"ပေါက်စီ လုပ်နည်း (၁) နှင့် (၂) "

ကိုညှပ်စိက ပေါက်စီလုပ်နည်းလေးသိချင်တယ်လို့ မေးထားတဲ့အတွက် ပေါက်စီလုပ်နည်း
လေးကိုတခြားဆိုဒ်တွေကတဆင့်ကူးယူတင်ပြပေးထားတာဖြစ်ပါတယ်....ပဲပေါက်စီအချို
အကြောင်းမပါဘဲဖြစ်သွားတဲ့အတွက် ပဲယိုထိုးပုံထိုးနည်းလေးကိုမှတ်ထားပါ။  ပဲပေါက်စီအချို 
အတွက်စွန်တာနီကို အသုံးပြုရပါလိမ့်မယ်။
စွန်တာနီပဲကို မနူးတနူးဖြစ်လာရင် အချိုသကာထည့်ပြုတ်ပြီးသေချာချေပေးရပါလိမ့်မယ်။ ရေခမ်း
ပြီး လုံးဝ ပျော့ပျောင်းကာ ညှက်လာရင် ရပါပြီ..ဆားအနည်းငယ်မျှလည်း ထည့်နိုင်ပါတယ်..လက်မလွန်မိစေဘို့အရေးကြီးပါတယ်...အငန်ဓါတ်လွန်မှာစိုးမိလို့ပါ.. ပဲယိုကိုတော့ ဒိုးထဲမှာ ထည့်သွင်းဌာပနာပြီးပေါင်းရမှာဖြစ်ပါတယ်...ပေါက်စီများများလုပ်ပြီးရင် ဖိတ်ခေါ်ဖို့ လည်းမမေ့ပါနှင့်ဦးလို့ ..
Sultani Bean စွန်တာနီပဲဆိုသည်မှာ “Velvet Beans”  ဟုလူသိများပြီး ပြည်တွင်း၌မှု ပဲကတ္တီပါဟူ၍ သိကြပါသည်။ မြန်မာနိုင်ငံတွင် စွန်တာနီကို ပြုတ်၍ စားသုံးလေ့ရှိပြီး အစာကြေလွယ်သော အစားအစာတစ်မျိုးဖြစ်ပါသည်။ ၎င်းကိုခြေ၍ ပဲအနှစ်ကို မုန့်ပြုလုပ်ရာတွင် ယို၊ ဂျယ်လီအဖြစ် အသုံးပြုကြပါသေးသည်။    ပဲပုံစံလေးက ဟော့သလိုလေးပါ...
 






ပေါက်စီပြုလုပ်နည်းများမှာ.....

"ပေါက်စီ လုပ်နည်း (၁) "
 ကြက်သားပေါက်စီ စားချင်သူတွေအတွက် မနက်စာကြက်သားပေါက်စီ အိအိလေးပါ။ ပေါက်စီဒိုးတွင် ပါဝင်သော ပစ္စည်းများ (CityMart ဆိုင် တွင် ၀ယ်ယူနိုင် ပါသည်) 

၁။ ပေါက်စီလုပ်သည့် ဂျုံ (Low –gluten flour) – ၂၄၀ ဂရမ် 
၂။ Double Action Baking Powder – လက်ဖက် ရည်ဇွန်း ၁ဇွန်း 
၃။ Instant Yeast – လက်ဖက် ရည်ဇွန်း ၁ဇွန်းခွဲ 
၎။ သကြား (Castor sugar) – စားပွဲတင်ဇွန်း ၂ဇွန်း 
၅။ Shortening – စားပွဲတ်ဇွန်း ၁ဇွန်း (မှတ်ချက်။ ။ Shortening ၀ယ်မရလျှင် ဟင်းရွက်ဆီကိုသုံးပါ) 
၆။ ရေ – ရေတစ်ခွက် 

