"မြန်မာ့ရိုးရာနည်းဖြင့် မြေကြီးအောက်တွင် ရေရှိ-မရှိ စမ်းသပ်နည်း "

မြန်မာ့ရိုးရာနည်းဖြင့် မြေကြီးအောက်တွင် ရေရှိ-မရှိ စမ်းသပ်နည်း~ (ရေရှားတဲ့ ရွာတွေမှာ ကုသိုလ်ဖြစ် ရေတွင်းတူး လှူပြီး မြို့ပြန်ရင် ရေရောင်းစားဖို့ နည်းရပြီ... ဟိဟိ..) ရေအသက် တမနက်၊ ဆိုတဲ့ စကားကို လူတိုင်းကြားဖူးကြပါလိမ့်မယ်။ ရေသည် မရှိမဖြစ် အဓိက လိုအပ်ချက် ဖြစ်နေသောကြောင့် ရေကို အမျိုးမျိုးရှာဖွေနေကြပါသည်။ တော တောင် မြေပြန့် နေရာမလပ်အောင်ပင် လူတို့သည် ရေကို ရရှိအောင် ကြိုးစားလျက် ရှိကြပါသည်။ ကျေးလက်ဒေသများ၊ မြို့ပြနေရာများတွင်လည်း
ရိုးရာပညာ၊ ခေတ်မီစက်ကိရိယာများဖြင့် လက်ရိုက်တွင်းများ၊ အဝီစိတွင်းများ စသည်ဖြင့် စမ်းသပ်ရှာဖွေနေကြရာတွင် တချို့လည်း အောင်မြင်၍ တချို့လည်း မအောင်မြင်ပဲ ရှိကြပါသည်။ ထိုသို့အဖြစ်အပျက်များကို စာရေးသူ ကိုယ်တိုင် မြင်တွေ့ခဲ့ရသောကြောင့် လက်တွေ့အောင်မြင်သော ရေရှိရာ နေရာ၊ ပေ အနက် စသည်ဖြင့် တိကျစွာ ရေရှိ-မရှိ စမ်းသပ်သည့် မြန်မာ့ရိုးရာနည်းပညာကို ဘဒ္ဒန္တစန္ဒောဘာသ၊ ဥက္ကဋ္ဌ၊မြို့နယ်သံဃနာယကအဖွဲ့၊မဟာသိမ်တော်ကျောင်း သာသနာပြုဆရာတော်ကြီး၏ ခြေတော်ရင်းတွင် ပညာဆည်းပူးရင်း သရက်တောကျောင်းရေတွင်း၊ ပြည်သူ့ဆေးရုံရေတွင်း၊ လက်ခုပ်ပင်ကျေးရွာ ရေတွင်း စသည်တို့ကို တူးစဉ်က ကြားနာ မှတ်သားခဲ့ရသည်များကို ပညာဝေငှလိုက်ပါသည်။ မိတ်ဆွေ၊ သင် ရေတွင်း တူးတော့မည်ဆိုလျှင် ရေ ရှိ-မရှိ၊ အတောင် ဘယ်လောက် တူးရမလဲ၊ တိကျစွာ တူးနိုင်ဖို့အရေးအတွက် ပထမဦးစွာ--- ကွမ်းရွက် ၃၆-ရွက်ကို အညှာမဖြတ်၊ အဖျားမဖြတ်၊ အပေါက်အပြဲ မပါတာကို ရေဆေးပြီး(၁)မိနစ်မျှ ရေစိမ်ထားပါ။ ဒုတိယဆင့်တွင် မိမိတူးလိုသည့် မြေနေရာကို ဝါးခြမ်းပြားဖြင့် ရေအစိုဓာတ် တွေ့သည့် တိုင်အောင် ခြစ်ပါ။ အစိုပြန်လာပါက ကွမ်းရွက် (၃၆)ရွက်ကို ညီအောင်ထပ်၍ တူးမယ့် မြေပေါ်တွင် အထပ်လိုက် မှောက်ချပြီး ၄င်းအပေါ်ကနေ သပိတ်ဖြစ်စေ၊ နှုတ်ခမ်းညီသော သံပုံးဖြစ်စေ၊ လေလုံသည့် သပိတ်၊ ရေပုံး ရရာကို ယူပြီး လေမဝင်အောင် မှောက်ထားပါ။ နံနက်မိုးလင်းသည်နှင့် ၄င်းကွမ်းရွက်ကို အထပ်လိုက်လှန်ပြီး တရွက်ချင်းဖယ်ကြည့်လိုက်ပါ။ ရေကြော ရေရှိမယ့်နေရာသည် ဆယ်တောင်အနက်မှာဆိုလျှင် ဆယ်ရွက်မြောက် ကွမ်းရွက်၏ မျက်နှာပြင်မှာ ရေဥကလေးတွေ စိုနေပြီး (၉)ရွက်ကနေ အောက်ဆုံးအရွက်တို့မှာ ခြောက် သွေ့နေပါသည်။ ရေသည် (၁၅)တောင်မှာ ရှိမည်ဆိုလျှင် (၁၅)ရွက်မြောက် ကွမ်းရွက်တွင်၎င်း၊ အတောင် (၂၀)မှာရှိမည်ဆိုလျှင် အရွက်(၂၀)မြောက် ကွမ်းရွက်တွင်၎င်း ရေစိုစွတ်ပြီး တွဲခိုနေသည်ကို တွေ့ရပါမည်။ ရေရှာ၍ တိကျပြီး ခေတ်မီကိရိယာများ မလိုပဲ အလွယ်တကူ ရမည်ဖြစ်ပါကြောင်း ရေးသားရင်း ဆရာတော်အား ဦးတိုက်လိုက်ပါသည်ခင်ဗျား။


Credit : http://myatnoehome.blogspot.co.uk/search/label/%E1%80%97%E1%80%9F%E1%80%AF%E1%80%9E%E1%80%AF%E1%80%90?m=0