" မြန်မာတို့ နှင့် အတိတ်၊ နမိတ်၊ တဘောင်များအကြောင်း "

 ရှေးယခင်ကတည်းက မြန်မာတို့ဟာ အတိတ် နိမိတ်ကို ယုံကြည်တဲ့ လူမျိုးများဖြစ်ပါတယ်။ ခုချိန်ထိတိုင်အောင်လည်း ယုံကြည်ကြ သူများရှိပါသေးတယ်။

အတိတ် ဆိုသည်မှာ ဖြစ်ခဲ့၊ ဖြစ်ဆဲသော အခြင်းအရာတို့ဟာ နောက်တစ်ချိန်တွင် တစ်ကျော့ပြန်ဖြစ်နိုင်တယ် ဆိုတဲ့ အဓိပ္ပါယ် ဖြစ်ပါတယ်။

နိမိတ် ဆိုတာကတော့ နောက်ဖြစ်လာမယ့် အကြောင်းကို ကြိုတင်၍ပြတဲ့ အဓိပ္ပါယ်ပါ။ ဥပမာ တခုခုကျကွဲတာမျိုး၊ စိတ်တွေ
လေးနေတာမျိုး ဆိုလျင် ဒီနေ့တော့ အဆင်မပြေတာ တခုခုဖြစ်ဦးမယ် ဆိုသလို၊ ဘုရားအလောင်းက သူအို၊ သူနာ၊ သူသေ၊
ရဟန်း စတဲ့ နိမိတ်ကြီးလေးပါကို မြင်သလို စတာတွေဟာ နိမိတ်ပါ။

နောက် စနည်း ဆိုတာ ရှိပါသေးတယ်။ ဒါကိုလည်း သမိုင်းစာအုပ်တွေမှာ အမြဲလိုလိုပါလေ့ ရှိပါတယ်။ တိုင်းရေး ပြည်ရေး စနည်းထွက်နာ လိုက်ဦးမယ် ဆိုတာမျိုးပါ။

နောက် တဘောင်ကတော့ သူငယ်၊ သဘင်သည် နှင့် သူရူး တို့ပြော ဆိုကြသော နိမိတ်စကား လို့ မြန်မာအဘိဓာန်က ဆိုပါတယ်။ ဥပမာ ကုန်းဘောင်ခေတ်က တဘောင် ဆိုရင်
 
" တုံးအောက်က သီတွန် လူလွန်မသား၊
မုန့်ဆီကြော် အလယ်အက်တယ်၊
ထီးဖျက်မဲ့သား " ဟူ၍ ဖြစ်ပါတယ်။
သီတွန် က သီပေါမင်းကို ဆိုပါတယ်။ တုံးအောက် ဆိုတဲ့အတွက် မင်းတုန်းမင်းသား သီပေါမင်း၊ လူလွန်မသား ဆိုတာက
သီပေါမင်းရဲ့ မိခင်ဟာ လူ့ဘောင်ကို လွန်မြောက်ပြီး သီလရှင်ဝတ်သွားသူ၊ မုန့်ဆီကြော်အလယ်အက် ပြည်ဖျက်မယ့်သား ဆိုတာက သူ့လက်ထက်မှာ တိုင်းရေးပြည်ရေးမငြိမ်မသက် ဖြစ်ပြီး နောက်ဆုံး တိုင်းတပါးလက်အောက်ကို ကျရောက်သွားမယ် လို့ အဓိပ္ပါယ်ရပါတယ်။

ဒီအရာတွေကို ယုံခဲ့တယ်ဆိုတာကလည်း ငြင်းမရတဲ့ အထောက် အထားတွေက ရှိခဲ့လို့ပါပဲ။ ပထမ မြန်မာနိုင်ငံတော်ကို
ထူထောင်ခဲ့တဲ့ အနော်ရထာမင်းစော ဟာ ကိုးခရိုင်ကို ဆည်၍ပြီးချိန် ပုဂံပြန်ခါနီးမှာ နားတဲ့ တဲအောက်က ဖားမြည် သံကို ကြားပါတယ်။ ဒါကြောင့် ပုဏ္ဍားတွေကို တွက်ချက်ခိုင်းတဲ့အခါဖားဖိုသေ၍ ဖားမ ငိုနေကြောင်းလျှောက်ပါတယ်။
ဒါနဲ့ ကြည့်စေတဲ့အခါ ဖားမ ဟာ ဖားဖိုကို ပိုးကာ ငိုနေကြောင်းတွေ့ရပါတယ်။ ပုဏ္ဍားတွေက ပုဂံမ၀င်မီ အနော်ရထာမင်း နတ်ရွာစံတော့မယ့် နိမိတ်လို့ဟောပါတယ်။ဟောချက်နိမိတ်အတိုင်း အနော်ရထာမင်းဟာ ကိုးခရိုင်နယ်စပ်မှာ ကျွဲရိုင်းခတ်ပြီး နတ်ရွာစံ ခဲ့ပါတယ်။

