"အိမ်ထောင်ရှင်မတစ်ယောက်၏ အခြေခံအကျဆုံး ခံစားချက်များ"

သားသမီးဇောတွေနဲ့ အလုပ်တွေများနေချိန်မှာ ကျွန်မရဲ့အိမ်ဦးနတ်ကို သူ့ရဲ့အလုပ်တစ်ခုပေါ်မှာပဲ အာရုံစိုက်စေချင်တယ်။မဖေါက်မပြား ကလေးတွေနဲ့ လုံးပန်းနေရချိန်မှာ ကျွန်မရဲ့အိမ်ဦးနတ်ကို
အချိန်တိုင်း ကျွန်မတို့ကို အမှတ်တရရှိနေစေချင်ပါတယ်။
မယားဝတ္တရားတွေ ကျေပွန်အောင် ကျွန်မထမ်းဆောင်နေသလို ကျွန်မရဲ့အိမ်ဦးနတ်ကို လင့်ဝတ္တရားတွေ
မမေ့စေချင်ပါဘူး။
ညအိပ်ယာဝင်လို့ မျက်စိနှစ်လုံးပိတ်ချိန်ရောက်ရင် ကျွန်မရဲ့အိမ်ဦးနတ်ရဲ့ ကိုယ်ရောစိတ်ပါ ကျွန်မအနားမှာရှိစေချင်ပါတယ်။
အတူတူလမ်းလျှောက်ထွက်တဲ့အခါ ကျွန်မရဲ့အိမ်ဦးနတ်ရဲ့ မျက်လုံးတွေ ကျွန်မဆီမှာမရှိရင်တောင် တခြားမိန်းကလေးတွေပေါ်မှာ မရှိစေချင်ပါဘူး။
ကျွန်မပင်ပင်ပန်းပန်းလျှော်ဖွတ်ပေးလိုက်တဲ့ အိမ်ဦးနတ်ရဲ့ ရှပ်အကျီ င်္မှာ ဘယ်ကောင်မလေးရဲ့နှုတ်ခမ်းနီတွေကိုမှ မစွန်းထင်စေချင်ပါဘူး။
ကျွန်မသားသမီးတွေ ကျွန်မရဲ့အိမ်ဦးနတ်ကြောင့် အရှက်ရသွားတယ်ဆိုတာထက် ဂုဏ်ယူရစေချင်တာပဲရှိပါတယ်။
ကျွန်မရဲ့ အိမ်ဦးနတ်ကို သားသမီးတွေရဲ့ စံပြနမူနာထားရမဲ့ပုဂ္ဂိုလ်တစ်ယောက် ဖြစ်စေချင်ပါတယ်။
အဖေလှမ်းတဲ့ ခြေလှမ်းတိုင်း အတုယူတတ်တာမို့ ခြေလှမ်းတွေကို မှန်ကန်စေချင်ပါတယ်။
ကျွန်မရဲ့ အပျိုဘ၀ကိုစွန့်လွှတ်ပြီး အိမ်ထောင်ရေးလောကထဲကို ချဉ်းနှင်းဝင်ရောက်လာချိန်ကစပြီး ကျွန်မရဲ့အိမ်ဦးနတ်ကိုလည်း လှေကားသုံးထစ်ဆင်းရင် လူပျိုပြန်ဖြစ်ပါတယ်ဆိုတဲ့ စိတ်ရိုင်းလေးကို ယောင်လို့တောင် မ၀င်စေချင်ပါဘူး။
ကျွန်မအလုပ်တွေရှုပ်ပြီး အလှမပြင်နိုင်တော့ရင် အိမ်ဦးနတ်က အရင်လိုမလှတော့ဘူးလို့လည်း မထင်စေချင်ပါဘူး။
ကျွန်မတို့ရဲ့ကလေးတွေကို မွေးဖွားပြီးလို့ ကျွန်မအရင်လိုအချိုးအစားမပြေပြစ် တော့တဲ့အခါ အိမ်ဦးနတ်က ကျွန်မကို မငြိုငြင်စေချင်ပါဘူး
