သင်ဟာ အလုပ်ချိန် မအားလပ်တာတွေကြောင့် အားကစားခန်းမ မသွားဖြစ်ပဲ ရပ်ကွက်ထဲမှာပဲ ဖြစ်ဖြစ် အနီးဆုံးက ပန်းခြံတစ်ခုခုမှာပဲ ဖြစ်ဖြစ် အပြေးလေ့ကျင့်တော့မယ် ဆိုပါစို့။ အပြေးလေ့ကျင့်တယ် ဆိုတာဟာ အကောင်းဆုံး အားကစားတစ်ခုပါ။ ဒါပေမယ့်လည်း ပြေးချင်သလို ပြေးနေလို့တော့မရပါဘူး။ အပြေးလေ့ကျင့်နေစဉ်မှာ မလုပ်သင့်တဲ့အမှားလေးတွေရှိနေပါတယ်။ ဒါတွေကို ရှောင်ရှားနိုင်မှာသာ ကျန်းမာရေး အတွက် ကောင်းမွန်လာပါလိမ့်မယ်။
အဲဒါတွေကတော့ -
၁။ နာကျင်နေချိန်မှာ ပြေးခြင်း
သင်ဟာ ခြေထောက် နာကျင်နေချိန်မှာ အံကြိတ်ပြီးဆက်ပြေးနေလို့လည်း ဘယ်သူကမှ သင့်ကို သူရဲကောင်းဘွဲ့လာပေးမှာ မဟုတ်ပါဘူး။ လူဆိုတာ ကိုယ့်အကြောင်းကိုယ် ပဲ သိပါတယ်။ ကိုယ်ခြေထောက်နာနေတဲ့အခြေအနေက ဆက်ပြီး အပြေးလေ့ကျင့်ဖို့ မဖြစ်နိုင်ဘူးဆိုတာ သိတာနဲ့ ဆက်မပြေးပါနဲ့တော့။နားလိုက်ပါ။
၂။ မသင့်တော်တဲ့ ဖိနပ်ကို စီးပြီး ပြေးခြင်း
အပြေးလေ့ကျင့်တယ်ဆိုတာဟာလည်း ဘောလုံးကန်တာတို့ ၊ တင်းနစ် ကစားတာတို့ လိုမျိုး အားကစား တစ်ရပ် ဖြစ်တဲ့အတွက် သတ်မှတ် ၀တ်စုံတွေကို တော့ ၀တ်ဆင်ဖို့လိုပါလိမ့်မယ်။ အပြေးလေ့ကျင့်တဲ့ အခါမှာလည်း ဖိနပ် အမျိုးအစားတွေ သတ်မှတ်ပေးထားပါတယ်။ ဒါမှသာ လျှင် ခြေထောက်မနာပဲ ကျန်းမာရေး နဲ့ ညီညွတ်တဲ့ အပြေးလေ့ကျင့်ခြင်း ဖြစ်လာမှာပါ။
၃။ သွေးပူလေ့ကျင့်ခန်းမလုပ်ပဲ ပြေးခြင်း
အပြေးလေ့ကျင့်တော့မယ်ဆိုရင် သွေးပူလေ့ကျင့်ခန်း တော့ အရင်လုပ်သင့်ပါတယ်။ သွေးပူလေ့ကျင့်ခန်း လုပ်မှ အကြောတွေပါ ပြေလျော့နိုင်မှာ ဖြစ်ပါတယ်။ အကြောတွေပြေလျော့နေမှသာ အပြေးလေ့ကျင့်ခြင်းရဲ့ အကျိုး သက်ရောက်မှုကို ရရှိမှာဖြစ်ပါတယ်။ မဟုတ်ရင်တော့ အပြေးလေ့ကျင့်တာဟာ ကိုယ့်ကိုကိုယ် ဒုက္ခပေးနေသလို ဖြစ်နေပါလိမ့်မယ်။
၎။ ဖနောင့်နဲ့ဦးစွာ ခြေချခြင်း
ပြေးတဲ့အခါမှာ ခြေထောက်ကို မြှောက်လိုက်ပြီးရင် ပြန်အချမှာ ဖနောင့်နဲ့ချရမှာ မဟုတ်ပါဘူး။ ခြေဖ၀ါး အရင်ချ ပြီးမှသာ ဖနောင့်ကို မြေပြင်ကျစေရမှာဖြစ်ပါတယ်။ မဟုတ်ရင်တော့ ဖနောင့်နာကျင်တဲ့ ဝေဒနာကို ခံစား ရပါလိမ့်မယ်။
၅။ လက်ကိုအရမ်းလွှဲခြင်း
အပြေးလေ့ကျင့်တဲ့အခါ ခြေထောက်ရဲ့ လေ့ကျင့်ခန်းကို လုပ်နေရတာပါ။ ခန္ဓာကိုယ်ရဲ့ အလေးချိန်မျှတမှု ကို ခြေထောက်တွေ လှုပ်ရှားပြီး ထိန်းရတာပါ။ လက်ရဲ့ လေ့ကျင့်ခန်းတစ်ခု မဟုတ်ပါဘူး။ ဒါကြောင့် ပြေးနေရင်းနဲ့ လက်တွေကိုလွှဲလိုက်ခြင်းဟာ လက်တွေကို နာကျင်စေနိုင်ပြီး အပြေးလေ့ကျင့်ခြင်းရဲ့ အကျိုးသက်ရောက်မှု ကို ခံစားရမှာ မဟုတ်တော့ပါဘူး။
Ref : Menxp
No comments:
Post a Comment