အစာသွပ်တွင် ပါဝင်သောပစ္စည်းများ –
ကြက်သား ၃၀ကျပ်သား (နှုတ်နှုတ်ဆင်းပါ) 
၂။ ကြက်သွန်နီ – ၂ဥ (နှုတ်နှုတ်ဆင်းပါ) 
၃။ ကြက်သွန်မြိတ် – စားပွဲတင် ဇွန်း ၂ဇွန်း (နှုတ်နှုတ်ဆင်းပါ) 
၎။ ဆား – လက်ဖက်ရည်ဇွန်း ၁ဇွန်း 
၅။ ကြက်သားမှုန့် – လက်ဖက် ရည်ဇွန်း ၁ဇွန်း 
၆။ ငရုတ်ကောင်းမှုန့် – လက်ဖက် ရည်ဇွန်း တ၀က် 
၇။ နှမ်းဆီ – လက်ဖက် ရည်ဇွန်း ၁ဇွန်း 
၈။ ကော်မှုန့် – စားပွဲတင် ဇွန်း ၂ဇွန်း 
၉။ Abalone ဆော့ – စားပွဲတင်ဇွန်း ၁ဇွန်း (ထည့်ချင် က ထည့်နိုင်ပါသည်) 

အစာသွပ် ချက်ပြုတ်နည်း 
၁။ အစာသွပ် ရန် ပါဝင်သောပစ္စည်းများ ကြက်သား၊ ကြက်သွန်နီ၊ ကြက်သွန်မြိတ်၊ ဆား၊ ကြက်သားမှုန့်၊ ငရုတ်ကောင်းမှုန့်၊ နှမ်းဆီ၊ Abalone ဆော့) အားလုံးကို ခွက်တစ်ခုထဲ ထည့်၍ သမ အောင် ရောနုယ်လိုက်ပါ။ ၂။ ပြီးလျှင် ဒယ်ထဲ ဆီ အနည်းငယ်ထည့်ပြီး ဆီပူလာလျှင် ရောနုယ်ထားသော အစာပလာများကို ဆီပူထိုးပေးပါ။ ၃။ ကြက်သားနူးအိရန် ရေတစ်ခွက်ခန့် ထည့်ပေးပါ။ 
၎။ ရေမခန်းခင် ကော်မှုန့် (စားပွဲတင် ဇွန်း ၂ဇွန်း)ကို ရေဖြင့်ဖျော်ပြီး ထည့်ပေးပါ။ 
၅။ ပြီးလျှင် ပန်းကန်တစ်ခုထဲ အစာပလာများကို ထည့်ထားပေးပါ။ 
၆။ ထို့နောက် အစာပလာများကို ပေါက်စီရလုံးစာ အလုံးလေးများလုပ်လိုက်ပါ။ 
၇။ အစာသွပ် ချက်ပြီးလျှင် ဒိုးစလုပ် ရပါမည်။ 

ဒိုးလုပ်နည်း 
၁။ ဒိုးလုပ်ရာတွင် ပါဝင်သော ပစ္စည်းအားလုံးကို ရောနုယ်လိုက်ပါ။ ဒိုးကို နာနာနုယ်ပေးပါ။ ဒိုးအ နေထားသည် ချောမွတ်သော အ နေထားရောက်အောင် နုယ်ပေးပါ။ 
၂။ ပြီးလျှင် ဒိုးကို ထလိမ့်တုံးဖြင့် ၃လက်မခွဲ အရွယ်အ၀ိုင်းဖြစ်အောင် လိမ့်ပေးပါ။ 
၃။ ထို့နောက် အစာသွပ်၇မည့် အသားများကို အလုံးလုံး၍ ဒိုးပြားထဲထည့် ပေါက်စီပုံဖော်ပေးပါ။ ၄။ ပေါက်စီပုံဖော်နည်း အပြည့်အစုံကို ကြက်သားကင်ပေါက်စီ မှာ ကြည့်ပါ။ ၀တ် ရည် တစ်ယောက်ထဲ ပေါက်စီလုပ် ရ တော့ သေချာ အဆင့်ဆင့် ဓာတ်ပုံမရိုက်လိုက်နိုင်လို့ပါ။ ၄။ ပေါက်စီအောက်ပိုင်းကို ဆီအနည်းငယ်သုတ်ပြီး ပန်းကန်ပြားတစ်ခုထဲ ထည့်ထားပေးပါ။ 
၅။ ထိုနည်းအတိုင်း ကျန်ပေါက်စီ ၆လုံးကို ဆက်လုပ်ပါ။ 
၆။ ပေါက်စီ အရွယ် ၂ဆကြီးလာသည်အထိ ထားထားပေးပါ။ 
၇။ ပေါက်စီ ၂ဆကြီးလာလျှင် အပူခံ ပန်းကန်ပြားထဲထည့် ပေါင်းအိုးထဲ၁၀မိနစ်ခန့်ထည့်ပေါင်း
ပေးပါ။ 
၈။ ကြက်သား ပေါက်စီ အိအိလေးကို စားသုံးနိုင် ပါပြီး။ 

