" ချစ်သူကို လက်မလွှတ်ရဖို့ ကြိုးစားနေရသည့် လက္ခဏာ(၁၀)ခု "

 

ဘယ်သူမဆို ကိုယ်ချစ်တဲ့သူနဲ့ သက်ဆုံးတိုင်လက်တွဲသွားချင်ကြပါတယ်။ ဒါပေမယ့် တဖက်ဖက်က အချစ်တွေ ပျောက်ဆုံးပြီး ခံစားချက်မဲ့သွားတာမျိုး ကြုံတွေ့ရတတ်ပါတယ်။ ဒီလိုအချိန်မျိုးမှာ ကျွန်တော်တို့တွေက ကိုယ့်ပါတနာကို နားလည်နိုင်ဖို့နဲ့ လက်တွဲမပြုတ်ဖို့အတွက် အကောင်းဆုံးကြိုးစားတတ်ကြပါတယ်။ တကယ်တော့ ကျွန်တော်တို့ဟာ ကိုယ့်အချစ်ကို မလိုလားတော့တဲ့ တစ်စုံတစ်ယောက်ကို ဆက်ချစ်နေနိုင်ဖို့ တမင်အားထုတ်ကြိုးစားနေကြတာပဲဖြစ်ပါတယ်။ ဒီလို အခြေအနေကြုံတွေ့နေရတဲ့ လက္ခဏာ(၁၀)ခုရှိပါတယ်။ ဒီလက္ခဏာတွေ ကြုံတွေ့ခံစားနေရပြီဆိုရင်တော့ နှစ်ဦးသားအချစ်ဇာတ်လမ်းကို ရှေ့ဆက်သင့် မဆက်သင့် သေချာစဉ်းစားဖို့ လိုအပ်နေပြီဖြစ်ပါတယ်။ ဒီလက္ခဏာတွေကတော့ –

၁။ အချိန်တိုင်း ဖျောင်းဖျဖို့ကြိုးစားနေရခြင်း
အကြောင်းကိစ္စတစ်ခုခုအတွက် သင့်ရဲ့ပါတနာကို အချိန်တိုင်း ဖျောင်းဖျနေရမယ်ဆိုရင် ပုံမှန်မဟုတ်တာ သေချာပါတယ်။ သူမရဲ့ခွင့်ပြုချက်ရဖို့ အလေးအနက်တောင်းဆိုနေရတာ၊ အနူးအညွတ်ပြောနေရတာမျိုးတွေက ဆက်ဆံရေးမပြိုကွဲအောင် တမင်အားထုတ်ကြိုးပမ်းမှုတွေပဲဖြစ်ပါတယ်။

၂။ အမြဲတမ်းအလျှော့ပေးနေရခြင်း
ကိုယ်လုပ်ချင်တာမလုပ်ရပဲ သင့်ပါတနာ စိတ်တိုင်းကျသွားလာနေထိုင် လုပ်ကိုင်နေရတာမျိုးဖြစ်ပါတယ်။ နှစ်ဦးသားဆက်ဆံရေးကို ထိန်းသိမ်းထားဖို့အတွက် သင့်ရဲ့ပျော်ရွှင်မှုကို စတေးပစ်လိုက်ရတဲ့ သဘောပါပဲ။ သူမ ခွင့်မပြုတဲ့အတွက် အခင်ဆုံးသူငယ်ချင်းတွေနဲ့တောင် အပေါင်းအသင်းမလုပ်တော့တဲ့အထိ ဖြစ်တတ်ပါတယ်။

