သို့/
အရမ်းမုန်းရပါသော ချစ်သူ
မင်းအနေနဲ့ တစ်စုံတစ်ယောက်ကို တစ်ချိန်တည်းမှာ ချစ်လည်းချစ် မုန်းလည်းမုန်းရတဲ့ ခံစားချက်ကို မခံစားဖူးရင် အချစ်စစ်ကို မတွေ့ဖူးသေးပါဘူး။
ဟုတ်တယ်။ ချစ်တယ်လို့ ဆိုရာမှာ ခံစားချက်တွေထက် အများကြီးပိုတာတွေ ရှိသေးတယ်။ အချစ်ကြောင့် ဖြစ်တည်လာတဲ့ ခံစားချက်တွေကြောင့် စွဲလမ်းမှုတွေ ဖြစ်လာခဲ့ရတာ။ လူတွေနဲ့ ပတ်သက်ပြီး ငါတို့ရဲ့ခံစားမှုတွေကြောင့် ငါ ဆိုတဲ့အတ္တတွေဖြစ်လာခဲ့တာ။
ဒီကိစ္စက ကမ္ဘာမှာ အကြိမ်ပေါင်းမရေမတွက်နိုင်အောင် ဖြစ်ပျက်နေခဲ့တာပဲ။ ဒါပေမယ့် အကြောင်းအရာတွေတော့ နည်းနည်းကွဲလိမ့်မယ်။ တစ်ခါတစ်လေမှာ ဒီစိတ်ခံစားချက်တွေက ဆက်ဆံရေးအစပိုင်းမှာကတည်းက ပဋိပက္ခဖြစ်လာတတ်တယ်။ တစ်ခါတစ်လေကျတော့ အချိန်ကြာကြာ လက်တွဲလာပြီးမှ နာကျည်းမှုတွေအဖြစ် ခံစားရတတ်တယ်။
မင်း ငါ့ကို စကားမပြောတဲ့အခါ ငါ အရမ်းမုန်းတယ်။ ဘယ်လိုအခြေအနေမျိုးမှာပဲဖြစ်ဖြစ် တစ်ယောက်ယောက်ကို တစ်ချိန်တည်းမှာ အရမ်းလည်းချစ်၊ အရမ်းလည်းမုန်းရတယ်ဆိုရင် မင်း လဲသေလိုက်ဖို့ပဲ ကောင်းနေပြီ။ ငါ အခု မင်းနဲ့ပတ်သက်ပြီး ခံစားနေရတာကလည်း ဒီလိုပဲ။
မင်း ငါ့အပေါ်မှာ အေးစက်နေနိုင်ပေမယ့် မင်းကို ငါစွဲလမ်းနေတာကို အရမ်းမုန်းတယ်။
မင်း အေးတိအေးစက် ဆက်ဆံတာကို မုန်းမိပေမယ့် ငါ့အပေါ်ကို နွေးထွေးတဲ့အခိုက်အတန့်လေးတွေ၊ မင်းစိတ်ထဲက အရှိအတိုင်းဆက်ဆံတဲ့အချိန်လေးတွေတိုင်းမှာ ငါ့ဘ၀မှာ အပျော်ဆုံးဆိုတဲ့အချိန်တွေထက် ပိုပျော်ရွှင်ရတယ်။ တကယ်ပါ မင်းရဲ့အပြုံးတွေကြောင့် ငါ သက်ဝင်လှုပ်ရှားခဲ့ရသူပါ။
မင်း ငါ့ကို စကားမပြောရင်လည်း ငါ မုန်းတယ်။ မင်း ပြောတော့ပြောပါတယ်။ ဒါပေမယ့် အပေါ်ယံသက်သက်ပဲလေ။ ငါတစ်ယောက်တည်း မင်းကိုယ်တိုင်မဟုတ်တဲ့ မင်းရဲ့အရိပ်နဲ့စကားပြောနေသလို ခံစားရတယ်။ ငါက မင်းနဲ့ပတ်သက်ပြီး အလေးနက်ဆုံးသိရှိနားလည်ချင်တာပါ။ မင်း ငါ့ကို နားလည်ခွင့်မပေးတဲ့အတွက် ငါ မုန်းတယ်။ ဘာကြောင့်လဲဆိုတော့ ငါ သိထားတယ်လေ။ ရင်ဘတ်ရဲ့ အနက်ရှိုင်းဆုံးတနေရာမှာ အချစ်ရှိတယ်၊ ကြီးမားသိမ်မွေ့တဲ့ နှလုံးသားတစ်ခုနဲ့ အရမ်းလှပတဲ့ အသက်ဝိဉာဉ်တစ်ခုရှိတယ်ဆိုတာ ငါ သိထားတယ်။
