
အဓိကလုပ်ဆောင်ချက် တစ်ခုပါပဲ။

၂။ အိမ်ထောင်ပြုဖို့ ရွေးချယ်တဲ့အခါ ဘယ်လိုပုံစံမျိုး
ယောက်ျားကိုရွေးမယ်ဆိုတာ နင်စဉ်းစားမှာပေါ့။ နင်လိုချင်တာက
အရပ်မြင့်မြင့်၊ ရုပ်ဖြောင့်ဖြောင့် သို့မဟုတ် အလွန်ချမ်းသာတဲ့လူပေါ့
မဟုတ်လား။ တကယ်တော့ ဒီအတွေးက ဆယ်ကျော်သက် မိန်းကလေးတွေ့ရဲ့ အတွေးပါ။
ယောက်ျားတွေက ကလေးလိုမိန်းကလေးကို လက်မထပ်ချင်ဘူး။ ဘာလို့လဲဆိုတော့
ကလေးလို မိန်းကလေးတွေက အမြဲတန်း အလိုမကျ ဖြစ်နေတတ်တယ်၊ နောက်ပြီး
ထမင်းဟင်းလည်း မချက်ချင်ဘူး။ ဆိုတော့ ဘယ်လိုယောက်ျားကို ရွေးချယ်ရမှာလဲ။
အိမ်ထောင်ပြုဖို့ အခိုင်အမာ ဆုံးဖြတ်ထားတဲ့ ယောက်ျားလေးဖြစ်ဖို့
အဓိကပါပဲ။

၃။ ဥပမာ ဆိုပါစို့၊ ခပ်ဖြောင့်ဖြောင့် ယောက်ျားတစ်ယောက်ကို တွေ့တယ်၊
သူကလည်း နင့်ကို သဘောကျတယ်။ ဒါပေမဲ့ သူကနင်နဲ့တွဲဖို့ မဖြစ်နိုင်တဲ့
အခြေအနေမှာရှိမယ်၊ သူ့မှာ အိမ်ထောင်ရှိတယ် ဆိုပါတော့။ နင်ကတော့
အိမ်ထောင်ပြုချင်နေတယ်၊ သူ့ကိုတော့ မပြောဘူး၊ အပျော်သက်သက်ပဲဆိုရင်
ကျေနပ်ပြီလို့ ပြောလိုက်မယ်။ ဒီလိုနဲ့ နင်ကသူနဲ့ တစ်ညတာကုန်ဆုံးခဲ့တယ်။
ဒါပေမဲ့ နောက်ထပ်ရက်တွေမှာ သူနဲ့ထပ်တွေ့ချင်တယ်၊ တွေ့လည်းတွေ့လိုက်တယ်။
တချိန်ချိန်မှာ အဲဒီယောက်ျားဟာ နင်မရှိရင် မနေနိုင်အောင်
စွဲလမ်းနေမယ်လို့ နင်ထင်နေမယ်။ ငါပြောပြမယ် နားထောင်။ အမှန်မှာတော့
နင်မရှိလည်း နင့်ကိုမတွေ့ရလည်း သူက နေနိုင်တယ် အေးအေးဆေးဆေးပဲ။
နင်ကသာခံစားပြီး ကျန်နေခဲ့မယ်။ ဒီလိုအခြေအနေကို ဝေးဝေးကရှောင်။

၎။ နင်ကအိမ်ထောင်မပြုသေးဘူးဆိုတာ နင်က နင့်အတွက်သိပ်စဉ်းစားတာ
ဖြစ်ဖို့များတယ်။ နင့်ရဲ့ အလှအပ၊ အ၀တ်အစား၊ အလုပ်အကိုင်၊ ယောဂသင်တန်း၊
နောက်ပြီး ပြဿနာအားလုံး ဖြေရှင်းနိုင်ဖို့ ပိုက်ဆံရှိတဲ့ယောက်ျားကို
ဘယ်လိုရအောင် ယူရမှာလဲ ဆိုတာတွေ စဉ်းစားနေမယ်။ ဒါပေမဲ့
အိမ်ထောင်ရှင်မကောင်း တစ်ယောက်ဟာ သူ့အတွက်သူစဉ်းစားဖို့
အချိန်မပေးနိုင်ဘူး။ သူ့မှာလုပ်စရာ သိပ်များနေလွန်းတယ်၊ အထူးသဖြင့်
ကလေးတွေရှိတဲ့ အခါမှာပေါ့။

