" ကျွန်ုပ်နှင့် ထူးသောဂါထာ ..."

 

တစ်နေ့သ၌ ကျွန်ုပ်ဆီသို့ မိတ်ဆွေရောင်းရင်းဖြစ်သော ကိုမျိုးမြင့် ရောက်လာပါသည်။ ဤတစ်ခါလာပုံသည် ယခင်လာပုံမျိုးနှင့်မတူ။ မြောက်ကြွမြောက်ကြွဖြစ်နေသဖြင့် ကျွန်ုပ်က ...
 '' မလာမယ့်မလာတော့ပျောက်နေလိုက်တာ။ လာမယ့်လာတော့လည်းမြောက်ကြွမြောက်ကြွနဲ့ ခြေထောက်သံစူးတဲ့အတိုင်းပဲ ။ ဘယ်လိုဖြစ်လာတာလဲ ... '' ဟုမေးလိုက်ရာ ၎င်းကပြုံးပြုံးရွှင်ရွှင်ဖြင့် ...
 '' မြောက်ဆို ဘ၀င်လေဟပ်လာတာလေဗျာ။ ခါတိုင်း ခင်ဗျားဆီကယူပြီးပြန်ပြန်နေရတယ်။ ဒီတစ်ခါတော့ ခင်ဗျားကိုပေးပြီးပြန်ရမှာမို့ ပျော်လာတာဗျ ... '' ဟု ရင်းရင်းနှီးနှီးပြန်ပြောလေ၏။ ကိုမျိုးမြင့်ကား အင်မတန်ခင်မင်ဖွယ်ကောင်းသူဖြစ်၏။ ၎င်း၏စိတ်ရင်းကောင်းပုံ၊ စိတ်ထားဖြူစင်ပုံကိုရေးသားရလျှင် ဤဆောင်းပါးလွန်စွာ ရှည်သွားဖွယ်ရှိ၏။ ကျွန်ုပ်ဘ၀တွင် လူအမျိုးမျိုးကိုတွေ့ကြုံခဲ့ရဖူးပါ၏။ တချို့လူသည် ဟန်ဆောင်ကာ ပေါင်းသင်းတတ်၏။ အချို့လူမှာ ညာစားတတ်၏။ အချို့လူမှာမူ ဆုံးမတတ်၏။ သွန်သင်ညွန်ပြတတ်၏။ အချို့မှာမူ ဆရာကြီးလုပ်တတ်၏။ အချို့ကလိမ်ညာ လှည့်ဖြားတတ်၏။ အချို့ကမျှော်လင့်ချက်ဖြင့်ကူညီတတ်၏။ အချို့က .... အချို့က .... စသဖြင့်ရေးလျှင် ကုန်ဖွယ်မရှိ။ အချို့ကမူ အမှန်တကယ်စိတ်ရင်းကောင်း၏။ သူတပါးအကျိုးစီးပွားကိုသာရှေးရှု၍မုဒိတာပွားနိုင်၏။ အယုတ်တရားကိုမကြံတတ်၊ မလုပ်တတ်ပါချေ။ ဤလိုလူမျိုးကား ရှားပါးလှ၏။ ကိုမျိုးမြင့်ကား
ဤလိုလူမျိုးတည်း။

