အထင်ကရအမျိုးသားတစ်ယောက်မှာ ထင်ရှားပြီး ဘယ်တော့မှမလွဲနိုင်တဲ့ ၀ိသေသလက္ခဏာတွေ ရှိတတ်ပါတယ်။ သူတို့က ပင်ကိုယ်ခေါင်းဆောင်တွေဖြစ်ပြီး သူရဲ့အပေါင်းအသင်းတွေ၊ အသင်းဖော် အသင်းသားတွေကို ဦးဆောင်မှု၊ ကာကွယ်မှုတွေ ပေးတတ်သူတွေဖြစ်ပါတယ်။ ပြောင်းလဲနေတဲ့ ကမ္ဘာကြီးမှာ အထင်ကရအမျိုးသားတွေအတွက် အခွင့်အရေးတွေအမြဲလိုလိုရှိနေတတ်ပါတယ်။ သူတို့က အကြောင်း အကျိုးကို ကောင်းကောင်းဝေဖန်သုံးသပ်နိုင်ပြီး အခွင့်အရေးရသမျှကို သူအဖွဲ့အစည်းအတွက် အကျိုးရှိစေသူ ဖြစ်ပါတယ်။
နောက်တနည်းပြောရရင် အထင်ကရအမျိုးသားဆိုတာ သူရဲ့စိတ်ဓာတ်၊ သူ့ရဲ့လုပ်ရပ်တွေကြောင့် တခြားသူ တွေက အတုခိုးရတဲ့အထိ ဆွဲဆောင်မှုရှိသူတွေဖြစ်ပါတယ်။ သင်ရော ဒီလို အထင်ကရအမျိုးသားတစ်ဦး မဖြစ်ချင်ဘူးလား။ အထင်ကရအမျိုးသားတစ်ဦးဖြစ်ဖို့အတွက် ရှောင်ရန် အချက်(၁၀)ကို ဖော်ပြလိုက်ပါတယ်။
၁။ အနိုင်မကျင့်ပါနဲ့
အထင်ကရအမျိုးသားတွေက လိုအပ်လာတဲ့အချိန်မှာ အားနဲ့မာန်နဲ့တိုက်ခိုက်တတ်ကြပေမယ့် အားနည်း သူကို အနိုင်မကျင့်တတ်ကြပါဘူး။ ဒါ့ကြောင့် အခြားလူတွေကို အနိုင်မကျင့်ပါနဲ့။
၂။ အသာစီးရဖို့ သစ္စာမဖောက်ပါနဲ့။
အထင်ကရအမျိုးသားတွေဟာ သူ့အပေါင်းအသင်းတွေပေါ်မှာ ဘယ်တော့မှာ နောက်ကျောဓားနဲ့ထိုးတာမျိုး သစ္စာဖောက်တာမျိုး မလုပ်တတ်ကြပါဘူး။ လူကြီးလူကောင်းဆန်ဆန် ပြုမူပြောဆိုတတ်ကြတဲ့အတွက် ထိုက်တန်တဲ့ အများရဲ့ လေးစားမှုကိုလည်း ခံယူနေကြရသူတွေဖြစ်ပါတယ်။
၃။ လိမ်ညာမပြောပါနဲ့။
အထင်ကရအမျိုးသားတွေက လူလိမ်တွေမဟုတ်ကြပါဘူး။ တခြားလူတွေကို မလိမ်တတ်ကြသလို ကိုယ့်ကိုယ်ကိုလည်း မလိမ်တတ်ကြပါဘူး။ ပြောစရာရှိတာကို ပွင့်ပွင့်လင်းလင်း ပြောတတ်ကြသူတွေ ဖြစ်ပါတယ်။
၎။ အခြားသူတွေကို အပြစ်မတင်ပါနဲ့။
အထင်ကရအမျိုးသားတွေက သူတို့လုပ်ရပ်အတွက် သူတို့ကိုယ်တိုင် တာဝန်အပြည့်အ၀ယူတတ်ကြပါတယ်။ သူတို့အပြစ်လျော့သွားဖို့အတွက် အပြစ်တင်စရာလူမရှာတတ်ကြသလို သူ့ရဲ့ကြိုးစားအားထုတ်မှုနဲ့ ထိုက်တန်တဲ့ အကျိုးရလဒ်ရရှိမယ်ဆိုတာကို တကယ်သဘောပေါက်ကြပါတယ်။ သူ့အမှားကို တခြားလူဆီ လွှဲချဖို့ စိတ်တောင်ကူးမိမှာမဟုတ်ပါဘူး။
၅။ မစဉ်းစားပဲ မလုပ်ပါနဲ့။
အထင်ကရအမျိုးသားတွေက အလျှင်မြန်ဆုံး လုပ်ဆောင်တတ်ကြပါလိမ့်မယ်။ ဒါပေမယ့် သူတို့မလုပ်ခင်မှာ
