ချစ်သူနဲ့ ပြတ်ဆဲတော့မယ် အခြေအနေလား၊ တစ်ဖက်နဲ့ တစ်ဖက် သိပ်ကိုတင်းမာလွန်းတဲ့ အခြေအနေကို ရောက်နေပြီလား၊ ကိုယ့်ရင်ဘတ်တစ်ခုလုံးနဲ့ရင်းပြီး ချစ်ထားရတာမို့ ပစ်ရမှာလဲ သဲတရှပ်ရှပ် ဖြစ်နေပြီလား … မပူပါနဲ့ အောက်ပါအချက်(၆)ချက်ကို လုပ်ပါ။ လုံးဝ မကွဲစေရဘူးလို့ အာမခံပါတယ်။
(၁) နားလည်မှုနဲ့ နားထောင်ပါ
နားထောင်တယ်ဆိုတာ နားလည်မှုမပါဘဲ နားထောင်ရင် ဒီဘက်နားက ၀င်၊ ဟိုဘက်နားက ထွက် ဖြစ်နေမှာပဲ။ ဒီတော့ချစ်သူပြောတဲ့ စကားကို အပြန်အလှန် နားလည်မှုနဲ့ နားထောင်ပါ။ ကိုယ်နဲ့မပတ်တဲ့ အကြောင်းအရာ ဖြစ်စေ နားလည်မှုနဲ့ နားထောင်ပေးခြင်းဟာ ချစ်သူရဲ့ ၀တ္တရားပါ။
(၂) အတ္တကို ရှောင်ပါ
နှစ်ကိုယ်တူ ဘ၀ခရီးတစ်ခုကို တည်ထောင်ဖို့ရည်ရွယ်ထားပါရက်နဲ့ အတ္တကို ရှေ့တန်းတင်မိရင် ဘယ်လောက်ပဲ ချစ်ပါတယ်ဆိုဆို အဆင်ပြေမှာ မဟုတ်ပါဘူး။ အဲဒီတော့ နှစ်ဦးပေါင်းစပ်ထားတဲ့ သမအတ္တတရားလေး ထားပါ။ အရာရာ နှစ်ယောက်စလုံးနဲ့ ဆိုင်တာကိုပဲ လုပ်ပါ။ မိမိအတွက်ဆို အကျိုးမယုတ်နိုင်တဲ့ ကိစ္စမျိုး အသိပေးပြီး တိုင်တိုင်ပင်ပင် လုပ်ကြပါ။
(၃) ယုံကြည်မှုကို ရအောင်တည်ဆောက်ပါ
ယုံကြည်မှုရအောင်တည်ဆောက်ဖို့ ချစ်သူတွေကြားမှာ လုံးဝ မခက်ပါဘူး။ အဓိကကတော့ ကိုယ်ကိုယ်တိုင်က အပြစ်ကင်းတယ်၊ ရှိတဲ့အပြစ်တွေကို ရဲရဲဝန်ခံရဲတယ် … သူ့အပြစ်တွေကို နားလည်ခွင့်လွှတ်တယ်ဆိုရင် နှစ်ယောက်ကြားမှာယုံကြည်မှု ပြန်လည်အသက်ဝင်လာပါပြီ။
(၄) နာကျင်စေမယ့် အပြုအမူတွေကို ရှောင်မယ်
ဒီကရှေ့ ကိုယ့်အပြုအမူတွေက ကိုယ့်ချစ်သူကိ နာကျင်စေခဲ့တယ်ဆိုရင် အဲဒါတွေ မဖြစ်အောင် ရှောင်မယ် … ဒီစိတ်ကူးလေး
ထားရှိပါ။
(၅) လိုအပ်ချက်တွေ ဖြည့်ဆည်းမယ်
လိုအပ်ချက်တွေက ဘာတွေဖြစ်တယ်ဆိုတာကတော့ အခြေအနေပေါ်မှာ မူတည်ပါတယ်။ အရင်က သူ့လိုအပ်ချက်ကလေးတွေ ဘယ်လောက်ထိ မျက်ကွယ်ပြုမိခဲ့လဲ … ဒါကို စာနာနားလည်စွာနဲ့ အတိုးချလို့ ပေးဆပ်မယ် ..။
(၆) အပြောနဲ့အလုပ် ညီအောင်နေမယ်
အရေးကြီးဆုံးအချက်က အပြောနဲ့ အလုပ် ညီအောင်နေဖို့ပါဘဲ။ ဒါဟာ အဓိက သော့ချက်ပါဘဲ။ ချစ်သူတွေကြားမှာ အလွန်စေးကပ်တဲ့ ကော်တစ်ခုနဲ့ ကပ်ပေးလိုက်တာနဲ့ တူပါတယ်။
နတ်စည်တော် (Shwemom)
No comments:
Post a Comment