၃။ ဘာလုပ်လုပ်ပြဿနာဖြစ်နေရခြင်း
သင့်ရဲ့ပါတနာခွင့်မပြုတဲ့ အကြောင်းအရာတစ်ခုခု လုပ်မိတိုင်း ပြဿနာတက်ရတာမျိုးဖြစ်ပါတယ်။ ဒီအကြောင်းအရာက ဘာမှအရေးမကြီးတဲ့ကိစ္စလည်း ဖြစ်နိုင်ပါတယ်။ ဒါပေမယ့် သင့်ပါတနာက ဇာတ်လမ်းတွေ ဆင်ပြီး ပြဿနာကြီးတစ်ရပ်အဖြစ်
ဖန်တီးလိုက်တတ်ပါတယ်။ ပြီးရင် သင့်ကို ရှင်းပြခွင့် လုံးဝမပေးပဲ တဖက်သတ် ပြစ်တင်ပြောဆိုခံနေရပါလိမ့်မယ်။ ဒီလိုနဲ့ နောက်ပိုင်းမှာ တစ်ခုခုကို ဆုံးဖြတ်လုပ်ဆောင်မယ်ရတိုင်း ပြဿနာဖြစ်မှာကို စိုးရိမ်ကြောင့်ကျနေရတတ်ပါတယ်။

၎။ အမြဲတမ်း သင်ကချည်းပဲ စီစဉ်နေရခြင်း
သင်တို့နှစ်ဦး အတူအပြင်သွားဖို့၊ တစ်ခုခုလုပ်ဖို့ စီစဉ်စရာရှိတိုင်း သင့်ပါတနာက စိတ်ဝင်တစားမရှိပဲ သင်ကချည်းပဲ စီစဉ်နေရတာမျိုးဖြစ်ပါတယ်။ ဒီအချက်က ချစ်သူစုံတွဲတွေအတွက် ကောင်းမွန်တဲ့ ဆက်ဆံရေးအခြေအနေမဟုတ်ပါဘူး။ သင်က စီစဉ်ထားလို့လည်း အမြဲတမ်းလက်ခံတာမျိုးမဟုတ်ပဲ များသောအားဖြင့် ငြင်းဆိုနေတတ်ပါတယ်။ ဒီလိုဆိုရင် သင်ပဲစိတ်မကောင်းဖြစ်ရတယ် မဟုတ်ပါလား။

၅။ အမြဲတမ်းနာကျဉ်ခံစားနေရခြင်း
သင့်ဘ၀တစ်ခုလုံးကို ပေးဆပ်လိုက်ဖို့ဆိုတာက ပြောဖို့သာလွယ်တာဖြစ်ပါတယ်။ ကျွန်တော်တို့ အများစုက အတ္တနည်းနည်းတော့ရှိတတ်ကြပါတယ်။ ဒီလို ချစ်သူအတွက် တစ်ဘ၀လုံးပေးဆပ်ထားတယ်ဆိုရင်လည်း သူမဆီက သာတူညီမျှတုံ့ပြန်မှုကို မျှော်လင့်တတ်ကြပါတယ်။ ဒါပေမယ့် သင့်ရဲ့ပေးဆပ်မှုကို အလေးမထားပဲ လစ်လျူရှုခံနေရမယ်ဆိုရင်တော့ နာကျဉ်ရခံစားရမှာသေချာပါတယ်။

၆။ မိမိကိုယ်ကို ပြုပြင်ပြောင်းလဲနေရခြင်း
သူမသတ်မှတ်ထားတဲ့ ချစ်သူပုံစံဖြစ်အောင်လို့ အရာရာလိုက်ပြီး ပြုပြင်ပြောင်းလဲနေရတာမျိုးဖြစ်ပါတယ်။ သူမစိတ်တိုင်းကျဖြစ်ဖို့ ကြိုးစားရင်း သင့်ခံစားချက်၊ သင့်ဝါသနာနဲ့ သင့်အကြိုက်တွေကို စွန့်လွှတ်ပေးရတာကို ထိုက်တန်တယ်လို့ ထင်ပါသလား။ ဒီလိုလုပ်မယ်ဆိုရင်လည်း မိမိရဲ့ဖြစ်တည်မှုကို ဆုံးရှုံးခံပြီး ဆက်ဆံရေးကို တမင်ထိန်းသိမ်းနေရတာပဲ ဖြစ်ပါတယ်။