Credit to http://www.wutyeefoodhouse.com/ 
Credit to https://www.facebook.com/permalink.php?id=694288963957870&story_fbid=768744289845670


"ပေါက်စီ လုပ်နည်း (၂) "
 

ဦးကျောက်ခဲ ရန်ကုန်ကို အလုပ်ကိစ္စပဲပြန်ပြန် အလည်အပတ်ပဲပြန်ပြန် ၊ ပြန်လာမယ် သတင်းကြားရင် အပျော်ဆုံးက ဦးကျောက်ခဲရဲ့ တူမ ၂ယောက်ပါ ။ “သမီးတို့ ဘာမှာမလဲ” မေးလိုက်ရင် ဖုန်းဖိုးသာ စီးပွါးပျက်အောင် ကုန်သွားမယ် သူတို့မှာနေတာက မပြီးသေးပါဘူး ။ မိန်းခလေးတွေမို့ အဝတ်အစားနဲ့ အလှကုန်မှာလိမ့်မယ်ထင်ရင် မှားကြပါလိမ့်မယ် ။ သူတို့အမေ ကျောက်စ်နှမက သူ့သမီးတွေကို အရွယ်မတိုင်ခင် အဝတ်အစားနဲ့ အလှမက်မှာစိုးလို့တဲ့ဗျာ… ဘာမှမဆင်လေတော့ သူတို့မှာ ဘာမှာရမှန်းမသိ မုန့်မျိုးစုံသာ တွင်တွင် မှာကြတာပါ ။ ခလေးတွေကို မုန့်ရောဝယ်မကျွေးဘူးလားလို့ မေးရင် ၊ “ဟင့်အင်း…”လို့ ရှက်ရှက်နဲ့ ဝန်ခံရမှာပါပဲ…။ သူတို့အမေက ထမင်းဟင်းသာ စားသောက်ဆိုင်မှာ တစ်လတစ်ခါလောက်ဝယ်ကျွေးတာ ၊ သွားရည်စာကြတော့ ဝယ်ကျွေးခဲတယ်ခင်ဗျ ။

အဲသည်တော့ဗျာ… ဦးကျောက်ပြန်ရောက်မှ တူမတွေကို လက်ဆွဲပြီး တစ်ဆိုင်ဝင် တစ်ဆိုင်ထွက် လိုက်ကျွေးတော့… သူတို့လည်း ပျော်ရှာတာပေါ့ ။ ဒါပေမည့် ဦးကျောက် နှမကတော့ လမ်းဘေးစာတွေ ဝယ်ကျွေးတာ သိပ်မကြည်ပါဘူး ။ အကုန်အကျလည်းများတယ် သန့်မှန်းမသိ မသန့်မှန်းမသိနဲ့… တဲ့ ။ ဒီကြားထဲ သိုးသိုးသန့်သန့်ကြားမိတာက ရန်ကုန်မှာပေါက်စီတွေကို ကြွက်သားနဲ့ လုပ်ထားသတဲ့ဆိုတော့ သူ့ခမျာ သွေးပျက်တာပေါ့ ။ အဲသည်တော့ “ညည်းအေ… ဒီလောက်စိတ်ပူနေရင်လည်း ခလေးတွေစားချင်တာ ကိုယ်တိုင် လုပ်ကျွေးလေ” လို့ ဆိုလိုက်တော့ မျက်နှာပျက်ရှာပါတယ် ။ ဟုတ်ကဲ့… ဦးကျောက်တို့ မွေးချင်း ၄ယောက်ထဲမှာ သူပဲ အချက်အပြုတ် ပါရမီမပါရှာတာလား ကျန်တဲ့သူတွေကပဲ ဂျီးများတာလားမသိ ၊ သူ ဟင်းချက်ရင် ဒီနေ့တော့ “ဂွမ်း” လေပြီလို့ မှတ်ယူကြတဲ့ သူတွေချည်းပါပဲ ။

