" ညတိုင်းလုပ်ဆောင်သင့်တဲ့ အလှအပဆိုင်ရာ အမူအကျင့်တွေ "

တစ်နေ့ကုန်သွားလာ လှုပ်ရှားနေတာကြောင့် အရေပြားဟာ ခရမ်းလွန်ရောင်ခြည်၊ လေထုညစ်ညမ်းမှု၊ ဖုန်မှုန့်စတာတွေနဲ့ထိတွေ့ပြီး အရေပြားပျက်စီးတာတွေ၊ အရေးအကြောင်းပေါ်တာတွေနဲ့ ကြုံတွေ့ရတတ်ပါတယ်။ ဒါကြောင့်မို့ အရေပြားကျန်းမာရေးအတွက် လုပ်သင့်တာလေးတွေကို အကြံပြုလိုက်ပါတယ်။

ဘယ်လောက်ပဲ ပင်ပန်းပြီး အိပ်ချင်နေပါစေလိမ်းထားတဲ့ မိတ်ကပ်တွေကိုတော့ မဖြစ်မနေဖျက်ရမှာက အရေးကြီးဆုံးအချက်ပါပဲ။ အိပ်နေချိန်မှာ ချွေးပေါက်တွေဖွင့်ပြီး အရေပြားက သဘာဝအတိုင်းပြုပြင်ပေမယ့် မိတ်ကပ်တွေ၊ မျက်တောင်ကော့ဆေးတွေ၊ နှုတ်ခမ်းနီတွေ ရှိနေမယ်ဆိုရင် ချွေးပေါက်တွေကို ပိတ်နေစေလို့ပါ။
နောက်တစ်ချက်ကတော့ တိုနာသုံးပေးဖို့ပါပဲ။ မျက်နှာနဲ့ လည်ပင်းတစ်ဝိုက်ကို ဂွမ်းဖတ်လေးနဲ့ တိုနာသုတ်ပေးခြင်းဖြင့် အရေပြားပေါ်က ပိုးမွှားတွေ သန့်စင်သွားပြီး သဘာဝရေဓာတ်ကို ထိန်းသိမ်းပေးပါတယ်။

နောက်ပြီး လက်ချောင်းတွေ၊ လက်သည်းတွေ နူးညံ့ချောမွေ့၊ ကျန်းမာစေဖို့အတွက်လည်း အိပ်ခါနီးလက်လိမ်း ခရင်မ်တွေ လိမ်းပေးသင့်သလို ခြေချောင်းတွေနဲ့ ခြေသည်းတွေကိုလည်း ရေနံဂျယ်လီဆီလိမ်းပေးရပါမယ်။ မျက်ကွင်းညိုတာတွေ၊ မျက်လုံးတစ်ဝိုက် အရေးအကြောင်းဖြစ်တာတွေ ကာကွယ်နိုင်အောင်လည်း မျက်စိလိမ်းခရင်မ်လေးတော့ လိမ်းပေးရပါမယ်။ အိပ်ခါနီးသွားတိုက်တာကလည်း မဖြစ်မနေလုပ်ရမယ့် အချက်တစ်ခုပါ။

ဆံပင်တွေ ပွပြီးကြေတာမျိုး မဖြစ်ရအောင် ဆံပင်ချည်ကွင်း လေးနဲ့ သပ်သပ်ရပ်ရပ်ဖြစ်အောင်စည်းပြီး အိပ်သင့်ပါတယ်။ ခေါင်းအုံးဆိုရင်လည်း အရေပြားတို့၊ ဆံပင်တို့ချောမွေ့ဖို့အတွက် အထောက်အကူပေးတဲ့ ပိုးသားခေါင်းအုံးစွပ်တို့၊ အိပ်ရာခင်းတို့ကို ရွေးချယ်သင့်ပါတယ်။

Credit : 7 Day Daily

ဤစာဖတ်သူများအားလုံးပျော်ရွင်ချမ်းမြေ့ကြပါစေလို့ရွှေချစ်သူမှဆုတောင်းမေတ္တာပို့သပေးပါတယ်။

မျှဝေပေးခြင်းဟာလည်းမေတ္တာတစ်မျိုးပဲမို့မျှဝေပေးပါနော်...
Credit : Shwe Chit Thu