ကုန်းဘောင်မင်းဆက်ထဲက ဘိုးတော်ဘုရား (ဗုဒုံမင်း) ဟာ အတိတ်၊ နိမိတ်၊ တဘောင်တွေကို အလွန်ယုံသူတစ်ဦးဖြစ်ပါ
တယ်။ ယနေ့ အားလုံးသိကြတဲ့ မင်းကွန်းပုထိုးတော်ကြီး မပြီးဆုံးခဲ့တာလည်း ဒီအကြောင်းကြောင့်ပဲ ဖြစ်ပါတယ်။ ပြီးစီးခဲ့လျင် ဥာဏ်တော်အမြင့်ပေ ၅၀၀ အထိရှိမယ့် ကမ္ဘာ့အကြီးဆုံး၊ အကျယ်ဆုံး ပုထိုးတော်ကြီးကို တည်ဖို့ ရည်ရွယ်ခဲ့ပြီးမှ ရပ်ခဲ့ရတာ
ဖြစ်ပါတယ်။ ဒီတဘောင်ကတော့

" ဘုရားလည်းပြီး၊ ပြည်ကြီးပျက်လတ္တံ။
မင်းကွန်းဘုရားကြီး အပြီးသတ်၊ မုဆိုး သုညကပ် " ဟူ၍ပင်။
အဓိပ္ပါယ်ကတော့ ဘုရားကြီးမပြီးစီးပါ၊ ပြီးစီးပါက မုဆိုးဖိုကနေ အစပြုခဲ့တဲ့ ကုန်းဘောင်မင်းဆက်ပြတ်မယ် ဆိုတဲ့ အဓိပ္ပါယ်ပါ။
တဘောင်အတိုင်း ပုထိုးတော်ကြီး မပြီးဆုံးမီမှာပင် ဘိုးတော်ဘုရား နတ်ရွာစံခဲ့ပါတယ်။

ဘိုးတော်ဘုရားလက်ထက်က အယူတော်မင်္ဂလာဦးနိုး လို့ခေါ်တဲ့ဟောတိုင်းမှန်တဲ့ အတိတ်နိမိတ် ဆရာတစ်ဦး ရှိခဲ့ပါတယ်။ ထူးဆန်သည်က အခြားပုဏ္ဍားများလို ဗေဒင် လက္ခဏာကြည့်ပြီးဟောတာမဟုတ်ပဲ အတိတ်၊ နမိတ်၊ စနည်း များကိုသာ အသုံးချပြီး ဟောခဲ့တာကြောင့်ပါ။ဟောတိုင်းမှန်တာကြောင့် ဘိုးတော်ဘုရားရဲ့ ယုံကြည်ခံရသူ အတိုင်ပင်ခံ လည်းဖြစ်ပါတယ်။
သာဓက တစ်ခုပြောရရင် အသက် ၂၀ အရွယ် ငယ်ငယ်ရွယ်ရွယ်နဲ့နေမျိုးလေခ ပျံချီဘွဲ့ကိုရထားတာကြောင့် မှုးမတ်တို့က မကျေနပ်ကြ၊ ဒါနဲ့ပဲ ပညာစမ်းပါတော့တယ်။ မှုးမတ်တစ်ယောက်က သူအမြဲကိုင်လေ့ရှိတဲ့ ကွမ်းအစ်ကိုကိုင်ရင်းဒီကွမ်းအစ်
ရဲ့အလေးချိန်ကို မကိုင်မဆပဲပြောပါ ဟုမေးပါမယ်။ ဒါနဲ့ မောင်နိုးဟာ အနီးအနားမှာ ထူးခြားတာ တစ်ခုခုရှိမလားရှာကြည့်
တော့ မတွေ့၊ နောက်ဆုံး မဏ္ဍပ်အမိုးကိုမော့ကြည့်တော့ မိုးထားသောကပ်အားလုံးလိုလိုဟာ အသစ်ဖြစ်ပေမယ့် တစ်ခုက ကျိုးနေတာကို တွေ့ရတာကြောင့် ကျေနပ်သွား
ပြီး ကွမ်းအစ်အလေးချိန်ကို ကိုးကျပ်သား လို့ ဖြေရာ မှန်ကန်ကြောင်း
တွေ့ရပါတယ်။ (ကပ်ကျိုး=ကိုးကျပ်)