မင်းအတွက် ကိုယ်ပိုင်နေရာလိုအပ်တယ်ဆိုတာကို ငါ သိပါတယ်။ လူတိုင်းလည်း လိုတာပဲလေ။ ဒါပေမယ့် ငါတို့ နှစ်ယောက်လက်တွေ ရေရှည်ခိုင်မြဲနေဖို့အတွက် တစ်ခုတည်းသောနည်းလမ်းက ငါတို့နှစ်ဦး တကယ်အတူရှိနေဖို့ပဲ မဟုတ်ဘူးလား။
ငါတို့နှစ်ယောက်ကို တစ်သားတည်းဖြစ်သွားချင်တာ ငါ့ရဲ့ ဆန္ဒပါ။ တွဲဖက်တစ်ခု၊ ယူနစ်တစ်ခုနဲ့ အချစ်တစ်ခုကို လိုချင်ခဲ့တာပါ။ ဒီအချက်က မင်းအတွက် စိတ်ရှုပ်စရာဖြစ်သွားလား၊ မင်းအဆင်သင့်မဖြစ်သေးတာလားဆိုတာကိုတော့
ငါသေချာမသိဘူး။ ဒါပေမယ့် ငါ့ ဆန္ဒကို မင်းသိစေချင်ပါတယ်။
ငါတို့နှစ်ယောက် တစ်နေ့မှာ ဖြစ်ချင်တာတွေဖြစ်ရမယ်ဆိုတာ ငါ့စိတ်ထဲမှာ သံသယလုံးဝမရှိခဲ့ဘူး။ ဒီလိုနေ့မျိုးလည်း မကြာခင်မှာရောက်လာမယ်လို့ ငါ ဆုတောင်းခဲ့ဖူးတယ်။ မင်းကို ပွင့်လင်းစေချင်သလောက် မင်း ငါ့ကို မယုံကြည်နိုင်တာကိုလည်း ငါ မုန်းတယ်။ ငါ က ယုံကြည်ထိုက်သူတစ်ယောက်ပါ။ ဒါပေမယ့် မင်ကတော့ ယုံကြည်ပုံမရပါဘူး။
ဒါပေမယ့် မင်းကို အပြစ်မတင်ရက်ပါဘူး။ လွဲမှားတဲ့ဆက်ဆံရေးတွေ၊ နာကျဉ်ကြေကွဲရမှုတွေနဲ့ မိတ်ဆွေသူငယ်ချင်းတွေရဲ့ လစ်လျူရှုခံရတာတွေကို ကြုံတွေ့ခဲ့ရတဲ့ မင်းအတွက် ခက်ခဲမယ်ဆိုတာ ငါ သိပါတယ်။ ဒါပေမယ့် ငါ ရွေးချယ်ခဲ့တဲ့လမ်းက မင်းကို ချစ်နေဖို့ပဲလေ။ ဒီတော့ မင်းကို ငါ ဘယ်တော့မှ ထားရစ်ခဲ့မှာ မဟုတ်ပါဘူး။
ငါ့ အပေါ်ကို မင်း ဂရုမစိုက်တတ်တာကို ငါ မုန်းတယ်။ ဒါပေမယ့် တစ်နေ့နေ့မှာ ငါ ဖြစ်စေချင်သလို မင်း ဂရုစိုက်ပေးမယ်လို့ ယုံကြည်တယ်။ မင်းကို ငါ ကြည့်နေတဲ့အချိန်တိုင်းမှာ ငါ့အပေါ်ဂရုမစိုက်မှုက ပေါ်လွင်နေတဲ့အတွက် အရမ်းနာကျဉ်ရတယ်။ ဘယ်တုန်းကမှ မခံစားခဲ့ရဖူးတဲ့ နာကျဉ်မှုမျိုးပေါ့။ မင်း ငါ့ကို မချစ်နိုင်ဘူးဆိုတာ ငါ နားလည်ပါတယ်။
