မြန်မာစာ ဖတ်ကြရာမှာ ပုဒ်ဖြတ်၊ ပုဒ်ရပ်တွေ မှားခဲ့ရင် မူရင်း အဓိပ္ပါယ်တွေ ပျောက်ဆုံး ပြောင်းလည်းသွားနိုင်ကြပါတယ်။ သာဓက အားဖြင့် .....
ကျွန်တော်တို့ ငယ်ငယ်က ဒသမတန်း မြန်မာဖတ်စာမှာ သင်ခဲ့ရတဲ့ သင်ခန်းစာလေးထဲမှာပေါ့
အိမ်တစ်အိမ်မှာ “ မသာ ရထား ငှားရန်ရှိ်သည် ” လို့ ရေးထားတာကို လမ်းသွားသူ တစ်ယောက်က
ပုဒ်ဖြတ်၊ပုဒ်ရပ် မှားယွင်းစွာနဲ့ “ မသာရ ဓါးငှားရန် ရှိသည် ” လို့ ဖတ်လိုက်သတဲ့။
တစ်ခါ ဆေးဆရာကြီး တစ်ဦးက ဆေးနည်းတစ်ခုကို မှတ်သားထားတဲ့ စာပိုဒ် တစ်ပိုဒ်ကို တပည့်
ဖြစ်သူက ပုဒ်ဖြတ်၊ ပုဒ်ရပ် မှားယွင်းတော့ သီချင်းစပ်ရေးထားတာ ထင်ပြီး .......
“ လေညှင်းထန် မြစ်ယံက တိုး
ရှိန်ခိုး တောင်ကြာဦး........
ကြူး ........ ဆင်ချည့် မိုး ........... ”
လို့ အသံနေအသံထားနဲ့ ရွတ်ဖတ်လိုက်သတဲ့။ ဒါကို ကြားတဲ့ ဆေးဆရာကြီးက ဒါ သီချင်း မဟုတ်ဘူး
ငါ့တပည့်ရဲ့ ဆရာ ဆေးဖေါ်မယ့် ဆေးနည်းပါ အဓိပ္ပါယ်က ဆေးနည်းထဲမှာ သုံးရမယ့် ပစ္စည်းတွေ
ရေးထားတာအဲဒါတွေကတော့ “ လေးညှင်း၊ ထန်းမြစ်၊ ယမ်း၊ ကတိုး၊ ရှိန်းခို၊ တောင်ကြာဥ၊ ဆင်ချေးမှို ”
တို့ ဖြစ်တယ်လို့ရှင်းပြလိုက်ရသတဲ့။
အဲဒီလိုပဲ အခု သူငယ်ချင်းတို့အတွက် ပုဒ်ဖြတ်၊ ပုဒ်ရပ် မှန်ကန်ဖို့ အောက်ပါ စာကြောင်းလေးကို
ပုဒ်ဖြတ်၊ ပုဒ်ရပ် မှန်ကန်စွာနဲ့ ဖတ်ပေးရမှာပါ။ စာကြောင်းလေးကတော့ လင်မယားနှစ်ယောက် စကားပြော
နေတာလေးကို စဉ်းစားပြီး ဖြေပေးရမှာပါ
“မယ်တော်တော်တောင်းကောတောင်းတောင်းတောင်းတောင်တောထဲတွေ့တယ်” တဲ့
ကဲ ဒီစာကြောင်းလေးကို ပုဒ်ဖြတ်၊ ပုဒ်ရပ် မှန်ကန်စွာနဲ့ ကြိုးစားပြီး ဖတ်ကြည့်ကြပါဦး။
အဖြေကို အောက်က အပြည့်အစုံဖတ်ရန်မှာ နှိပ်ပြီး တိုက်ကြည့်နိုင်ကြပါတယ်။
အဖြေကတော့
ယောက်ျား။ ။ မယ်တော်
မိန်းမ။ ။ တော်...... (ပြန်ထူးသံ)
ယောက်ျား။ ။ တောင်းကော
မိန်းမ။ ။ တောင်း.. တောင်း...... တောင်းတောထဲတွေ့တယ် (စဉ်းစားဟန် ပြုလျှက်)
သူငယ်ချင်းတို့ ပျော်ရွှင်ကြပါစေနော်။
credit to ဥာဏ်စမ်းကမ္ဘာ
No comments:
Post a Comment