၇။ အတိတ်ကို စွဲလမ်းနေခြင်း
သင့်ပါတနာက သင့်ကိုမချစ်တော့ပဲ၊ သင်ကသာ လက်တွဲမပြုတ်ဖို့ တမင်ကြိုးစားနေရတဲ့ ဆက်ဆံရေးမျိုးမှာ ချစ်ခဲ့ကြတဲ့ အတိတ်ကို စွဲလမ်းနေတာမျိုးဖြစ်နိုင်ပါတယ်။ သူမနဲ့ အဆင်ပြေချစ်ကြည်နူးနေချိန်တွေကို ပြန်တွေးပြီး လက်မလွှတ်နိုင်ဖြစ်နေတာပါ။ ဒါပေမယ့် ဒီလိုအတိတ်မှာပဲ သာယာနေပြီး ရှေ့ဖက်ဖို့ မဖြစ်နိုင်ပါဘူး။

၈။ အမြဲတမ်းစကားစပြောနေရခြင်း
သူမမှာ ပြောစရာစကားမရှိသလို တိတ်ဆိတ်နေတတ်ပြီး သင်ကပဲ အမြဲတမ်းစကားမရှိစကားရှာ လိုက်ပြောနေရတာမျိုးဖြစ်ပါတယ်။ ဒီလို စကားသံကြားရဖို့ ပင်ပန်းတကြီးလိုက်ကြိုးစားနေရတယ်ဆိုရင်တော့ သင့်တို့နှစ်ဦးကြားက ဆက်ဆံရေးဟာ နှစ်ယောက်စလုံးအတွက် ၀န်ထုပ်ဝန်ပိုးတစ်ခုဖြစ်လာနိုင်ပါတယ်။ ဒီလို ဆက်ဆံရေးကို ကြိုးစားထိန်းသိမ်းနေမယ့်အစား လက်လွှတ်လိုက်တာက ပိုကောင်းပါတယ်။

၉။ နှစ်ဦးသားအနာဂတ်ကို တိုင်ပင်ဆွေးနွေးမှုမရှိခြင်း
နှစ်ယောက်ရှေ့ရေးအတွက် တိုင်ပင်ဆွေးနွေးတာမျိုးတွေက မပြောကောင်းတဲ့ကိစ္စလို့ သတ်မှတ်ထားတာမျိုးပါ။ သင်ကတော့ ကြိုစဉ်းစားပြီး ပြောချင်ပေမယ့် သင့်ပါတနာကတော့ စိတ်မ၀င်စားတတ်ပါဘူး။ သူမအနေနဲ့ အတူတူဘ၀ကို ဘယ်တော့မှစဉ်းစားလေ့မရှိသလို သင့်ကိုလည်း သူမဘ၀ရဲ့ အစိတ်အပိုင်းတစ်ခုလို့ ယူဆထားတာမျိုး ရှိမှာမဟုတ်ပါဘူး။

၁၀။ မျက်နှာချင်းဆိုင်ဖို့ ရှောင်နေတတ်ခြင်း
သင်နဲ့ ကြည်ကြည်နူးနူးမျက်နှာချင်းဆိုင်ဖို့ကို ရောဂါတစ်ခုလို့ ဆက်ဆံပြီး ရှောင်နေတတ်တာမျိုးဖြစ်ပါတယ်။ ချစ်သူနှစ်ဦးကြားဆက်ဆံရေးမှာ ဒီလိုမျိုးဖြစ်လာပြီဆိုရင် သင်နဲ့ပတ်သက်ပြီး သူမမှာ ဘာခံစားချက်မှ မရှိတော့လို့ပဲဖြစ်ပါတယ်။
ဒီလိုဆက်ဆံရေးမျိုးကို ကြိုးစားထိန်းသိမ်းနေတာကလည်း ရေရှည်မှာ နှစ်ယောက်စလုံးအတွက် ပျော်စရာအကြောင်းရှိမှာမဟုတ်ပါဘူး
မိန်းခလေးတိုင်းတောင့်တပြီး ယောကျာ်းလေးတိုင်း အားကျစေဖို့

Credit : http://mmgentleman.com/2015/11/01/y-2/