စကားစပ်မိလို့ ပြောရရင် ဦးကျောက်ခဲနဲ့ အဲသည့်ပေါက်စီ… ဇာတ်လမ်းရှိတယ်ခင်ဗျ ။ ဒီလိုပါဗျာ… ဦးကျောက်ခဲရဲ့ ဘဝတကွေ့ အာရပ်နိုင်ငံတွေမှာ အလုပ်တာဝန်နဲ့ နေဖူးတယ်ခင်ဗျ ။ အဲသည့်ရောက်မှ ချင်ချင်းတတ်လိုက်ပုံက ကစွန်းရွက်တို့ ဝက်သားပေါက်စီတို့ကို အိမ်မက် မက်ယူရလောက်အောင် စားချင်တာပဲဗျို့ ။ ရသတဏှာအားကကြီးလေတော့ မတတ်နိုင်တဲ့အဆုံး ထိုင်းစတိုးဆိုင်တွေမှာ အော်ဒါပေးပြီး တိုးတိုးတိတ်တိတ် ခိုးကြိတ်ရတဲ့ အဖြစ်ကို ရောက်ပါလေရော ။ ဒါပေမယ့် ပေါက်စီဈေးက လေယာဉ်ပျံနဲ့လာသလို ခေါင်ခိုက်နေတာပဲ ။ နောက်ဆုံးတော့ စားကလည်းစားချင် ၊ အကုန်အကျကလည်းသက်သာချင်ဆိုတော့ ၊ ကိုယ်တိုင်လုပ်စားတော့တာပဲဗျို့ ။

တကယ်တော့ ပေါက်စီလုပ်နည်းက မခက်လှပါဘူး ၊ လုပ်တတ်ရင် ကောင်းကောင်းလည်းစားရ ၊ ငွေကုန်ကြေးကျလည်းသက်သာ ၊ သန့်လည်းသန့်ရှင်းတာမို့ ဦးကျောက်နှမကို ပေါက်စီလုပ်နည်း သင်ပေးပြီး တူမတွေကို မကြာမကြာ လုပ်ကျွေးခိုင်းတာပေါ့ဗျာ ။ အခုလည်း… ဂဇက်မြို့သူမြို့သားတွေကို အပျင်းပြေပဲဖြစ်ဖြစ် အဆာပြေပဲဖြစ်ဖြစ် လုပ်စားကြည့်ဖို့ နည်းလေးပေးပါရစေခင်ဗျာ…။

ပေါက်စီ ဌာပနာကို မိမိနှစ်သက်ရာ အသား အသီးအရွက်နဲ့လုပ်လို့ရပါတယ် ။ နောက်ဆုံး ဌာပနာလုပ်ရမှာပျင်းရင် လက်ကျန် ကြက်ကြော်ပဲဖြစ်ဖြစ် ၊ အသားပြုတ်ပဲဖြစ်ဖြစ် ၊ပဲအချိုယို(သို့) ကြက်အူချောင်းပဲဖြစ်ဖြစ် ဒီအတိုင်းထည့်လို့ရပါတယ် ။

