၁၉၆၈ ခုနှစ်နဲ့ ၁၉၈၅ ခုနှစ်အတွင်း အီတလီနိုင်ငံ ဖလောရန့်စ်မြို့မှာ စုံတွဲ ၈ တွဲ ရက်ရက်စက်စက် သတ်ဖြတ်ခံခဲ့ရပါတယ်။ သူတို့အားလုံးဟာ ကားထဲမှာ ချစ်တင်းနှောနေတုန်း အသတ်ခံခဲ့ရတာပါ။
အားလုံးရဲ့ သေဆုံးပုံက တူသလို အသုံးပြုသွားတဲ့ ပစ္စတိုနဲ့ ကျည်ဆန်တွေကလည်း အတူတူပါပဲ။ ပထမဆုံး ပစ္စတိုနဲ့ ပစ်သတ်ပြီး ဓားနဲ့ ထိုးသွားခဲ့ပါတယ်။ တစ်ခါတလေမှာ အမျိုးသမီးတွေကို ကိုယ်လက်အင်္ဂါတွေ ဖြတ်တောက်ခဲ့တယ်။
၁၉၆၈ ခုနှစ် သြဂုတ်လ ၂၁ ရက်မှာ ပထမဆုံး သတ်ဖြတ်ခံရတဲ့ စုံတွဲက လူသူနဲ့ဝေးတဲ့ တောထဲမှာ ကားရပ်ပြီး ချစ်တင်းနှောကြတဲ့ အသက် ၃၁ နှစ်အရွယ် ဘာဘရာလော်ချီနဲ့ အသက် ၂၉ နှစ်အရွယ် အန်တိုနီယိုလိုဘီရန်ကိုတို့ ဖြစ်ပါတယ်။ သူတို့နဲ့အတူပါလာပြီး အိပ်ပျော်နေတဲ့ အသက် ၆ နှစ်အရွယ် ဘာဘရာရဲ့သားလေးကတော့ ဘာမှ မဖြစ်ပါဘူး။ အဲဒီပြစ်မှုအတွက် ဘာဘရာရဲ့ခင်ပွန်း စတက်ဖနို မယ်လီကို ထောင်ဒဏ် ၁၄ နှစ် ချမှတ်ခဲ့ပေမဲ့ လူသတ်မှုတွေက ဆက်လက် ဖြစ်ပေါ်နေခဲ့ပါတယ်။
ဆယ်ကျော်သက်အရွယ် စုံတွဲတစ်တွဲဟာ တောထဲမှာ အသတ်ခံခဲ့ရပြီး အခြားစုံတွဲ တစ်တွဲကလည်း အလားတူ လူသူကင်းဝေးတဲ့နေရာတစ်ခုမှာ အသတ်ခံခဲ့ရ ပြန်ပါတယ်။ အဲဒီတော့ ထောင်ထဲရောက်နေတဲ့ မယ်လီက လူသတ်သမား မဖြစ်နိုင်တော့ပါဘူး။
၁၉၈၁ ခုနှစ် အောက်တိုဘာလထဲမှာ နောက်ထပ် စုံတွဲတစ်တွဲ အသတ်ခံရပြန်ပါတယ်။ အဲဒီနောက် ၁၉၈၅ ခုနှစ်မှာလည်း ပြင်သစ်စုံတွဲတစ်တွဲ အသတ်ခံရတယ်။
သတင်းပေးမှုကြောင့် ယခင်က လူသတ်ဖူးတဲ့ ပီရာထရိုပက်စီရာနီကို ၁၉၉၄ ခုနှစ်မှာ ဖမ်းဆီးခဲ့ပါတယ်။ ဒါပေမဲ့ ထိုလူနဲ့အတူ
မယ်လီကို နောက် ၂ နှစ်အကြာမှာ ပြစ်မှုမထင်ရှားတဲ့အတွက် ထောင်ကနေ လွှတ်ပေးခဲ့ပါတယ်။
အဲဒီနောက် ဂီယန်ကာလိုလော်တီနဲ့ မာရီယိုဗန်နီဆိုတဲ့ နာမည်တွေကို ရဲတပ်ဖွဲ့ဆီ သတင်းပေးလာတဲ့အတွက် ဖမ်းဆီးပြစ်ဒဏ်ချမှတ်ခဲ့ပြီး ထောင်ဒဏ်မှာပဲ သေဆုံးသွားခဲ့ကြပါတယ်။ ဒါပေမဲ့ လူတွေရဲ့ အတွေးထဲမှာ လုံခြုံစိတ်ချသွားအောင် အကြောင်းပြချက် ခိုင်ခိုင်မာမာမပေးနိုင်ခဲ့ပါဘူး။
ကြည့်ရတာတော့ ဒီဆက်တိုက်လူသတ်သမားကြီးက အခုထိ လွတ်နေဆဲပဲ ထင်ပါတယ်။
Source & Photos : Life
Credit: duwun
Credit : http://themeltingpot4u.blogspot.co.uk/2016/03/blog-post_70.html
No comments:
Post a Comment