ဘယ်မိန်းမကမှ သူမချစ်တဲ့ယောကျာ်းတစ်ယောက်အတွက် အသက်ပေးပြီး သူ့ရဲ့ရင်သွေးကို မမွေးထုတ်ပေးဘူးဆိုတာ ကျွန်မရဲ့အိမ်ဦးနတ်ကို မမေ့စေချင်ပါဘူး
သားရေးသမီးရေး အိမ်ကလူတွေရဲ့ စားရေးသောက်ရေးနဲ့
မိဘ၀တ္တရား မယားဝတ္တရားတွေနဲ့ ချွေးမတစ်ယောက်ရဲ့ တာဝန်ဆိုတဲ့ ခေါင်းစဉ်ပေါင်းများစွာအောက်မှာ ငွေကြေးမရှာဖွေနိုင်ခဲ့တော့ရင် အိမ်ဦးနတ်ရဲ့ ငြူစူမှုကိုလည်း မခံစားနိုင်ပါဘူး။
တစ်ခါတစ်လေ အရင်တုန်းက အပျိုတစ်ယောက်လို ကိုယ့်ကိုယ်ကို ယုံကြည်ချက်မရှိတော့လို့ သံသယလေးတွေ ပေါ်ပေါက်လာတဲ့အခါ အိမ်ဦးနတ်ကို နားလည်စေချင်ပါတယ်။
မိန်းမတစ်ယောက်ဟာ အိမ်ထောင်ကျပြီးချိန်ကစပြီး အဘက်ဘက်မှာ ဘယ်တော့မှ အပျိုဘ၀ကို ပြန်မရတော့တဲ့ ဆုံးရှုံးနစ်နာမှုကို အိမ်ဦးနတ်သိရှိပြီး စာနာချစ်ခင်စေချင်ပါတယ်။
တစ်ခါတစ်လေ အိမ်ဦးနတ်ကို အလုပ်လေးအားရင် သားသမီးတွေရဲ့ ဝေရာဝစ္စတွေကို တစ်လှည့်ပါဝင်ကူညီစေချင်ပါတယ်။
မိန်းမဆိုတာ ဟောင်းသွားလို့ဆိုပြီး မော်ဒယ်သစ်လဲလို့ကောင်းတဲ့အရာ မဟုတ်ပါဘူး။
ဆန္ဒတွေကြားမှာ သိက္ခာတွေ စာနာမှုတွေ ငဲ့ညာမှုတွေ ရှိစေချင်ပါတယ်။
မီးဖိုချောင်ထဲမှာ ဟင်းစော်တွေနံနေတဲ့ကျွန်မ
သားသမီးတွေနဲ့ အလှပြင်ချိန်တောင် မရတော့တဲ့ကျွန်မ
ကလေးမွေးဖွားပြီးလို့ ၀၀ဖိုင့်ဖိုင့်နဲ့ ဆွဲဆောင်မှုမရှိတော့တဲ့ကျွန်မ
တစ်ခါတစ်လေ စိတ်မချလို့ မြည်တွန်တောက်တီး နေတတ်တဲ့ကျွန်မကို ခွင့်လွှတ်နားလည် အချစ်တိုးစေချင်ပါတယ်။
ကျွန်မ ဒါတွေလုပ်နေမိတာအားလုံးက ဒီမိသားစုကို ချစ်မြတ်နိုးလို့၊ လက်လွှတ်ဆုံးရှုံးရမှာဆိုးလို့ ဆိုတဲ့စိုးရိမ်မှုအပြင်
တခြားဘာရည်ရွယ်ချက်မှ ရှိမနေပဲလေ။
ပိုက်ဆံချမ်းသာတဲ့ မိန်းမပဲဖြစ်ဖြစ် ဆင်းရဲတဲ့မိန်းမပဲဖြစ်ဖြစ် အိမ်ထောင်သည်မိန်းမတစ်ယောက်ရဲ့ ခံစားချက်ကတော့ အတူတူချည်းပါပဲ။



Credit : http://www.searchmyanmar.com/click#content-49485