ပုံမှန် ဆိုင်မှာရောင်းသလို ထည့်တဲ့ အဆာသွတ် အတွက်
– ကြက်သား နုတ်နုတ်စဉ်း 
– 200 grams (၁၂ကျပ်ခွဲသား) 
– ကြက်သွန်နီ/ကြက်သွန်မြိတ် နုတ်နုတ်စဉ်း 
– 100 grams – ပဲငံပြာရည် အကြည် 
– အချိုဇွန်းနဲ့ ၁ဇွန်း 
– သကြား – အချိုဇွန်းနဲ့ ဇွန်းဝက် 
– ကြက်သားမှုန့် – အချိုဇွန်းနဲ့ ဇွန်းဝက် 
– ပြောင်းဖူးမှုန့် (ကော်မှုန့်) – အချိုဇွန်းနဲ့ ၁ဇွန်း 
– ရေကျက်အေး – စားပွဲတင် ၁ဇွန်း 
– နှမ်းဆီ – ၂စက်ခန့် 
– ဆား/ တရုတ် ငရုပ်ကောင်း – အနည်းငယ် အထက်တွင်ဖော်ပြထားသော ပါဝင်ပစ္စည်းအားလုံးကို သမအောင်ရောမွှေ၍ အဖုံးအုပ်ပြီး နာရီဝက်ခန့် နှပ်ထားပါ…။ ပေါက်စီ တစ်လုံးချင်းစီ၌ ထည့်ရန်… ကြက်ဥ / ဘဲဥပြုတ် – ၂ လုံး ကို လေးစိတ်စီ စိတ်ထားပါ ၊ ကြက်အူချောင်း ကို – ၈ တုံး စွေစောင်း လှီးထားပါ ။

ပေါက်စီလုပ်ဖို့ မုန့်သား (ဒိုး – Dough) နှပ်နည်းက တစ်ဦးနဲ့ တစ်ဦး နဲနဲတော့ကွဲပါတယ် ။ ကျောက်စ်ရဲ့ နည်းကတော့ ဒီလိုပါခင်ဗျာ…
၁။ All-purpose Flour – မုန့်လုပ်ရာမှာ သုံးတဲ့ ချင်ခွက်နဲ့ ၂ခွက် (250 grams)
၂။ မုန့်ဖုတ်တဲ့ ဆော်ဒါ – အချိုဇွန်းနဲ့ ဇွန်းတဝက်
၃။ တဆေး (Yeast) – အချိုဇွန်းနဲ့ ၁ဇွန်းခွဲ
၎။ သကြား အဖြူ – စားပွဲတင် ၂ဇွန်း
၅။ ဟင်းချက်ထောပတ်ဆီ (ဂီး – Ghee) သို့ ဟင်းရွက်ဆီ – စားပွဲတင် ၁ဇွန်း
၆။ ရေကျက်အေး – ချင်ခွက်နဲ့ ၁ခွက် မုန့်နယ်မည့် ဇလုံထဲကို ရေကျက်အေး (ခပ်နွေးနွေး) အနည်းငယ်ထည့်ပြီး သကြားကို ပျော်အောင် ဖျော်၍ ဆီဖြင့်ရောပါ ။ လက်ကျန် ရေကျက်အေးကို အခြားခွက်တလုံးတွင် တဆေးရောပြီး သမအောင် မွှေ၍ ၁၀မိနစ်ခန့်စောင့်ပါ ။ ၄င်းနောက် သကြားနှင့် ဆီရောထားသော ဇလုံအတွင်းသို့ All-purpose Flour နှင့် မုန့်ဖုတ်ဆော်ဒါထည့် ၊ တဆေးပျော်ရည်ထည့်၍ သမအောင် နာနာနယ်ပေးပါ ။ မုန့်သားနယ်ရာတွေ သမမျှတစေရင် မိမိနှစ်သက်သူကို ဇက်ကြောဆွဲပေးနေသည် သို့မဟုတ် ရန်သူတော်အား လည်ပင်းညှစ်နေသည်ဟု သဘောထားပါက အလွန် အလုပ်တွင်ပါသည် ။ မုန့်သား အစေး အပျစ်ပေါ်မူတည်၍ All-purpose Flour အနည်းငယ် သို့မဟုတ် ရေအနည်းငယ်ကို ချိန်ဆ၍ ထပ်ဖြည့်နိုင်ပါသည် ။ ၄င်းနောက် လက်သုတ်ပုဝါ သန့်သန့် သို့မဟုတ် အဝတ်သန့်သန့်ကို ရေနွေးဖြော ၊ ရေပြန်ညှစ်ပြီး မုန့်သားအပေါ်တွင် ခပ်ဖွဖွ အုပ်၍ စားပွဲပေါ် သို့မဟုတ် အဆင်ပြေသောနေရာတွင် ၁နာရီခွဲခန့် နှပ်ထားလိုက်ပါ ၊ မုန့်သားများ ၂ဆခန့် ပွတက်လာပါလိမ့်မည် ။