အမြဲစဉ်းစားလေ့ရှိကြပါတယ်။ သေချာစဉ်းစားဆင်ခြင်ပြီးမှ လုပ်ဆောင်တဲ့အလုပ်တစ်ခုဟာ အကောင်းဆုံး ရလဒ်တွေကိုပဲ ဆောင်ကျဉ်ပေးနိုင်တာကို သူတို့သိကြပါတယ်။
အမြဲစဉ်းစားလေ့ရှိကြပါတယ်။ သေချာစဉ်းစားဆင်ခြင်ပြီးမှ လုပ်ဆောင်တဲ့အလုပ်တစ်ခုဟာ အကောင်းဆုံး ရလဒ်တွေကိုပဲ ဆောင်ကျဉ်ပေးနိုင်တာကို သူတို့သိကြပါတယ်။
၆။ ပြဿနာကြုံရင် ပြာယာခတ်မနေပါနဲ့။
အထင်ကရအမျိုးသားတွေရဲ့ အဓိကအချက်က ပြောင်းလဲမှုကို ခံနိုင်ရည်ရှိတာပဲဖြစ်ပါတယ်။ ဘယ်လောက်ပဲ ရှုပ်ထွေးဆိုးဝါးတဲ့အခြေအနေဖြစ်ပါစေ၊ သူတို့ကတော့ အတွေ့အကြုံတွေကို အခြေခံပြီး သွေးအေးအေးနဲ့ ဖြေရှင်းသွားနိုင်ကြပါတယ်။ သူရင်ခုန်နှုန်းတွေမြန်ချင်မြန်သွားပါလိမ့်မယ်၊ ဒါပေမယ့်ကြောက်လန့်နေမယ့် အထဲမှာတော့ မပါပါဘူး။
၇။ အတင်းမပြောပါနဲ့။
သင့်ရဲ့ အလုပ်ရှင်၊ အပေါင်းအသင်းတစ်ယောက်ယောက်နဲ့ပတ်သက်ပြီး အားနည်းချက်တွေ ကျရှုံးမှုတွေ အကြောင်းကို ကွယ်ရာမှာပြောတတ်ရင် ပြင်ဖို့လိုပါပြီ။ ဘာကြောင့်လဲဆိုတော့ အထင်ကရအမျိုးသားတွေ က သူတို့အပေါင်းအသင်းတွေကို ဘယ်တော့မှမကောင်းမမြင်တတ်ကြသလို သူတပါးကိုနင်းပြီးမှ အမြင့်ကိုတက်ဖို့ ကိုလည်း စိတ်မ၀င်စားကြပါဘူး။
၈။ ခေါင်းဆောင်ကို နေရာတိုင်းအားကိုးမနေပါနဲ့။
အထင်ကရအမျိုးသားတွေက ကိုယ့်ကိုယ်ကိုကလွဲပြီး ဘယ်သူ့ကိုမှ အားမကိုးတတ်ကြပါဘူး။ နေရာတော်တော် များများမှာလည်း သူက ခေါင်းဆောင်ဖြစ်တတ်ကြပြီး ခေါင်းဆောင်မဖြစ်ရင်လည်း လေးစားခံရသူဖြစ်နေတတ် ပါတယ်။ လိုအပ်လာရင် သူ့ရဲ့စိတ်ကူးကို ထုတ်ပြောဖို့ အားနာကြောက်လန့်နေတာမျိုးမရှိသလို လုပ်စရာရှိတာ တွေကိုလည်း ဘယ်သူ့ကိုမှာစောင့်မနေပဲ အင်တိုက်အားတိုက်လုပ်တတ်ပါတယ်။
၉။ အမှားလုပ်မိရင် တောင်းပန်ဖို့ မမေ့ပါနဲ့။
အထင်ကရအမျိုးသားတစ်ဦးအနေနဲ့ တောင်းပန်စကားဆိုဖို့ နှောင့်နှေးမနေတတ်ကြပါဘူး။ တောင်းပန်ပြီးရင် လည်း ပြဿနာကို အကောင်းဆုံးအဖြေရှာပြီး ပြင်ဆင်သွားမှာဖြစ်ပါတယ်။
၁၀။ စားသောက်ဖွယ်ရာတွေအတွက် တခြားလူကို မရှင်းခိုင်းပါနဲ့။
အထင်ကရအမျိုးသားတွေက တခြားသူတွေရဲ့ ခင်မင်ကြင်နာမှုအပေါ်မှာ အမြတ်မထုတ်တတ်ကြပါဘူး။ သူတို့က ကိုယ်စရိတ်ကိုယ်ရှင်းတတ်ကြပြီး တခြားလူဆီမှာ ကျေးဇူးကြွေးအတင်မခံလိုကြပါဘူး။ ဒါ့အပြင် သူတို့ကတောင် အားလုံးအတွက် အမြဲလိုလို ရှင်းပေးတတ်ကြပါတယ်။
No comments:
Post a Comment