ဆက်လက်၍ သိန်းဇော်အား စစ်ဆေးရာ လွန်ခဲ့သော တစ်လခန့် က တောင်ကြီးမြို့
ဆိုင်ကယ်ပွဲစားတန်း တွင်တွေ့ရှိသည့် တင့်လွင်နှင့် ဆိုင် ကယ်ဝယ်ယူစဉ်ခင်မင်ခဲ့ပြီး တင့်လွင်က ၎င်းထံတွင် ငွေကျပ်တစ်သောင်းတန် ငွေစက္ကူအတု သိန်းတစ်ရာကျပ်ကို ငွေစက္ကူအစစ် သိန်း ၃ဝ ပေးရမည် ဖြစ်ကြောင်းပြောရာ နိုဝင်ဘာ၂၇ ရက် ညနေ ၅ နာရီခွဲခန့်တွင် တောင်ကြီးမြို့ ဆိုင်ကယ်ပွဲစားတန်းရှိ လက်ဖက်ရည် ဆိုင်တွင် တင့်လွင်နှင့်တွေ့၍တစ်သောင်း ကျပ်တန်အတု ကျပ်သိန်း ၉၁ဝ အား ငွေကျပ် သိန်း ၃ဝ ပေး၍ ယူခဲ့ကြောင်း၊ တောင်ကြီးမြို့မှ ညနေ ၆ နာရီထွက် သည့် နယူးမန္တလာထွန်းယာဉ်ဖြင့် လိုက်ပါလာခဲ့ပြီး အမှတ်(၃) လမ်းဆုံ သို့ နိုဝင်ဘာ ၂၈ ရက် နံနက် ၅ နာရီ တွင်ရောက်ရှိပြီး တိုက်ကြီးမြို့နယ် ဖလုံရွာနေ သက်လွင်ဦးထံသို့ နံနက် ၇ နာရီတွင်ရောက်ရှိကာ ထိုမှ သက်လွင်ဦး၊ မျိုးလှိုင် (၃၈)နှစ်၊ မင်း ထိုက် (၃၃) နှစ်တို့နှင့်အတူ ဆိုင်ကယ် နှစ်စီးဖြင့် မွန်ပြည်နယ် ဘီးလင်းမြို့သို့ ထွက်ခွာခဲ့ကြောင်း၊ သတင်းအရ မျိုးလှိုင် နှင့် မင်းထိုက်တို့အား လိုက်လံရှာဖွေရာ မင်းထိုက်အား ညနေ ၅ နာရီ မိနစ် ၂ဝ တွင် ဘီးလင်းမြို့ အိုအေစစ် စားသောက်ဆိုင်ရှေ့တွင် ၄ဝယ/--DAYUN အမျိုးအစား ဆိုင်ကယ်နှင့် အတူဖမ်းဆီးရမိပြီး မျိုးလှိုင်အား ညနေ ၅ နာရီ မိနစ် ၄ဝ တွင် ငွေလာမြိုင် လက်ဖက်ရည်ဆိုင်ရှေ့တွင် ၃၃ယ/ ---- စမတ်ဆိုင်ကယ်ဖြင့် တွေ့ရှိ ဖမ်းဆီးရမိခဲ့ကြောင်း သိရသည်။
ဖြစ်စဉ်နှင့်ပတ်သက်၍ ငွေစက္ကူ အတုနှင့်အတူ တွေ့ရှိဖမ်းဆီးရမိသူ သိန်းဇော်၊ သက်လွင်ဦး၊ မင်းထိုက်နှင့် တင့်လွင် (စုံစမ်းဖမ်းဆီးဆဲ)တို့အား ဘီးလင်းမြို့မရဲစခန်းမှ(ပ)၁၄၅/--- ၂ဝ၁၄၊ နိုင်ငံတော်ဗဟိုဘဏ် ဥပဒေ ပုဒ်မ ၁ဝ၅/၁ဝ၆/၁ဝ၇ ဖြင့် အမှုဖွင့် စစ်ဆေး ဆောင်ရွက်လျက်ရှိကြောင်း သိရသည်။
(ဆက်နေမင်းအောင်)
The Mirror Daily
No comments:
Post a Comment