" ရည်းစားထားချင်တဲ့ ကိုကိုတို့ရေ လူအများကြားမှာ သူစိမ်းမိန်းကလေးတစ်ယောက်ကို စကားစပြောနိုင်ဖို့ ဒီမှာ ကြည့်လိုက်ကြပါ "

 

သင်နဲ့လိုက်ဖက်တဲ့ မိန်းကလေးတစ်ယောက်ကို ရှာမတွေ့လို့ ခက်နေပါသလား။ ဒီလိုမိန်းကလေးတစ်ယောက်ကို တွေ့ရှိဆုံစည်းနိုင်ဖို့ ကြိုတင်မစီစဉ်ထားပဲ မိန်းကလေးတစ်ယောကို စကားစပြောတတ်ဖို့က ပထမအဆင့်ဖြစ်ပါတယ်။ အစပိုင်းမှာတော့ လူကြားသူကြားမှာ မိန်းကလေးတစ်ယောကို စကားသွားပြောဖို့ဆိုတာ တကယ်ကို တုန်လှုပ်ခြောက်ခြားစရာပါပဲ။ ဟုတ်ပါတယ်။ မိတ်ဆက်ပေးသူမရှိပဲ သူစိမ်းမိန်းကလေးတစ်ယောက်ကို ချဉ်းကပ်ရတာဟာ ယောင်္ကျားလေးအများစုအတွက် ခြောက်ခြားစရာ ကိစ္စတစ်ခုဖြစ်ပါတယ်။ ဒါပေမယ့် ဒီကိစ္စကို ကျွမ်းကျင်ပိုင်နိုင်သွားပြီဆိုရင်လည်း သင့်ရဲ့အချစ်ရေးက သာယာသွားမှာ သေချာပါတယ်။ ဒီအတွက် မိန်းကလေးတစ်ယောက်ကို အလွယ်တကူ ချဉ်းကပ်နိုင်ဖို့ နည်းလမ်း(၃)ခုကို ဖော်ပြပေးလိုက်ပါတယ်။

၁။ စပြီး စကားပြောရမှာကို မလုပ်ချင်ရင်လည်း လုပ်ရမှာပါပဲ။

ယောင်္ကျားလေးအများစုက မသိကျွမ်းသေးတဲ့မိန်းကလေးတစ်ယောက်နားကို သွားဖို့နဲ့ စကားစပြောဖို့ကို ကြောက်တတ်ကြပါတယ်။ တကယ်ကို ထူးဆန်းပါတယ်။ တချို့တွေဆိုရင် သူစိမ်းမိန်းကလေးတစ်ယောက်ကို ချဉ်းကပ်ဖို့ထက် M-16 သေနတ်တစ်လက်ကိုင်ပြီး အာဖဂန်စစ်ပွဲကို ပြေးဝင်သွားရဲတယ်လို့ ပြောသူတွေတောင် ရှိပါတယ်။ ဒါကလည်း မထူးဆန်းပါဘူး။ စစ်ပွဲအတွင်းမှာ တာလီဘန်တွေကြောင့် သေဆုံးသွားရတာထက် မိန်းကလေးတစ်ယောက်က ပေါ်တင်ကြီးငြင်းပယ်တာကို ခံလိုက်ရတာက

ပိုပြီးခံရခက်တာကြောင့် ဖြစ်ပါတယ်။ ဒါပေမယ့် သတ္တိမွေးပြီး ချဉ်းကပ်ကာ စကားစပြောကြည့်မယ်ဆိုရင်တော့ ထင်ထားသလောက်မဆိုးရွားပဲ အဆင်ပြေနိုင်ချေပိုများတယ်ဆိုတာကို သိလာပါလိမ့်မယ်။