တရုတ်လို မန်ထိုလို့ ခေါ်တဲ့ မုန့်သားချည်းသက်သက်စားချင်တယ်ဆိုရင်တော့ နပ်သွားတဲ့ မုန့်သားကို ခပ်ရှည်ရှည် အမြောင်းလိုက်ကလေးဖြစ်အောင် လှိမ့်လိုက်ပြီး အရွယ်တော်တုံး ရေနွေးနဲ့ပေါင်းလိုက်ရုံတင်ပါ ။ ဒါမှမဟုတ် ကဏန်းဟင်းတို့ ပင်လယ်စာတို့နဲ့ တွဲဖက်စားဖို့ Fried Bun လုပ်မယ်ဆိုရင်တော့ နို့စိမ်း အချိုဇွန်း ၁ဇွန်းနဲ့ ထောပတ် အချိုဇွန်း ၁ဇွန်း ထပ်ဖြည့်ပြီး ရောနယ်လိုက်ပါ ။ ပြီးရင် မီးအနေတော် ဆီများများမှာ အရောင်ပြောင်းရုံလေး ခဏကြော်ပြီး ပြန်ဆယ် ၊ ရေနွေးနဲ့ ပြန်ပေါင်းလိုက်ရင် ကွက်တိပဲခင်ဗျ ။ အစာသွတ်ပေါက်စီ စားမယ်ဆိုရင်တော့ နပ်သွားသော မုန့်သားအား ၈ပိုင်း အညီအမျှခွဲပြီး ဒလိမ့်တုံးဖြင့် (မရှိရင် ပုလင်းနဲ့သမ) သာသာယာယာ အဝိုင်းပုံရအောင် (၄လက်မခန့်) လှိမ့်၍ အထက်မှာ ဖော်ပြပြခဲ့တဲ့အတိုင်း အဆာပလာများထည့်ပြီး ပေါက်စီနဲ့တူအောင်လုံးပါ ။ ၃လက်မပါတ်လည် စက္ကူဖြူ အရွက်ကလေးများအား “ဆြာကျောက်စ် ပေါက်စီ” ဟုရေး၍ မုန့်သားအောက်ခြေတွင်ကပ်ပါ ။ ၄င်းနောက် ဇကာပေါ်တွင် အနည်းငယ် ချဲ၍ နေရာချပါ ။ ပန်းပင်လေးများ ရေဖြန်းရာတွင်သုံးသော စပရေးဘူးဖြင့် ပေါက်စီ အလုံးများကို မျက်နှာပြင် ချောမွေ့ရန် ရေကျက်အေး ခပ်ဖွဖွ ဖြန်းပေးပြီး ပွက်ပွက်ဆူနေသော ရေနွေးအိုးပေါ်တင်၍ ၁၀မိနစ်ခန့်ပေါင်းလျှင် ရသာထူး “ဆြာကျောက်စ် ပေါက်စီ” ရပါပြီ ။ သတိပြုရန်မှာ … ပေါက်စီ ဇကာဗန်းတင်၍ မပေါင်းမီ ရေနွေးပွက်ပွက်ဆူအတွင်းသို့ သန့်စင်ထားသော မီးသွေးခဲ ၁ခဲ နှင့် ရှာလကာရည် ၂ဇွန်းထည့်ရန်ဖြစ်ပါသည် ။ သို့မှသာ ဖြူဖြူဖွေးဖွေး စားချင်စဖွယ် ပေါက်စီကို ရပါလိမ့်မည် ခင်ဗျား…။
 

Credit to http://mandalaygazette.com