ဒါပေမယ့် တစ်နေ့မှာ မင်းချစ်လာနိုင်မှာပါ။ လောကအစဉ်အလာအတိုင်းပေါ့။ ချစ်ခြင်းမေတ္တာရှိသူဟာ အဆုံးသတ်မှာ အောင်နိုင်ရလိမ့်မယ်။ ဒီလိုပဲ။ မင်းလည်း နောက်ဆုံးတစ်နေ့မှာ ငါ့ကို ချစ်လာမှာပါ။ ငါ မင်းကို တခြားဘယ်သူနဲ့မှမတူပဲ ချစ်မိခဲ့တာပါ။ ဒီလောက်အထိ ချစ်မိတာကိုလည်း ငါ မုန်းမိပါတယ်။
မင်းကို ချစ်မိတဲ့အတွက် ငါ့ နှလုံးသား ကြေကွဲခံစားခဲ့ရတယ်။ ငါ အများကြီး မချစ်မိခဲ့ဘူးဆိုရင် ငါ အများကြီး ခံစားရမှာ မဟုတ်ဘူး။ ငါ မင်းကို စွန့်လွှတ်လိုက်သင့်တယ်ဆိုတာကို ငါ သိပါတယ်။ ဒါပေမယ့် ဘယ်လိုစွန့်လွှတ်လိုက်ရမလဲဆိုတာ ငါ မသိဘူး။
မင်းကို ချစ်မိတဲ့အတွက် ငါ့ကိုယ်ငါ အရမ်းမုန်းတယ်။ ဒါပေမယ့်ကွာ။ ဘယ်သူကများ ကိုယ့်ရဲ့တစိတ်တပိုင်းကို စွန့်လွှတ်ချင်ပါ့မလဲ။ ဘယ်လိုနည်းလမ်းနဲ့ မေ့ပစ်ရမလဲဆိုတာ မင်း ပြောကြည့်ပါ။ ငါ ကြိုးစားကြည့်မယ်။ ငါကကျတော့ မင်းရဲ့ တစ်စိတ်တစ်ပိုင်း ဘာကြောင့် ဖြစ်ခွင့်မရတာလဲ။ မင်းကို ဘာကြောင့် ချစ်ခွင့်မရှိရတာလဲ။ မင်းကို ငါ ချစ်ခွင့်မရှိဘူးဆိုရင် အနည်းဆုံးတော့ မင်းကို ငါ လုံးဝမုန်းပစ်လိုက်ဖို့ ခွင့်ပြုပါ။ တချိန်တည်းမှာ မင်းကို ချစ်တဲ့စိတ်၊ မုန်းတဲ့စိတ်နှစ်ခုစလုံးနဲ့ ရှေ့ဆက်ဖို့မဖြစ်နိုင်လို့ပါ။
ဒါပေမယ့် တစ်နေ့နေ့မှာတော့ အားလုံးရှင်းလင်းသွားလိမ့်မယ်လို့ ငါ မျှော်လင့်ပါတယ်။ မင်း ငါကို ချစ်လာတဲ့ တစ်နေ့ ဒါမှမဟုတ် မင်း မရှိပဲ ငါ ရှင်သန်နိုင်သွားတဲ့ တစ်နေ့မှာပေါ့။ လွယ်တော့မလွယ်ပါဘူး။ မင်းကို အပြီးအပြတ်စွန့်လွှတ်လိုက်နိုင်ပါ့မလားဆိုတာတောင် မသေချာပါဘူး။ ဒါပေမယ့် ငါ ကြိုးစားရမှာပဲလေ။
မင်း မရှိတာနဲ့ ငါ့ ဘ၀က အဆုံးသတ်သွားတာမျိုး အဖြစ်မခံနိုင်ပါဘူး။ ဘာကြောင့်ဆိုရင် ငါ ရှင်သန်ရမယ့် ဘ၀တစ်ခုက ငါ့ကိုစောင့်ကြိုနေတယ်လေ။ ဒီဘ၀ကလည်း တစ်နည်းတစ်ဖုံနဲ့ လှပနေမှာပါ။ ဒီလို လှပတဲ့ဘ၀ကို မင်းနဲ့အတူဖြတ်သန်းရရင်တော့ အကောင်းဆုံးပါပဲ။
No comments:
Post a Comment