၅။ အကြောင်းအရင်း နောက်တစ်ခုက နင်က ကိုယ်နဲ့တန်းတူ အခြေအနေတူတဲ့
ယောက်ျားကို မလိုချင်ဘူး။ နင်လိုချင်တာက ကိုယ့်ထက်သာတဲ့ ရုပ်ရည်၊
မိသားစုအသိုင်းအ၀ိုင်း၊ အလုပ်အကိုင် တွေရှိတဲ့ ယောက်ျား မဟုတ်လား။
အဲဒီလိုအတွေးက ယောက်ျားရှာမရနိုင်တဲ့ အတားအဆီး ဖြစ်နေတယ်။
ဘာလို့လဲဆိုတော့ နင့်ကိုယ်နင် ဘယ်လိုအဆင့်အတန်း
ဘယ်လောက်တန်ဖိုးရှိတယ်ဆိုတာ မသိဘူး ဖြစ်နေတယ်။ ခဏတော့ ဟန်ဆောင်ပြီး
နေချင်နေလို့ရမယ်၊ မကြာခင်မှာ နင်ကနင့်အတွက်ချည်းပဲ စဉ်းစားနေတာဆိုတာ
ပါးနပ်တဲ့ ယောက်ျားတွေတော့ သိသွားကြမယ်။

ကောင်းပြီ အခြေအနေ မကောင်းဘူးပေါ့၊ ကြားလိုက်ရတာတွေက နင့်အတွက်
သတင်းဆိုးတွေချည်းပဲ။ ဒါပေမဲ့ သတင်းကောင်းတစ်ခုက အိမ်ထောင်ပြုချင်တဲ့
မိန်းကလေးတိုင်း ကောင်းတဲ့ ဘ၀လက်တွဲဖော်ကို ရှာတွေ့နိုင်ပါတယ်။
နင့်ရဲ့ခေါင်းထဲက အိမ်ထောင်ပြုလိုက်ရင် ပျော်ရွှင်မှုတွေကိုရရှိမယ်ဆိုတဲ့
အတွေးကိုတော့ စွန့်ပစ်လိုက်ပါနော်။ ပျော်ရွှင်မှုမပေးနိုင်ဘူး။
အိမ်ထောင်ပြုပြီး မျှော်လင့်ချက်တွေ တဖြည်းဖြည်း မှေးမှိန်သွားတဲ့အခါ
နင်ဟာနင်ပါပဲ။ အေး … လျှော်ရမဲ့အ၀တ်တွေကတော့ နှစ်ဆဖြစ်လာမယ်။

အမှန်တော့ အိမ်ထောင်ပြုတယ်ဆိုတာ တစ်ခုခုရယူဖို့ မဟုတ်ပါဘူး၊ ပေးဆပ်ရတာပါ။
နောက်တစ်ခုက မိန်းကလေးတစ်ယောက်အတွက် အိမ်ထောင်ပြုတယ်ဆိုတာ
အချစ်မခံသင့်တဲ့သူကို ချစ်နိုင်အောင် ရေရှည်လေ့ကျင့်သွားရမဲ့
အခွင့်အရေးတစ်ခုလည်း ဖြစ်ပါတယ်။ ဘာဖြစ်လို့လဲဆိုတော့ အများအားဖြင့်
ပေပေတေတေနေပြီး၊ အီးတွေတဘွတ်ဘွတ်ပေါက်၊ ဗိုက်ရွှဲရွှဲနဲ့ ယောက်ျားတွေက
သူတို့ရဲု့မိန်းမ လိုချင်တာတွေကို လုပ်မပေးနိုင်ဘူး ဆိုတာပါပဲ။ ဒါပေမဲ့
နင်က စိတ်ဆုံးဖြတ်ထားမယ်၊ ကိုယ့်ယောက်ျားကို စိတ်ရှည်ရှည်နဲ့
ဂရုစိုက်မယ်၊ ကြင်နာမယ်၊ ချစ်နေမယ်ဆိုရင် တစ်နေ့မှာ
နင်အမြဲတန်းလိုချင်နေတဲ့ “အချစ်” ဆိုတာကို ရလာပါလိမ့်မယ်။

(Source: Tracy McMillan ရဲ့ Why You’re Not Married ကို
ကောက်နုတ်ပြန်ဆိုထားပါတယ်။)
Credit : http://hninnnuphyoe.blogspot.co.uk/2014/04/blog-post_5064.html