မောင်နိုး ဒီလိုကောက်ယူရတာ အကြောင်းရှိပါတယ်။ ရှေးက နာမည်ကျော် ဆရာတော်နှစ်ယောက်ဖြစ်တဲ့ ရှင်မဟာရဌသာရ နဲ့ ရှင်မဟာ သီလ၀ံသ တို့ ဆုံပြီး ဥာဏ်စမ်းကြရာ ရှင်မဟာသီလ၀ံသက ရှင်မဟာရဌသာရ ကို "ကိုယ်တော် ငါ့ကို တစ်ပင် နှစ်ပင် ပေးပါ " လို့မိန့်ပါတယ်။ ရှင်မဟာရဌသာရကလည်း တစ်ပင် နှစ်ပင် ဆိုတဲ့ အတွက် သုံးပင် စကားလိမ်ဖြစ်မည် ဆိုကာ သင်ပုန်းကိုပေးလိုက်ပါတယ်။ ( သုံးပင်=သင်ပုန်း)

နောက် ရှင်မဟာရဌသာရက တစ်ဖန် "ငါ့ကိုလည်း တစ်ကျိပ်အောက်ပေးပါ " လို့မိန့်တယ်။ ဒါနဲ့ ရှင်မဟာသီလ၀ံသက စဉ်းစားပြီးကောက်ရိုးကို ပေးလိုက်ပါတယ်။ (တစ်ကျောက်အိတ် ဆိုတော့ တစ်ကျိပ်အောက်၊ တစ်ကျိပ်မှာ၁၀ ယောက်၊ 
အောက်ဆိုတော့ ကိုးယောက်၊ ကိုးယောက်=ကောက်ရိုး)။ နှစ်ပါးစလုံး အဖြေကွက်တိမှန်နေပါတယ်။ ဒီသာဓကကို ယူပြီး
မောင်နိုးက ဟောလိုက်ခြင်းပါ။ မောင်နိုးဟာ ပြဿနာပေါင်းစုံ၊ တိုင်းရေး ပြည်ရေးတွေ၊ နောက်ဆုံးသူသေမယ့်အချိန်ကိုတောင်
မှန်အောင် ဟောနိုင်ခဲ့သူ တစ်ဦးပါ။ ( စိတ်ဝင်စားလျှင် အယူတော်မင်္ဂလာလျှောက်ထုံး ဆိုတဲ့စာအုပ်မှာ ဖတ်နိုင်ပါတယ်)။

နောက် အင်္ဂလိပ်တွေဆုတ်ခွာခါနီး အချိန်က အရူးမတစ်ယောက်ဟာ သဲပုံစေတီ တစ်ဆူတည်ပါတယ်။ ဒါနဲ့ "အရူးမဘုရား
တည်၊ တန်ခူးလ ကုလားကွယ်" ဆိုတဲ့တဘောင်ပေါ်ပါတယ်။ တဘောင်အတိုင်း အင်္ဂလိပ်တွေဟာ တန်ခူးလမှာ ကုလား
ပြည်လို့ခေါ်တဲ့ အိန္ဒိယကို ဆုတ်ပြးရပါတော့တယ်။

ဖဆပလ ခေတ် တည်မြဲပါတီ နဲ့ သန့်ရှင်းပါတီ တို့ အပြိုင်မဲဆွယ်ကြစဉ်မှာ အားလုံးသိကြတဲ့ ဘ၀သံသရာ ဆိုတဲ့ ဆရာကြီး
ဦးသုခရဲ့ သီချင်းဟာ လူတိုင်းပါးစပ်ဖြားမှာ ရေပန်းစားနေပါတယ်။ ဒီသီချင်းထဲမှာပါတဲ့ " ဘယ်ဟာ မတည်မြဲ " ဆိုတဲ့အတိုင်း
တည်မြဲပါတီ ဟာ သန့်ရှင်းပါတီကို မဲအပြတ်အသတ်နဲ့ ရှုံးနိမ့်ခဲ့ရပါတယ်။တခါတလေကျတော့လည်း တဘောင်ကို လူအများ
ယုံကြည်တာကို အခွင့်ယူပြီး နိုင်ငံရေးသမားအချို့ရဲ့ တဘောင်အတုတွေလည်းပေါ်တတ်ပါသေးတယ်။

အတိတ်၊ နိမိတ်၊ အိပ်မက်တွေကို မယုံကြည်ရ လို့မပြောလိုပေမယ့် အလွန်အမင်းတော့ မယုံကြည်သင့်ပါလို့ ပြောရင်း အတိတ်၊ နိမိတ်၊ တဘောင်တွေအကြောင်းကို ဗဟုသုတအဖြစ် ရေးသားလိုက်ပါတယ်။

Ref:
အယူတော်မင်္ဂလာလျှောက်ထုံး- ဆရာအောင်မြင့်ဦး
မြန်မာ့စကား - ဦးအေးချို ( မဟာဝိဇ္ဇာ)
ဇမ္ဗူဒီပါ လက်ယာတောင်ကျွန်း နိမိတ်ထွန်း၏ - ဒေါက်တာတင်ဗိုလ်ဗိုလ် https://www.facebook.com/ayesaycommm/photos/a.414172545421523.1073741826.38255

Credit : http://satekuupuyar.blogspot.co.uk/2015/09/blog-post_34.html?m=0