၂။ အချိန်သုံးနာရီအတွင်းမျာ မိန်းကလေးအယောက်(၁၀၀)ကို ချဉ်းကပ်ပါ။

ဒီကိစ္စက တကယ်ကိုစိတ်ရှုပ်စရာဖြစ်မယ်ဆိုတာကို အရင်ဆုံးပြောထားချင်ပါတယ်။ ဒီကိစ္စက မိန်းကလေးတွေရဲ့ ဖုန်းနံပါတ်တွေရဖို့နဲ့ ချိန်းတွေ့ခွင့်ရဖို့ လေ့ကျင့်ခန်းတစ်ခုမဟုတ်ပါဘူး။ လူမှုရေးလွတ်လပ်မှုရဖို့ လေ့ကျင့်ခန်းတစ်ခုဖြစ်ပါတယ်။ ပြောချင်တာက မိန်းကလေးတွေ တတ်နိုင်သမျှများများနဲ့ စကားလိုက်ပြောကြည့်တာက သင့်စိတ်ထဲက မလုံခြုံမှုနဲ့ အူကြောင်ကြောင်ဖြစ်မှာကို ကြောက်တဲ့စိတ်တွေ ပျောက်သွားဖို့ ဖြစ်ပါတယ်။ ငြင်းပယ်ခံရမှာကို မစိုးရိမ်ပဲနဲ့ ရဲရဲတင်းတင်းဆက်ဆံရေးတာက ဆွဲဆောင်မှုတစ်ခုဖြစ်ပါတယ်။ ဒီလေ့ကျင့်ခန်းအတွက် အဆင့်သုံးဆင့်ရှိပါတယ်။

(က) Shopping mall ဒါမှမဟုတ် ပွဲတော်တစ်ခုလိုမျိုး လူစည်ကားတဲ့နေရာတစ်ခုကိုသွားပါ။

(ခ) အကောင်းဆုံးရလဒ်ရရှိဖို့အတွက် သူငယ်ချင်းတစ်ယောက်ကို ခေါ်သွားပြီး အလောင်းအစားလုပ်ပါ။

(ဂ) ရည်မှန်းလုပ်ဆောင်ရမှာက အချိန်သုံးနာရီအတွင်းမှာ မိန်းကလေးအယောက်(၁၀၀)နဲ့ စကားပြောဖြစ်ဖို့ပဲဖြစ်ပါတယ်။

စလုပ်ပြီဆိုရင် အငြင်းပယ်ခံရဖို့က သေချာပါတယ်။ ဘယ်လိုလူလဲဆိုပြီး လစ်လျူရှုခံလိုက်ရဖို့လည်း များပါတယ်။ ဒါပေမယ့် လူအများကြားမှာ မိန်းကလေးတွေနဲ့ စကားပြောဖို့ကြောက်စိတ်တော့ တော်တော်ကြီးကို နည်းသွားမှာ ဖြစ်ပါတယ်။

၃။ လိုက်နာသင့်တဲ့အချက်တွေ

သူစိမ်းမိန်းကလေးတစ်ယောက်ကို ချဉ်းကပ်ဖို့ တကယ်ကို မ၀ံ့မရဲဖြစ်နေတယ်ဆိုရင် အချိန်မေးတာတို့၊ လမ်းမေးတာတို့လို လွယ်ကူရိုးရှင်းတာလေးတွေနဲ့ စလို့ရပါတယ်။ ဒီလိုမေးလို့ မိန်းကလေးက စဖြေပြီဆိုတာနဲ့ တကယ်တမ်းတော့ ငါ သိပါတယ်။ တမင် မင်းနဲ့စကားပြောချင်လို့ပါ လို့ ပြောလိုက်ပါ။ မိန်းကလေးအများစုက ဒီလိုပြောတာကို ဟာသလို့ ထင်တတ်ကြပါတယ်။ နောက်တစ်ချက်က သင်သဘောကျတဲ့ မိန်းကလေးတစ်ယောက်တွေ့ရင် ဘာကိုမှအများကြီးစဉ်းစားမနေပဲ စကားစပြောလိုက်ပါ။ သင့်ရဲ့ ကိုယ့်ကိုယ်ကို ယုံကြည်မှုပေါ်မှာ မူတည်ပြီး ရလဒ်က ကွဲပြားပါလိမ့်မယ်။

Credit : http://mmgentleman.com/2016/03/26/43456/