'' ခင်ဗျားက ကျွန်တော်ကိုပေးမယ်ဆိုတော့ မဟုတ်မှလွဲရော ပညာကောင်းတစ်ခုခုရလာပြီထင်တယ်။ ဟုတ်တယ်ဆိုရင် လင်းစမ်းပါဦးဗျာ ... '' ဟုကျွန်ုပ်ကပြောလိုက်ရာ ကိုမျိုးမြင့်က ... '' ပညာကောင်းဆိုတာထက် ဂါထာကောင်းလို့ပြောရင်ပိုပြီးတိကျလိမ့်မယ်ဗျို့။ ဂါထာလို့သာပြောရတယ်။ ဂါထာလို့လည်းဆိုထိုက်ချင်မှဆိုထိုက်လိမ့်မယ်။ စွမ်းတာကတော့ တအားပဲဗျို့။ ရပုံလေးနဲ့ လက်တွေ့အကျိုးရှိပုံလေးတစ်ခုပြောပြမယ် ... '' ဟုဆိုကာစကားကို ခဏရပ်၍ကျွန်ုပ်ကိုအကဲခတ်ဟန်ကြည့်၏။ ကျွန်ုပ်က စကားထောက်ပေးလိုက်မှ ၎င်းကဆက်၍ ... '' ကျွန်တော့်အိမ်မှာ အမြဲဆွမ်းခံကြွနေတဲ့ဦးပဉ္ဇင်းလေးတစ်ပါးရှိတယ်။ အမြဲမပြတ်လည်းဆွမ်းနဲ့ဆွမ်းဟင်းကိုရအောင်ကပ်လှူတယ်။ ကုသိုလ်အရေးမို့ ကိုယ့်မှာ စားစရာမရှိတောင်ရအောင်လှူတယ်။ အဲ .... ထူးခြားချက်က ဦးပဉ္ဇင်းရဲ့သပိတ်ဟာအမြဲဆွမ်းပြည့်ရုံမက ပိုလျှံတောင်နေတယ်။ သပိတ်အဖုံးပေါ်မှာဆို ၀တ္ထုငွေကမနည်းဘူး။ တိုတိုပြောရရင် တစ်နေ့ ဘယ်လိုမှဆွမ်းလောင်းလှူစရာမရှိဘူး။ ပိုက်ဆံသွားချေးတော့လည်းဘယ်မှာမှမရဘူး။ ကိုယ်တောင်ဘယ်လိုစားရမှန်းမသိတာ။ ဦးပဉ္ဇင်းကိုတော့ မျက်နှာနာနာနဲ့ပဲ ... '' အရှင်ဘုရား ... ဒီနေ့ ကန်တော့ဆွမ်းပါဘုရား ... '' လို့လျှောက်ရတော့တာပေါ့။ ဒီမှာတင်အခြေအနေကိုသဘောပေါက်တဲ့ဦးပဉ္ဇင်းက သူ့ရဲ့ထူးတဲ့လာဘ်ရွှင်ဂါထာပေးလာတော့တာပဲ။ သူကိုယ်တိုင်တောမှီရဟန်းတစ်ပါးဆီက ရတာလို့ပြောတယ်။ ဒီဂါထာရပြီးကတည်းက အလုပ်ပြတ်နေတဲ့ကျွန်တော် အလုပ်ပြန်ရတယ်။ အလုပ်ထဲမှာသူများမရတဲ့အခွင့်အရေးတွေရတယ်။ လာဘ်ရွှင်ပုံကတော့ပြော ... မပြောချင်ဘူးဗျာ ... '' ဟုရှည်လျားစွာပြောနေသဖြင့်ကျွန်ုပ်က ... '' ထူးတဲ့ဂါထာဆိုတော့ ဘာတွေများထူးနေလို့လဲ ... '' ဟုမေးလိုက်ရာ ၎င်းက ... '' တစ်ခါကခင်ဗျားပေးတဲ့ '' လင်းလက်လိုက်လေ '' ဆိုတဲ့ အသံလှိုင်းစကားလေးဟာပစ္စည်းပျောက်တာ၊ မေ့ကျန်တာမှာစွမ်းတယ်မဟုတ်လား။ အဲ့ဒါ အသံလေဗျာ။ ဂါထာမှမဟုတ်ပဲ။ အခု ကျွန်တော်ပြောမယ့်ဂါထာကလည်း အသံလှိုင်းလားလို့ထင်မိတယ်။ ဥုံပါလို့ ဂါထာသာဆိုတယ်။ ဘာမှန်းတော့မသိဘူး။ ဦးပဉ္ဇင်းပေးတဲ့ဂါထာက ... '' ဥုံဟ '' တဲ့ ... '' ဟုပြောလိုက်ရာ ကျွန်ုပ်ကအံ့သြဟန်ဖြင့် ... '' ဘယ်လို ....  '' ဥုံဟ '' ဟုတ်လား။ ဘာကြီးလဲ ... '' ဟုဆိုလိုက်ရာ ကိုမျိုးမြင့်က ... '' ဘာကြီးမှမဟုတ်ပါဘူး။ ဂါထာလို့ပဲမှတ်ယူစို့ဗျာ။ အဲ ... ရွတ်ပုံကနည်းနည်းအရေးကြီးတယ်။ ဋ္ဌာန်မမှန်ရင်မစွမ်းဘူးတဲ့။ အဓိကအားဖြင့် '' ဟ '' ကိုရွတ်တဲ့နေရာမှာ '' ဟအ '' လို့အမြန်ရွတ်တဲ့အသံထွက်အောင်ရွတ်ရမယ်တဲ့။ ဥုံကတော့ထုံးစံအတိုင်း ရင်ခေါင်းကလာတဲ့လေကိုနှာသီးကနေပြန်ထုတ်တဲ့နည်းနဲ့ရွတ်ရမယ်တဲ့။ ပထမတော့ ကျွန်တော်လည်းရွတ်ရခက်တာပေါ့ဗျာ။ အခုတော့ ချောချောမောမောရွတ်ဆိုနိုင်သွားပါပြီ ... '' ဟုပြောပြလေ၏။ ထိုအခါ ကျွန်ုပ်သည်ထိုဂါထာလေး ( ၀ါ ) သံစဉ်လေးကို အကြိမ်ကြိမ်ရွတ်ဆိုကြည့်မိ၏။ မှားသည်ထင်လျှင် ကိုမျိုးမြင့်ကိုပြန်မေး၏။ ထို့နောက် ကိုမျိုးမြင့်ပြန်သွားပါသည်။ သို့သော် ၎င်းချန်ခဲ့သောဂါထာလေးကိုကား နေ့စဉ်မနက်တိုင်း သူပြောသလို ( ၃၇ ) ခေါက်ရွတ်ဆိုနေမိလေသတည်း။


ကလောင်ခွဲဖြင့်ရေးခဲ့သော 21.12.07 နေ့ထုတ်နေလဂမ္ဘီရဂျာနယ်မှ ...

Credit : http://www.thutasann.com/search/label/%E1%80%82%E1%80%AB%E1%80%91%E1%80%AC%E1%80%99%E1%82%8F%E1%81%B1%E1%80%94%E1%80%B9#